Müzakirə:Pol Sezan

Məqalədə bir dənə də istinad yoxdu, belə məqalənin nəinki seçilmiş, hətta yaxşı statusu alması belə qaydalara ziddir. Onlarla mənbə yoxdur şablonu yerləşdirmək mümkündür məqalədə. Ayrıca en vikidə heç bir statusu olmayan müvafiq məqalə bizdəkindən daha zəngindir. Məncə heç olmasa o səviyyəyə çatdırılmalıdır məqalə. --sefer 11:05 16 iyul 2011 (UTC)

• Məqalədəki istinad mənbə yerində göstərilmişdir: Azərbaycan Sovet Ensiklopediyası və Pol Sezannın bioqrafiyası --Fuad Sultan 11:16, 16 iyul 2011 (UTC)

Məqalə çox yüksək səviyyədə hazırlanıb. Laboratoriyada olduğu müddətdə istinadla bağlı problemlər də həll oluna bilər. Kifayət qədər zaman var. --►Cek Li Taran^mesaj 06:20, 16 iyul 2011 (UTC)

Kommonsdan şəkillərin məqalədə yerləşdirilməsi heç də məqalənin yüksək səviyyədə olması demək deyil. Mövzuyla bağlı yüksək səviyyədə məqalə belə ola bilər [1]. Fuad bəy xahiş edirəm məni səhv başa düşməyin. Mən sizin əməyinizi yüksək qiymətləndirir və təşəbbüsünüzü dəstəkləyirəm. Lakin ortaya çıxardığımız işlərin adımıza layiq olması da vacibdir. Yəni başdan sovurma iş qoymayaq ortaya (sizin bu cür məqalə yaratdığınızı nəzərdə tutmuram) , mənim istədiyim sadəcə budur. Cekli bəy doğru deyir ki, laboratoriyada olduğu müddətdə məqalədəki çatışmazlıqlar aradan qaldırıla bilər. Hələ bir ay vaxt var. İnanıram ki, məqaləni yuxarıda göstərdiyim keçiddəki məqalə səviyyəsinə çatdıra bilərsiz. Mən də çalışıb əlimdəngələn qədər kömək edərəm. --sefer 13:55 17 iyul 2011 (UTC)

• Söylədiklərinizi nəzərə alaram. Bunu da qeyd etmək istərdim ki, şəkillər Kommonsdan yüklənməyib. --Fuad Sultan 14:06, 17 iyul 2011 (UTC)

İndi baxıram, başqa bir şey də diqqətimi çəkdi, rəssamın əsərlərindən heç biri haqqında məqalə yoxdur azvikidə, Məncə əvvəlcə Pol Sezann şablonu yaradıb onun məşhur əsərlərinin adını şablona daxil edin. Daha sonra isə həmin əsərlər haqqında məqalə yaradın. Yalnız bundan sonra Pol Sezan məqaləsini genişləndirmək və inkişaf etdirmək bizim üçün asan olar. Şəxsi təcrübəmə görə danışıram, mən də bir mövzunu işləməmişdən əvvəl (əgər seçilmiş məqalə üçün nəzərdə tutmuşamsa0 əvvəlcə şablonunu yaradıram, sonra həmin mövzuya aid olan bütün xırda məqalələri işləyirəm, daha sonra əsas mövzunu tamamlayıram. Siz də belə etsəniz daha uğurlu nəticə əldə edərsiz. Hörmətlə --sefer 13:55 17 iyul 2011 (UTC)

• Hörmətli Səfər bəy, mən sizin fəaliyyətinizi maraqla izləmişəm və çox yüksək qiymətləndirirəm. Əsas mətləbə qalsa, məqaləni bitirəndən dərhal sonra Pol Sezannın əsərləri və Pol Sezann şablonu üzərində işləyirəm. Fəaləiyyətinizdə uğurlar. --Fuad Sultan 00:00, 18 iyul 2011 (UTC)

Yuxarıda da qeyd edildiyi kimi, məqalədə ASE mənbə kimi göstərilib. Məlumat üçün deyim ki, Vikipediyada və ya ümumiyyətlə hər hansı digər yerdə müəllif hüququ ilə qorunan kitablar, o cümlədən də ASE-dən konkret məqalə müəllifinin icazəsi olmadan mənbə kimi istifadə etmək olmaz. Daha doğrusu oradakı mətnlərin olduğu kimi köçürülməsi qadağandır, təbii ki, olduğu kimi köçürülməyəndə də mənbə kimi artıq ASE göstərilə bilməz. Həm də xahiş edirəm ki, məqalənin adını dəqiqləşdirəsiniz. Bildiyim qədərilə Azərbaycan dilində "Pol Sezan" olmalıdır. Yəni sonda yalnız bir "n" hərfi var. ASE-dəki həmin məqalənin adı necədir? Wertuose 19:38, 16 avqust 2011 (UTC)

Wertuose məqalənin adı tamamilə dəqiqdir. Azərbaycan Sovet Ensiklopediyasında da belə qeyd edilib. Həmçinin artıq Sovet Rusiyası mövcud deyil və bu ensiklopediyanı Sovet vətandaşları yazıblar. Hal-hazırda isə Azərbaycan Respublikasının vətəndaşı olaraq mənbə kimi istifadə etmək hüququm vardır. --Fuad Sultan 15:38, 17 avqust 2011 (UTC)

Müəllif hüquqları ölkələrə görə yox, şəxslərə görə müəyyən olunur. ASE-nin, həmçinin hər hansı bir digər kitabın müəllif hüquqları onun müəllifinin vəfatından 70 il sonraya kimi qüvvədə qalır. Məqalənin adını yoxladığın üçün sağ ol. Bir də xahiş edirəm müzakirə səhifələrində yazılardan əvvəl * (ulduz) işarəsindən istifadə etmə. Bu, müzakirələrdə ardıcıllığı izləməyə mane olur. Wertuose 13:02, 19 avqust 2011 (UTC)

Mən elə düşünmürəm, şəxslər vətəndaşlardır. Sovet Rusiyası mövcud olduğu bir zaman müəllif hüquqları qorunardı. Hal-hazırda isə istifadə etmək tamamilə azaddır. --Fuad Sultan 18:26, 19 avqust 2011 (UTC)

Mən öz şəxsi fikirlərimi bölüşmürəm, qanunların tələbləri ilə tanış edirəm. Müəllif hüquqları qanunlar və beynəlxalq konvensiyalarla müəyyən olunur, kimin necə düşünməsi əsasında yox. Wertuose 13:34, 19 avqust 2011 (UTC)

Şəxsi düşüncülər burada əsas deyil və bunu çox gözəl bilirəm, sadəcə söyləmək istədiyim odur ki, mən bildiyimə görə yuxarıda qeyd etdiyim fikirlər doğrudur. --Fuad Sultan 18:37, 19 avqust 2011 (UTC)

Genişləndirmə

Məqaləyə aşağıdakı başlıqların əlavə edilərək məqalənin genişləndirilməsini təklif edirəm:

Həyatı: 1)Uşaqlığı və Təhsili, 2)Parisdə təhsil, 3) L'Estaque – Auvers-sur-Oise – Pontoise 1870–1874, 4) 1874 - cü il ilk impressionist qruplarda sərgilər, 5) Zola ilə ünsiyyəti və ailə qurması, 6) 1890-cı ildə Les Vingt sərgisi, 7) 1895-ci ildə Parisdə Sezannın ilk solo sərgisi, 8) xatirəsi, 9)Həyatının son dövrü. Yaradıcılığı: (1861 - 71 Paris, 1872 - 1882 Paris/Provans, 1883 - 1895 Provans, 1896 - 1906 Provans) - xronoloji ardıcıllıqla aydın şəkildə yaradıcılığının təsviri verilsin. Üslubu: yaradıcılıq üslubu haqqında bəhs edilsin. Qəbul: (Effektiv ömür, Müasirlərinin və dostlarının fikirləri, Müasir sənətşünaslıqda) bu başlıqda dünyada Pol Sezannın yaradıcılığına göstərilən münasibət verilsin. Təsirləri: bu başlıqda Pol Sezann yaradıcılığının təsirlərindən bəhs edilsin. --sefer 22:16, 26 iyul 2011 (UTC)

• Şablunu bitirəndən sonra genişləndirmə yolunda fəaliyətə başlamışam. Hal-hazırda məqalələri tərcümə edirəm və başlıqlar artıq hazırdır. Diqqətinizə görə təşəkkür edirəm. --Fuad Sultan 12:17, 27 iyul 2011 (UTC)