Xınalı kəklik

Xınalı kəklik
Elmi təsnifat
Domen: Eukariotlar Klad: Amorphea Klad: Obazoa Klad: Opisthokonta Klad: Holozoa Klad: Filozoa Klad: Choanozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Tipüstü: Sonağızlılar Tip: Xordalılar Sinif: Quşlar İnfrasinif: Yenidamaqlılar Klad: Pangalloanserae Dəstəüstü: Galloanserae Klad: Pangalliformes Dəstə: Toyuqkimilər Fəsiləüstü: Phasianoidea Fəsilə: Qırqovullar Yarımfəsilə: Qırqovullar Triba: Coturnicini Cins: Dağ kəkliyi Növ: Xınalı kəklik
Beynəlxalq elmi adı
Alectoris chukar J.E.Gray, 1830[…]
Şəkil axtarışı ITIS   175908 NCBI   9078 EOL   45510641 FW   373060

Xınalı kəklik (lat. Alectoris chukar) — heyvanlar aləminin xordalılar tipinin quşlar sinfinin toyuqkimilər dəstəsinin qırqovullar fəsiləsinin dağ kəkliyi cinsinə aid heyvan növü.

Görünüşü

Ölçüsü qarğadan bir az daha böyükdür. Bədən uzunluğu 35 sm, kütləsi 350-dən 800 q-dır, qanad açıqlığı 47-52 sm-dir. Boz rəngdədir. Alnından və boyunun ön ətrafından qara zolaq keçir. Dişilər kiçik ölçülərinə görə erkəklərdən fərqlənir.

Yayılması

Qərbdə Balkan yarımadasından şərqdə Çinin Himalay dağlarına qədər ərazidə yayılmışdır. Uğurlu şəkildə Nevada və Nyu-Meksiko ştatları ərazisinə uyğunlaşmışdır. Üstəlik Yenizelandiya, Havay adaları və Cənubi Afrikaya köçürülmüşdür. 4600 metrə qədər olan səhra və meşə ətrafı ərazilərdə yayılırlar.

Səsləri

Kifayət qədər səs-küylüdürlər. «Kok, kok, kok, kok-kok-kok» kimi uzantılı səslər çıxarırlar.

Çoxalması

Quş yüksək məhsuldarlıdır. Dişiləri bir dəfəmə 7-22 yumurta qoya bilir. Qırt yatma dövrü 24 gündür. Quş həyatın ilk ilində yetkinliyə çatır.

Qıdalanması

Yayda bitki və heyvan yemləri ilə qidalanır. Qışda isə qidasının əsasını dən təşkil edir.

Yarımnövləri

Ümumilikdə 26 yarımnövə malikdir.

Bağlı vəziyyətdə saxlanılması

Tez-tez bağlı vəziyyətdə saxlanılmasına rast gəlinir, quş döyüşlərinin pərəstişkarları arasında xüsusilə məşhurdur. Qapalı vəziyyətdə 20 ilədək yaxşı bir qayğı ilə yaşaya bilirlər.