Xəqani Məmmədov (professor)

Vikipediya, azad ensiklopediya
Jump to navigation Jump to search
Xəqani Məmməd oğlu Məmmədov
Xaqani Məmmədov.jpg
Doğum tarixi 18 iyun 1954 (1954-06-18) (65 yaş)
Doğum yeri Azərbaycan Respublikası,Ağcabədi şəhəri
Vətəndaşlığı Azərbaycan Azərbaycan SSR
Azərbaycan Azərbaycan
Elm sahəsi tarix
Elmi dərəcəsi tarix elmləri doktoru
Elmi adı professor
İş yeri ADPU
Mükafatları "Qızıl Qələm" mükafatı

Xəqani Məmmədov - (d. 18 iyun 1954,Azərbaycan Respublikası.,Ağcabədi şəhəri ) - tarix elmləri doktoru,professor.

Həyatı[redaktə | əsas redaktə]

Xəqani Məmməd oğlu Məmmədov 1954-cü il iyun ayının 18-də Azərbaycan Respublikasının Ağcabədi şəhərində anadan olmuşdur.

Təhsili[redaktə | əsas redaktə]

1960-cı ildə Ağcabədi rayonu Hüsülü kənd orta məktəbinin I sinfinə qəbul olunub.1968-ci ildə ÜİLKGİ sıralarına qəbul edilmişdir.1970-ci ildə Ağcabədi şəhər 1 saylı orta məktəbini bitirmişdir. 1970-ci ildə Azərbaycan Dövlət Universitetinin tarix fakültəsinə qəbul olunur.1975-ci ildə Azərbaycan Dövlət Universitetinin tarix fakültəsini bitirir.[1]

Elmi-pedaqoji fəaliyyəti[redaktə | əsas redaktə]

1977-ci ildə göndərişlə Ağcabədi şəhər 7 saylı səkkizillik məktəbə tarix müəllimi təyin edilir.

1979-cu ildə Azərbaycan Dövlət Universitetinin aspiranturasının əyani şöbəsinə qəbul olunduğu üçün Ağcabədi şəhər 1 saylı orta məktəbin müəllimi vəzifəsindən azad olunur.

1982-ci ildə aspiranturanı başa çatdırır və АDU-nun tarix fakültəsinə müəllim vəzifəsinə təyin edilir.

1985-ci ildə «Azərbaycan Kommunist Partiyasının zəhmətkeşlərin əmək tərbiyəsi» sahəsində fəaliyyəti (1976-1980-ci illər) mövzusunda müdafiə edərək tarix elmləri namizədi alimlik dərəcəsi almışdır.

1987-ci ildə müsabiqə yolu ilə «Sov. IKP tarixi» kafedrasına baş müəllim təyin edilir.

1989-ci ildə müsabiqədən keçdiyinə görə «Siyasi tarix» kafedrasının Təbiət fakültələri üzrə dosent vəzifəsinə seçilir.

1994-cü ildə Təbiət fakültələri üzrə «Siyasi tarix kafedrasının dosenti vəzifəsini tutur.

1995-2003-cü illərdə Bakı Biznes Universitetinin prorektoru və Humanitar elmlər kafedrasının müdiri vəzifələrini icra etmişdir.

1998-ci ildə «Azərbaycanda maarifçilik və milli hərəkat» (XIX yüzilliyin sonları -XX yüzilliyin əvvəlləri) mövzusunda müdafiə edərək tarix elmləri doktoru,alimlik dərəcəsi almışdır.

1999-cu ildə «Azərbaycanın qədim və orta əsrlər tarixi» kafedrasına dosent vəzifəsinə kеçirilir.

1999-cu ildə «Aydınlarımızın istiqlal mücadiləsi» adlı kitabı nəşr edilmişdir.

2000-ci ildə Müsabiqə yolu ilə «Azərbaycanın qədim və orta əsrlər tarixi» kafedrasının professor əvəzi vəzifəsini tutur.

2001-ci ildə Yeni Azərbaycan Partiyasına üzv qəbul olunur.

2004-cü ildə Azərbaycan Respublikası Prezidenti yanında Dövlət İdarəçilik Akademiyasında fəaliyyət göstərən İxtisaslaşdırılmış Müdаfiə Şurasının yanında Elmi seminarın sədri təyin edilmişdir.

2005-ci ildə «Azərbaycanın qədim və orta əsrlər tarixi» kafedrasında 0.5 ştat əvəzçiliklə qalmaqla başqa işə keçdiyi üçün tutduğu vəzifədən azad edilir.

2005-ci ildə Azərbaycan Respublikası Prezidenti yanında Dövlət Idarəçilik Akademiyasında «Rəhbər kadrların ixtisasının artırılması» fakültəsinin dekanı vəzifəsinə təyin edilir.

2007-ci ildə Azərbaycan Müəllimlər Institutunun Ağcabədi filialına direktor təyin edilmişdir.

2015-ci ildə-Azərbaycan Kooperasiya Universitetində professor müəllim fəaliyyatinə başlamışdır.

Hal-hazırda ADPU-nun Azərbaycan tarixi kafedrasının professorudur.

Əsərləri (nəşr olunmuş kitabları)[redaktə | əsas redaktə]

  1. 1991-"XX əsrin siyasi tarixi" (I hissə,mühazirə kursu,dərslik,həmmüəllif).
  2. 1995-"XX əsrin siyasi tarixi" (I hissə,mühazirə kursu,dərslik,həmmüəllif).
  3. 1995-"XX əsrin siyasi tarixi" (II hissə,mühazirə kursu,dərslik,həmmüəllif).
  4. 1996-"Azərbaycan milli hərəkatı",1875-1918-ci illər, (mоnоqrаfiyа).
  5. 1999-"Azərbaycan Xalq Cümhuriyyətinin təhsil, elm və mədəniyyət sahəsində fəaliyyəti" (1918-1920-ci illər),(kitab,həmmüəllif).
  6. 2000-"Azərbaycan tarixi",Ümumtəhsil məktəblərinin XI sinifləri üçün dərslik (həmmüəllif).
  7. 2005-"Azərbaycan xalqının milli istiqlal mübarizəsi"(XIX yüzilliyin sonları -XX yüzilliyin əvvəlləri),dərslik.
  8. 2006-"Türkiyədə və Azərbaycanda erməni millətçilərinin cinayətləri",(həmmüəllif).
  9. 2008-"Erməni iddiaları və azərbaycanlıların soyqırımı"(həmmüəllif).
  10. 2014-"Azərbaycan tarixi",Ali məktəblər üçün dərslik-Bakı Dövlət Universiteti (1-ci nəşr).
  11. 2015-"Azərbaycan tarixi", Ali məktəblər üçün dərslik-Bakı Dövlət Universiteti (2-ci nəşr).

Üzv olduğu qurumlar və mükafatları[redaktə | əsas redaktə]

2000-2013-cü illərdə Amerika Birləşmiş Ştatları, Rusiya, Ukrayna, Belarusiya, Polşa, Almaniya, Türkiyə, İran, Birləşmiş Ərəb ƏmirlikləriGürcüstanda elmi ezamiyyətlərdə olmuşdur.

2000-2007-ci illərdə Azərbaycan Milli Elmlər Akademiyasının Tarix İnstitutundaBakı Dövlət Universitetində fəaliyyət göstərən İxtisaslaşmış Müdafiə Şuralarının üzvü olmuşdur.

2003-cü ildə Səmərəli elmi-pedaqoji fəaliyyəti nəzərə alınaraq Respublika Təhsil Nazirliyinin «Fəxri fərman»ı ilə təltif оlunur.

2008-ci ildə «Qızıl qələm» mükafatına layiq görülmüşdür.

2009-cu ildə «İlin nüfuzlu ziyalısı» fəxri adını alır.

2013-cü ildə Nyu-Yorkda Beynəlxalq Elmi Konfransda "Heydər Əliyev Müstəqil Azərbaycanın banisidir" Mövzusunda Elmi Məruzə ilə çıxışı.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Xəqani Məmmədov