Xəqani Axundov

Vikipediya, azad ensiklopediya
Jump to navigation Jump to search
Xəqani Axundov
Axundov Xəqani Həsən oğlu
Xaqani Axundov.jpg
Doğum tarixi 10 may 1950(1950-05-10)
Doğum yeri Kürdhacı, Laçın rayonu, Azərbaycan SSR, SSRİ
Vəfat tarixi 10 fevral 1993 (42 yaşında)
Vəfat yeri Qızılqaya, Kəlbəcər rayonu, Azərbaycan
Vəfat səbəbi Şəhid olmuşdur.
Vətəndaşlığı Azərbaycan Azərbaycan
Həyat yoldaşı Subay idi.
Atası Ağakişiyev Həsən Lələkişi oğlu
Milliyyəti azərbaycanlı
Təhsili Xüsusi orta
Mükafatları "İgidliyə görə" medalı

Xəqani AxundovQarabağ müharibəsi iştirakçısı, "İgidliyə görə" medalı ilə təltif edilmiş, Qarabağ müharibəsi şəhidi.

Həyatı[redaktə | əsas redaktə]

Axundov Xəqani Həsən oğlu 10 may 1950-ci il tarixdə anadan olmuşdur[1]. Uşaqlıq illərini ata yurdu Kürdhacı kəndində keçirdi, orada böyüyüb boya-başa çatdı. 1957-ci ilin payızında Kürdhacı kənd ümumtəhsil orta məktəbinin I sinfinə getdi.

1967-ci ilin yazında Laçın rayonunun Kürdhacı kənd orta ümumtəhsil məktəbinin X sinifini müvəffəq qiymətlərlə bitirən Xəqani Axundov həmin il imtahan verərək 21 avqust tarixdə müvəffəqiyyətlə Şuşa Kənd Təsərrüfatı Texnikumunun baytarlıq şöbəsinə daxil olur. Təhsilini burada uğurla başa vuraraq Şuşa Kənd Təsərüfatı Texnikumunun həmin şöbəsini bitirmişdi.

1970-ci ildə hərbi xidmətə yola düşdü və Moskva ətrafında hərbi xidmət borcunu yerinə yetirərək 1972-ci ildə dogma el-obasına, Laçına, Kürdhacı kəndinə qayıtdı. Kənddə "28 aprel kolxozu"nda ilk əmək fəaliyyətinə başladı.

Döyüşlərdə iştirakı[redaktə | əsas redaktə]

Qarabağ ərazisinin hər bənd-bərəsinə, cığırına ovcunun içi kimi bələd olan döyüşçü 15 sentyabr 1992-ci ildə N saylı hərbi hissənin kəşfiyyat bölüyündə hərbi xidmətə başladı. Hərbi xidmət göstərdiyi müddətdə özünü çox bacarıqlı, nizam-intizamlı, öz işinin bilicisi olan bir hərbiçi kimi tanıtmışdır.

Keçirilən bütün hərbi əməliyyatlar zamanı ön cərgədə olan Xəqani Axundova Azərbaycan Respublikası Müdafiə Nazirliyinin 31 dekabr 1992-ci il tarixli əmri ilə gizir rütbəsi verildi.

Ailəsi[redaktə | əsas redaktə]

Subay idi.

"İgidliyə görə" medalı[redaktə | əsas redaktə]

İgidliyə görə medalı.jpg


Azərbaycan Respublikası Prezidentinin 2007-ci il 21 iyun tarixli 2257 saylı sərəncamı ilə Azərbaycan Respublikasının müstəqilliyinin və ərazi bütövlüyünün qorunub saxlanmasında xüsusi xidmətlərinə, öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiyinə görə gizir Axundov Xəqani Həsən oğlu ölümündən sonra "İgidliyə görə" medalı ilə təltif edilmişdir [2].

İstinadlar[redaktə | əsas redaktə]

  1. "Laçın yurdu" jurnalı, №2(9), Bakı, "Bəxtiyar-4" nəşriyyatı 2013, ("Şəhidlərimiz, and yerimiz" adlı xüsusi buraxılış))
  2. Azərbaycan Respublikası Prezidentinin sərəncamı