Ev qulluqçusu (film, 2011)

Vikipediya, açıq ensiklopediya
(Xadimə (film, 2011) səhifəsindən istiqamətləndirilmişdir)
Keçid et: naviqasiya, axtar
Ev qulluqçusu
Ev qulluqçusu (film, 2011).jpg
Orijinal ad: ing. The Help
Rejissor: Teyt Teylor
Operator: Stiven Qoldblatt
Prodüser: Kris Kolumbus
Maykl Barneten
Branson Qrin
Bəstəkar: Tomas Nyuman
Rollarda: Cessika Çesteyn
Viola Devis
Emma Stoun
Brays Dallas Hovard
Oktavia Spenser
Ellison Cenni
Janr: dram
Dil: ingiliscə
Ölkə: Flag of the United States.svg ABŞ
İstehsalçı qurum: Touchstone Pictures
DreamWorks Pictures
Reliance Entertainment
Participant Media
Image Nation
1492 Pictures
Rəng: rəngli
Vaxt: 146 dəq.
İl: 2011
Büdcəsi: $25 milyon[1]
Gəliri: $216.6 million[2]
IMDb səhifəsi

Ev qulluqçusu (ing. The Help) — 2011-ci ildə Teyt Teylorun rejissorluğu və ssenari müəllifliyi ilə, Ketrin Stokkettin eyniadlı əsəri əsasında çəkilmiş ABŞ dram filmidir. Filmdə Cekson, Missisipidə, 1963-cü il Vətəndaş Hüquqları uğrunda mübarizə dövründə ağ dərili qadın Yevgeniya "Skiter" Felanın iki qara dərili qadın Eybilin Klark və Minni Ceksonla münasibətləri təsvir edilib. Skiter, işlədikləri ağ dərililərin ailələrində rasizmlə üzləşmiş qara dərili xanımların mövqeyinin əks edildiyi kitab yazmağa çalışan jurnalistdir.

Baş rolda Viola Devis, Emma Stoun, Oktavia Spenser, Brays Dallas Hovard, Cessika Çesteyn, Ahna O'Reilly, Kris Louell, Sissi Speysek, Maykl Fogel, Siseli Tayson, LaChanze, Ellison Cenni, Meri StinbörgenAnna Kemp oynamışdırlar. DreamWorks Pictures şirkəti tərəfindən istehsal olunan və Touchstone Pictures tərəfindən nümayiş olunan film kinotənqidçilər tərəfindən müsbət rəy qazanmış və cəmi 25 milyon dollar istehsal büdcəsi qarşılığında, 216.6 milyon dollar gəliri ilə dünya səviyyəsində kommersiya uğuru qazanmışdır[2].

Ev qulluqçusu filmində baş rolu ifa etmiş Viola Devis "Ən yaxşı film" və "Ən yaxşı qadın" kateqoriyaları, Cessika Çesteyn və Oktavia Spenser isə "İkinci planda ən yaxşı aktrisa" kateqoriyası üzrə Oskar mükafatının dörd nominasiyasını qazanmışdırlar. Aktyorların görkəmli ifalarına və yüksək performansına görə, film 29 yanvar 2012-ci ildə Kinoaktyorlar Gildiyasının mükafatını əldə etmişdir. Filmin yaş məhdudiyyatı 0-6 üzəridir[3].

Məzmun[redaktə | əsas redaktə]

SPENGLER'S CORNER, HINDS COUNTY.jpg
Kitabda və filmdə baş verən hadisələr
Missisipi ştatının Cekson şəhərində cərəyan etsə də,
çəkilişlər əsasən Qrinvud qəsəbəsində aparılmışdı

Tate-Taylor 2014.jpg Mike Vogel SDCC 2014 (cropped).jpg
Filmin rejissoru Teyt Teylor (solda)
və "Conni Fut" rolunu canlandırmış Maykl Fogel (sağda)

1963-cü ildə Missisipi ştatının Cekson şəhərində, qaradərili qulluqçu Eybilin Klark (Viola Devis) istehsalatda baş vermiş bədbəxt hadisə nəticəsində yeganə oğlunun həlak olmasından sonra, öz gələcək həyatını ağ dərili uşaqların böyüdülməsi və tərbiyəsində görür. O, zəngin Lifolt ailəsi üçün çalışır və başlıca olaraq Yelizaveta Lifoltun uşaqlarına qayğı göstərir; gənc qadın doğumdan sonrakı depressiyaya düçar olub və intizam uğrunda apardığı mübarizəni istisna etsək, heç öz doğma qızının belə qeydinə qalmaq istəmir. Eybilinin ən yaxın rəfiqəsi, onunla həmdil olan qaradərili qulluqçu və sadəlövh Minni Ceksondur (Oktavia Spenser). Minni artıq uzun müddətdir ki, Hilli Holbruksun evində xadiməlik edir və onun anası missis Uoltersə (Sissi Speysek) baxır. Mənzilin sahibəsi yemək bişirmək məsələsində Minninin böyük bacarığına ehtiram göstərdiyindən, onun çılğın və gürurlu xasiyyətinə də dözümlə yanaşır. Yevgeniya "Skiter" Felan (Emma Stoun) müstəqil düşüncəyə malik gənc ağdərili qadındır; Missisipi Universitetini bitirdikdən sonra[4], o uşaqlıqdan sevdiyi qulluqçu Konstantini (Siseli Tayson) tapmaq üçün, ailəsinə məxsus plantasiya sahəsinə geri qayıtmağı qərara alır. Doğma diyarına qayıdan Skiter, anası Şarlottadan (Ellison Cenni) qulluqçunun öz şəxsi istəyi ilə evi tərk etdiyini öyrənir. Skiter uşaqlıqdan ona analıq edən qulluqçunun bu cür məktubsuz və xəbərsiz onu tərk etməyini anlaya bilmir və o, uzun sorğu-sualdan sonra Konstantinin məhz anası tərəfindən qovulduğunu öyrənir.

Skiterin sosial qrupu həyat yoldaşı tapmaq üçün kollecə daxil olduğu vaxt, o, ikiqat əsas dərəcə alır və Şarlottanın böyük təəssüfünə səbəb olsa da yalnız qalaraq uğurlu yazar karyerası qurur. Yerli qəzetlərdən birində "evdar xanım fikirləri" yazarı kimi işə düzəldikdən sonra fikrini tamamilə bu istiqamətə yönəldir və Elizabetdən soruşur ki, Eybilin məktubları cavablandırmaqda ona kömək edə bilərmi; Elizabetdən icazə alınması və Eybilinin özünün razılığının əldə edilməsindən sonra xanımlar razılaşırlar. Eybilin ilə daha çox təkbətək öz vaxtını keçirən Skiter, özünün ağ dünyəvi düşüncəyə malik dostlarına münasibətini dəyişməyə başlayır, Hillinin "Əsas Kömək Sanitar Təşəbbüsü" barədə öyrəndikdən sonra isə (Hilli "qara adamların ağ adamlarla müqayisədə daha çox xəstəliklər daşıdığını" bildirərək, qanunvericiliklə dəstəklənmiş qara ev xidmətçiləri üçün icbari tualetlərin tikinti planını dəstəklədiyini bildirir), onların "yardımlarına" laqeydcəsinə yanaşır.

...Kimsə məndən "mən" olmanın necə bir şey olduğunu soruşmamışdı. Həqiqəti deyəndən sonra özümü azad hiss etdim. Tanrı düşmənlərimizi sevməyi bizə məsləhət görür və bu, doğrudan da çox ağırdır. Amma həqiqəti söyləyərək, barışıqlığa bir addım atmaq mümkündür...

Eybilin Klark

Konstantinlə münasibətlərdən ilhamlanan Skiter, bu qadınların hekayələri əsasında ağ və qaradərili insanlar arasında baş verən münasibətlər və xüsusilə də, qara xidmətçi qadınlar tərəfindən tərbiyə almış uşaqların böyüdükdə valideynlərinə olan qərəzli baxışları barədə kitab yazmaq fikrini formalaşdırır. Ev qulluqçuları işəgötürənlər tərəfindən qisas zəminində işdən qovulacağından qorxaraq, Skiterlə könülsüz əməkdaşlıq edirlər, ancaq son nəticədə Eybilin danışmağa razılaşır. Şəhərdə baş vermiş tufan zamanı, Minni bayırdakı tualet otağına getməkdən çəkinir və Hillidən evdəki tualet otağına getməyi xahiş edir. Ev sahibəsinin icazəsini ala bilməyəcəyini anlayan Minni, gizlincə həmin otağa daxil olur və buna görə də Hilli tərəfindən işdən kənarlaşdırılır. Bundan sonra o da, Eybilinlə birlikdə Skiterə öz həyat hekəyələrini danışmağa başlayır.

Hilli evindən bir şeyin oğurlandığını bildirərək, Minninin başqa evlərdə işlə təmin edilməsini çətinləşdirir, lakin bir müddət sonra, o gözlənilmədən Minninin qızına qulluqçu kimi evdə işləməyi təklif edir və o, bununla razılaşaraq məktəbi buraxmalı olur. Minni son nəticədə fəhlə sinfindən olan, sonralar isə Hillinin zəngin eks-boyfrendi Conni Futa (Maykl Fogel) ərə getmiş və buna görə də cəmiyyətin səfilinə çevrilmiş Seliya Fut adlı yüngülxasiyyət qadının evində işə götürülür. Seliya Minniyə xəbər verir ki, o, hamilədir. Özünün yumşaq xarakterinə, nadanlığına, gizli sosial təbəqəsinə və müxtəlif məslələrə şiddətli yanaşmasına görə, Seliya öz evində çalışan işçisi ilə necə "düzgün" yanaşmağı bacarmır; o, mətbəxə tez-tez daxil olaraq, Minniyə yardım etməyə çalışır, onlar birlikdə bişirdikləri yeməyi bölüşür və bir-birinə "həyatı boyu üzləşdiyi xuliqanların öhdəsindən necə gəldiyi" kimi bir sıra məsləhətlər verir və hekayələr danışırlar.

Minni ilə Seliya arasındakı münasibətlər gəflətən baş vermiş uşaqdüşmə hadisəsindən sonra daha da dərinləşir; Seliya gözyaşları içərisində Conni ilə hamilə olduğu üçün ərə getdiyini, lakin bir ay sonra uşağı itirdiyini bilirir. Hillinin ətrafındakı insanların onu ələ saldığı xeyriyyə tədbiri zamanı Seliya ancaq kokteyllər içir və özünü yaxşı aparmır, buna görə də sonra məşhur qızların dəstəsindən uzaqlaşır. Həmin vaxt Skiter də öz istəyi ilə bu dəstədən uzaqlaşır, buna baxmayaraq Hilli vasitəsiylə Stüartla (Kris Louell) tanış olur və bu tanışlıq Şarlottanı çox sevindirir.

Skiter Nyu-York şəhərində yerləşən Harper & Row şirkətinin baş redaktoru Eleyn Ştayna (Meri Stinbergen) öz kitabını təqdim edir; kitabla tanış olan Eleyn, ona bayramların yaxınlaşdığını bildirərək qaradərili insanlar tərəfindən mülki hüquqlar uğrunda hərəkatlərinin qısa ola biləcəyini qabaqcadan xəbərdarlıq edir və buna görə də ev, sahiblərinə xidmət göstərən gənc xidmətçilər barəsində də hekayələri kitaba əlavə etməyini ona məsləhət görür. Medqar Eversin qətl kulminasiyası və brilyant üzüyün oğurluğuna görə həbs edilən Hillinin qulluqçusu, Minnini öz mövqeyini dəyişməyə vadar edir; o, Skiterin yanına çoxlu sayda qulluqçunu gətirir və onların hər biri öz həyatı barədə intervyu verirlər. Qulluqçular hesab edirlər ki, həyatında baş vermiş bütün əzabları və ifadə etmək imkanını onlara yalnız Skiter verə bilər.

Skiter, Eybilin və Minni kitabın yazılmasında bir qədər tərəddüd edirdilər. Bunun əsas səbəbi, bəzi hekayələrin konkret qulluqçu və ev sahibləri ilə bağlı olması idi, elə məhz bu gələcəkdə təhlükəyə səbəb ola bilərdi. Onların əndişələri Prezident Kennedinin qətlindən sonra dahada güclənir. Buna görə də, Minni ailə sirrlərini gizlətdiyinə görə cəzalandırılmaması üçün qorxunc hekayələr uydurdu: o, işdən çıxarıldığına və təhqir edildiyinə görə mükafatlandırıldı, Uoltersi ondan uzaqlaşdırdığına görə Hillini içərisi ekskrementlə doldurulmuş şokoladlı kekslə təşəkkür etdi. Hilli piroqun iki dilimini yedikdən sonra, onun içərsində nə olduğunu öyrənir; misis Uoters qızının ekskrement yediyini biləndə özünü saxlaya bilmir və gülməyə başlayır. Bunu görən Hilli qəzəblənir və bir müddət sonra öz anasını sanatoriyaya yerləşdirir. Minni bu hadisəni də kitaba əlavə edilməsini təklif edir; özünün utancverici əməli barədə oxuyan dəhşətli Hilli, heç bir zaman bu hadisələrin həqiqətən də Cekson şəhərində baş verəbiləcəyini imkan verməz, bu isə kitabın azad satışı üçün çox əlverişli imkan ola bilər.

Skiter və hekayə müəlliflərin təhlükəsizliyi tam olaraq təmin olunması məqsədilə kitab tam məxfi şəkildə nəşriyyat evlərinin birində çap edilir. Skiter bu möhtəşəm anı öz qaradərili rəfiqələri ilə birgə qeyd edir. Kitabın məzmunu haqqında öyrənən Skiterin sevgilisi Stüart özünü aldadılmış hiss edir və buna görə də onunla bütün əlaqələrinə son qoyur. Minni yeni ev sahibi Seliyaya hər şeyi etiraf edir və o Hillinin həqiqətən də manipulyasiya ilə məşğul olan xuliqan qadın olduğunu nəhayət anlayır. Özünü aristokratik cəmiyyətin ən əsas üzvü hesab edən Hilli, başqalarından geri qalmamaq üçün yeni nəşr olunmuş kitabı alır və gecə yatmazdan əvvəl onu oxuyur; özünün piroqla yaşanan əhvalatı oxuyan Hilli dəhşət və qəzəb içərisində dərhal Skiterin yaşadığı evə gəlir. Hücumla evin kəndarında daxil olan Hilli, Skiterin zəncilərlə əlbir olduğunu hər kəsə deyəcəyi ilə hədə qorxu gəlməyə çalışır. Bu zaman Skiterin anası Şarlotta, "gəzəbli və tərbiyyəsiz" Hillinin həddindən artıq kesk yediyini deyərək, kitabda məhz kimin haqqda yazıldığı barədə məlumatlı olduğunu bildirir və onu öz evindən qovur.

Hillinin getməsində sonra, Şarlotta və Skiter nəhayət öz gələcək planları barədə düşünməyə başlayırlar. Gəflətən telefona gələn zəng baş redaktor missis Ştayndan olur: o, Ev qulluqçusu romanının möhtəşəm olduğunu bildirərək, Skiterə Manhettendə iş təklif edir. Şarlotta qızının mərdliyinə və müstəqil qərarlar vermək qabiliyyətinə heyran olaraq, qızının gələcək mühitə düzgün adaptasiya olması üçün yardım etmək istədiyini bildirir.

Minnini qulluqçuluğa ərindən gizli şəkildə götürən Seliya, bunu özünün yemək bişirmək və ev təsərrüfatını idarə etmək bacarığı olmaması ilə əsaslandırır; hər gün ərinə gizli şəkildə yemək bişirən Minni axşama yaxın tələsik evi tərk edir və Seliyanın əri elə zənn edir ki, yeməkləri məhz onun həyat yoldaşı bişirib. Lakin bir gün ərzaqlarla işə gələn Minni yolda evin sahibini - yəni Connini görür və dəhşət içərisində evə tərəf qaçmağa başlayır. O, Minniyə çataraq yeməklərin məhz qulluqçu tərəfindən bişirildiyini əvvəlcədən bildiyini və həmçinin Seliyanın bir neçə uşaqdüşmə hadisəsindən də xəbərdar olduğunu bildirir. O, Seliyanın son vaxtlar daha şən və sağlam göründüyünü deyərək, Minniyə təşəkkür edir. Conni kömək etmək üçün, Minninin ərzaqla dolu çantasını evə aparır və burada onlar masanın üstünə qoyulmuş müxtəlif yeməkləri görürlər - Seliya qulluqçusunun yemək bişirmə dərslərindən yararlandığını bildirir. Onlar Minniyə burada istədiyi qədər qala biləcəyini və onun ailənin artıq bir üzvünə də çevrildiyini deyirlər. Bu xeyirxahlıq ona təhqiramiz ərini boşamağa cəsarət verir; o, öz uşaqlarını onun əlindən götürərək, yaşamaq üçün Fut ailəsinin yanına köçür.

Sonda Hilli özünün köhnə hiyləgərlik üsuluna geri qayıdır: özünü həqarətə qoymamaq şərti ilə Eybilini yazdığı hekayələrə görə həbsxanaya salmağın mümkünsüz olduğunu bilə-bilə, o, bunun əvəzinə intiqam hissi ilə uzun illər ona xidmət etmiş qulluqçunu hansısa gümüş qaşıqların oğurlanmasında ittiham edir. Eybilin kiçik Elizabetlə vidalaşmağa çalışır, ancaq qaradərilərə artıq nifrət hissi ilə boğulan Hilli buna icazə vermir. Eybilin malikanəni tərk edir və başqa həyatın axtarışına çıxır.

Rollarda[redaktə | əsas redaktə]

  • Viola Devis - Eybilin Klark, qaradərili qulluqçu və Skiterin ən yaxın dostu. O, həmçinin kitabdakı hadisələrin müəllifidir.
  • Emma Stoun - Yevgeniya "Skiter" Felan, Missisipi kollecinin məzunu və yeni başlayan yazıçı.
  • Oktavia Spenser - Minni Cekson, gözəl aşpazdır; dilini dinc saxlaya bilmədiyinə görə bir neçə dəfə işdən qovulmuşdu; Eybilinin ən yaxın dostudur
  • Cessika Çesteyn - Selia Fut, sadəlövh görünşlü Minninin sahibəsi və Conninin həyat yoldaşı
  • Brays Dallas Hovard - Hilli Holbruk, özünü şəhər aristokratiyasının başçısı hesab edən irqçi və kinli ana
  • Ellison Cenni - Şarlotta Felan, Skiterin anası
  • Ana O'Reylli - Elizabet Lifolt, Eybilini işəgötürən qadın və filmin ikinci antaqonisti. O öz qızı Mayaya laqeydcəsinə yanaşır
  • Kris Louell - Stüart Vaytvort, Skiterin boyfrendi və senatorun oğlu
  • Siseli Tayson - Konstantin Beyts, Skiterin uşaqlıqdan ən sevdiyi qulluqçudur
  • Maykl Fogel - Conni Fut, Hillinin keçmiş sevgilisi və Seliyanın həyat yoldaşı
  • Sissi Speysek - Missis Uolters, Hillnin anası
  • Anna Kemp - Colin Frenç, Hilli və Elizabetin rəfiqəsi
  • Brayan Kervin - Robert Felan, Skiterin atası
  • Aunjanyu Ellis - Yule Mey Devis, a maid fired by Hilly for pawning a ring she stole from the Holbrook house to pay for her twin sons' college tuition, after Hilly refused to lend her $75 to do so.
  • Emma and Eleanor Henry as Mae Mobley Leefolt, Elizabeth's baby.
  • Ted Uelç - Uilliam Holbruk, Hillinin həyat yoldaşı
  • LaChanze - Reyçel Beyts, Konstantinin qızı
  • Meri Stinbörgen - Eleyn Ştayn, Harper & Row nəşriyyat evinin baş redaktoru
  • Lesli Cordan - Mr. Blekkli
  • Nelsan Ellis - Henri, ofisiant
  • Ves Çethem - Karlton Felan, Skiterin qardaşı
  • Tiffani Brouver - Rebekka, Karltonun adaxlısı
  • Kelsi Skot - Şuqar Cekson, Minninin qızı
  • David Oyelovo - Vaiz Qrin
  • Dana İvey - Qreys Higginbotem
  • Eşli Conson - Meri Bet Kolduell

İstehsal[redaktə | əsas redaktə]

ViolaDavisNov2010.jpg Octavia Spencer.jpg
Viola Devis (solda)
və Oktavia Spenser (sağda)
məhz bu filmdəki çıxışlarına görə məşhurlaşmışdılar.

2009-cu ilin dekabrında Variety jurnalı məlumat verdi ki[5], "Kömək" romanının ekranlaşdırılması "1492 Pictures"in istehsalı, Kris Kolumbus, Maykl Barnatan və Mark Redkliffin prodüsserliyi ilə həyata keçiriləcək[6]. "Harbinger Productions"dan Branson Qrin də köməkçi prodüsser kimi layihəyə qoşuldu. Filmin ssenari müəllifi və rejissoru, kitab nəşr edilməmişdən əvvəl onun ekranlaşdırılması hüququnu almış Srokettin uşaqlıq dostu Teyt Teylordur[7].

2010-cu ilin mart ayında istehsal üzrə kastinq işlərinə start verildiyi bildirilmişdir; o zaman Skiter Felan roluna məhz Stounun dəvət olunduğu məlum olmuşdur[8]. Tezliklə başqa rollar üçün də kastinqa aktyorlar dəvət olunmuşdur; Devis Eybilin rolu, Hovard Cekson şəhərinin rasist aristokrat qadını, Cenni Skiterin anası Şarlotta Felan rolu, Louell isə Skiterin boyfrendi və senatorun oğlu Stüart Vitvort rolu üçün[9][10][11]. Lesli Cordan filmdə uydurulmuş yerli The Jackson Journal qəzetinin redaktoru kimi görünür[12]. Maykl Fogel Conni Fut adlı xarizmatik personajı oynayır. Oktavia Spenser qaradərili qulluqçu Minni obrazını yaratmışdır. Yazıçı Ketrin Stokkettin və Teyt Teylorun yaxın dostu olan Oktavia, Minni personajını romanın audioversiyasında da səsləndirmişdir[13][14].

Filmin çəkilişləri 2010-cu ilin iyulunda başlamış və oktyabr ayına qədər davam etmişdir. Məhz Missisipi ştatının Qrinvud şəhəri, 1960-cı illərin dövrünü və köhnə Ceksonun abu-havasını təsvir etmək üçün seçilmişdir; prodüsser Qrinin dediyinə görə, filmin çəkilişi əsasən burada aparılmışdır. Çəkilişin qalan kiçik bir hissəsi isə, həqiqi Cekson və yaxınlıqdakı Klarksdeyl və Qrinvill şəhərlərində aparılmışdır. 1963-cü ildə Ceksonda mövcud olan, həm kitabda, həm də filmdə təsvir edilmiş azsaylı yerlərdən biri Brent əczaxanası, həmçinin Yeni Kapitoli binası və şəhər mərkəzində yerləşən "Mayflower Cafe"dir. The Jackson Journal qəzetinin ofisi səhnələri Klarksdeyldə, 2010-cu ilə kimi 40 il ərzində Klarksdeyl Press Mərkəzinin yerləşdiyi binada çəkilmişdir[15].

Ev qulluqçusu filmi, 2000-ci ildə ekranlaşdırılmış "Qardaş, axı sən hardasan" filmindən sonra Missisipi ştatının ən önəmli kino istehsalı idi: Düzü ürəyim parçalanardı, əqər filmin çəkilişləri Missisipidən kənarda aparılsa idi - bu sözləri Stokkett jurnalistlərə elektron poçtla yazmışdır[16][17][18]. Film çəkilişlərinin məhz Qrinvud şəhərində aparılmasını istehsalçıları inandırmaq məqsədilə, Teyt Teylor və digərləri əvvəlcədən şəhərə gələrək bir sıra yerləri tətqiq etmişdirlər. Dreamworks rəhbərləri ilə keçirilən ilk görüş zamanı, o, içərisində çəkiliş üçün potensial abidələrin şəkillərindən ibarət fotoalbomu təqdim etmişdir. Kinoistehsalçıların stimullaşdırılması üçün təsdiq edilmiş yeni dövlət vergi proqramı isə, bir neçə kinokompaniyanın bu proyektə cəlb olunmasına yardım olmuşdur[16][17][18].

Film musiqisi[redaktə | əsas redaktə]

"The Help: Music from the Motion Picture"
Albom haqqında
Çıxış tarixi 26 iyul 2011
Tərz Blüz, Soul, Ritmik blüz, Rok-n-roll
Ölkə Flag of the United States.svg ABŞ
Firma Geffen
Prodüser BLAM, Craig Armstrong, Josh G. Abrahams, Marius De Vries, Steve Sharples
Sinqllar müxtəlif ifaçılar

Filmin orijinal musiqisi bəstəkar Meri C. Blicin "The Living Proof" mahnısıdır[19]. Saundtrek "Geffren Records" şirkətinin maliyyə dəstəyi ilə 26 iyul 2011-ci ildə satışa buraxılmışdır[20].

  1. "The Living Proof" - Meri C. Blic – 5:57
  2. "Jackson" - Conni Keş və Cuni Carter – 5:28
  3. "Sherry" - Frenki Valli – 5:35
  4. "I Ain't Never" - Uebb Pirs – 1:56
  5. "Victory Is Mine" - Doroti Norvud – 3:47
  6. "Road Runner" - Bo Diddley – 2:48
  7. "Hallelujah I Love Her So"- Rey Çarlz – 2:35
  8. "The Wah-Watusi" - The Orlons – 2:32
  9. "Personality" - Lloyd Prays – 10:29
  10. "Don't Think Twice, It's All Right"- Bob Dilan – 3:38
  11. "Let's Twist Again" - Çabbi Çekker – 2:19
  12. "Don't Knock" - Mevis Steypls – 2:30

Buraxılış[redaktə | əsas redaktə]

13 oktyabr 2010-cu ildə Walt Disney Studios Motion Pictures şirkəti filmin buraxılış tarixi kimi 12 avqust 2011-ci ili göstərmişdi. 30 iyun 2011-ci ildə filmin buraxılış tarixi təxirə salınmışdır (film kinoteatrlarda iki gün əvvəl, yəni 10 avqust 2011-ci ildə nümayiş olunmuşdur)[21].

Ev üçün buraxılış[redaktə | əsas redaktə]

Film "Touchstone Home Entertainment" tərəfindən blu ray, DVD formatlarında satışa çıxarılmış, həmçinin 6 dekabr 2011-ci ildən dijital endirmə imkanı olmuşdur. Satışa çıxarılan versiya da üç formada təqdim edilmişdi: üç diskli (Blu ray, DVD və dijital), iki diskli (Blu ray və DVD) və bir diskli (DVD). O həmçinin standart və yüksək dəqiqlikdə və rəqəmsal variantda yüklənilmək üçün buraxılmışdır. DVD versiyaya filmin iki silinmiş səhnəsi və həmçinin Meri C. Blicin "The Living Proof" musiqi videosu daxildir. Rəqəmsal yükləmə versiyası DVD versiyasının eyni funksiyalarını və üstəgəl daha bir əlavə silinmiş səhnəni özündə birləşdirir. Hər iki disk və üç kombinasiya edilmiş disket paketinə DVD versiyasının eyni funksiyaları, o cümlədən "The Making of 'The Help': From Friendship to Film", "In Their Own Words: A Tribute to the Maids of Mississippi" ("Ev qulluqçusu üçün yaradılmışdır: Dostluqdan filmə", "Öz sözləri ilə: Missisipi qulluqçusundan ehtiram") adlı üç silinmiş səhnələr və rejissor Teylorun müqəddimələri daxildir[22][23][24].

Çıxarılması və qəbulu[redaktə | əsas redaktə]

Tənqidçilərin mövqeyi[redaktə | əsas redaktə]

 İcmallar
Məcmuələrin qiyməti
Mənbə Reytinq
IMDb 8.1 - 10 ulduzdan
RottenTomatoes 7 - 10 ulduzdan
Metacritic 7.8 - 10 ulduzdan
Ev qulluqçusu filmində baş rolları ifa etmiş aktyorlar Sürix Beynəlxalq Film Festivalının açılışı zamanı

Ev qulluqçusu filmi tənqidçilərdən əsasən müsbət rəylər almışdır. Rotten Tomatoes saytı tərəfindən film 76% təsdiq edilmiş freş səslər qazanmış və 202 professional kinotənqidçinin müsbət rəyi əsasında ona 10 baldan 7.0 verilmişdir. Film saytında məsələ ilə bağlı ümumi konsensus əldə olunmuşdu: Filmin tənqidçilər tərəfindən yüksək qiymətləndirilməsi, onun məhz rasisz mövzusuna toxunması səbəb ola bilərdi, lakin onun əsl kino olmasının başlıca səbəbi - Viola Devis kimi professional aktyorların burada çəkilməsi idi[25]. Əsas tənqidçilərin rəyi əsasında maksimum 100 ball verən Metacritic aqreqatoru isə filmi ümumilikdə orta qiymətləndirərək, 41 tənqidçinin rəyi əsasında ona 62 bal vermişdi[26]. CinemaScore-da aparılan səsvermədə nəticəsində məlum oldu ki, izləyicilər F şkalası üzrə filmə orta hesabla A+ ballını verirlər[27].

Spiegel-Online internet xəbər portalının başçısı Tobias Naql film barəsində bunları yazmışdır: Yaxşı əhval-ruhiyyəni bəxş edən konfetti kimi, film öz aktrisalarının köməyi və parlaq detalları ilə yaşayır: 60-cı illərin saç düzümləri, özünün uzadılmış saitləri ilə insanları valeh edən hərtərəfli cənub şivəsi, ipək paltarlar və gündəlik ev müşahidələri. Ev qulluqçusu özündə "Qızardılmış yaşıl pomidorlar", Mad Men, Masqaraçını öldürmək və Qadınlar filmlərindən ümumi nostalji epizodları toplamış və o dövrlərə xas abu-hava yaratmışdır. İki saat yarım aparılan çəkiliş və ən əsası rejissor Teylorun melodramatik janr konvensiyasından məharətlə istifadəsi nəticəsində, film seyirciləri yormayaraq gözəl bir hekayəyə çevrilir: xeyir ilə şər arasındakı ayırıcı xətt aydın seçilir, hətta ən ucuz detallar belə yaxşı qeydə alınıb. […] Filmdəki rasizm və əbəs yerə şişirdilmiş ağdərilərin privilegiyaları zamanla öz potensialını itirirlər[28].

kinofenster.de saytının rəhbəri Filipp Büler film haqqında yazır: Texniki cəhətdən mürəkkəb olan Ev qulluqçusu filmi başlanğıcda tamamilə adi hekayə təəssüratı yaratsa da, aktyorların görkəmli çıxışları, kinematik və duyğusal saundtrek və ilk növbədə dizayn işləmələri bunun tam əksini bizə nümayiş etdirir. Ağdərili işəgötürənlərin möhtəşəm villaları, afroamerikalı əhalinin yeknəsəq və boz evləri ilə böyük ziddiyyət yaradır. Uzun məsafələr, cənub şəfəqinin fonunda baş qəhrəmanların tez-tez xatirələrə dalması - bütün bunlar melodram janrına xas olan cəhətlərdir və insanlarda romantik hisslər oyadır. […] Təxminən iki saat yarım davam edən film, bütöv bir dövrün mənzərəsini bizlərə nümayiş edir. Bu iki müxtəlif cəmiyyətin münaqişələri indiyədək davam edir[29].

kino-zeit.de saytının rəhbəri Katrin Knaut isə bunları demişdir: Bu filmin rejissor Alan Parkerin 1988-ci ildə ekranlaşdırdığı "Missisipi oddadır" şedevri ilə heç bir əlaqəsi yoxdur. Düzdür Parkerin filmində də eyni mövzu toxunulmuşdur: Missisipi ştatının kiçik şəhərciklərin birində qaradərili amerikalıların hüquqları uğrunda nümayiş keçirən üç fəalın qətl baş verir. Ev qulluqçusu filmində dəhşətli hadisələrdən daha çox qalmaqal, maariflənmə və aydınlaşmanın əvəzinə daha çox melanxoliya, kədər və bir qədər də parlaqlıq vardır. ABŞ-ın iqtisadi bərpası və tərəqqisi fonunda, üçüncü dünyaya aid bu xarabalıqlar və daxmalar haradadır? Məhz həmin bu acı həqiqət parçasının əks olunmamasına görə, insanlar bu filmi qınamalıdır. Ev qulluqçusu klassik Hollivud məhsuludur, belə ki, burada xeyir şərə sonda qalib gəlir və məzmun elə başlanğıcdan seyirciləri bir çox məsələlərdən agah edir. Bununla belə, Teyt Teylor öz qəhrəmanlarına qarşı böyük mərhəmət hissi ilə yanaşır və bu tamaşaçıya çox aydın şəkildə verilir. Tamaşaçılardan birisi ən yaxşı sonluğa ümid edərək, elə ilk dəqiqədən onlarla birlikdə əziyyət çəkir. Bəzilərini bu seyircilər cəhənnəmə göndərmək, bəzilərini isə göylərə ucaltmağı arzulayırlar. Filmi kinoteatrlarda izləyənlərin əksəriyyəti, sonda buranı tərk etməkdən vaz keçirlər[30].

Cinema jurnalı film barəsində bunları yazmışdır: Həqiqət də Emma Stoun, öz nəslinin ən istedadlı aktrisalarından biri kimi, filmdə canlandırdığı rola görə bir çox mükafat və nominasiya əldə etmişdir. Bununla belə ədalət naminə qeyd etmək lazımdır ki, ABŞ-da ekranlaşdırılan bir çox müəllif kinoları bizlərə, yəni avropalılara bəzən həddindən artıq sadəlövhcəsinə təsir göstərir. Elə bu hekayədə də müxtəlif məqamlarda insanların psixologiyasına təsir etmək üçün fərqli metafora və klişelərdən istifadə olunur. Bundan əlavə filmdə boz çalarlar ümumiyyətlə yoxdur, çünki personajların bir hissəsi həddindən artıq xoşniyyətli, qalan hissəsi isə həddindən artıq xəbisdir və onların xarakteristikaları sanki çəkiclə biçilmiş şəkildə insanlara təqdim olunur. Sirli subtillik (zəriflik) əlbəttə ki, filmin möhkəmliyi deyil. Təəssüflər olsun ki, bu cür təsir qabiliyyəti o qədər də güclü olmayan filmlər uzun müddət auditoriyanın hisslərinə toxuna bilmir. […] Buna parallel olaraq, fil ən yaxşı niyyətlə Amerika cəmiyyətinin qaranlıq tarixi məqamları haqqında bəhs edir[31][32]. "The New York Times"-da qeyd edilir ki, "Ms. Devis istisna olmaqla, performanslar o qədər canlı və təbiidir ki, bəzən insanları dərin kədərləndirir, bəzən isə ürəkdən güldürür, baxışlardan və hərəkətlərdən hiss olunan emosiyalar mükəmməldir."[33]

Gündəlik The Village Voice qəzetinin əməkdaşı Karina Lonqvort filmə daha pozitiv yanaşmışdır: Bu gün biz olduqca tipik Hollivud istehsallı filmi seyr edirik, buradakı qüdrətli yaramazlar, vətəndaş hüquqlarından məhrum qəhrəmanlar ilə mübarizə aparırlar[34]. Kanadanın The Globe and Mail qəzetinin əməkdaşı Rik Qroen film haqqında daha təmkinli tonda danışmışdır: Burada bəzən hərdəmxəyal məqamların nümayiş olmasına baxmayaraq, bir qayda olaraq, bu cür filmlər ciddi gözyaşardıcı effektə malikdirlər. Bunun əvəzində biz nəyi görürük - kiçik dram səhnələrini asanlaşdırmaq və təsəlli üçün təsadüfi pauzalarla xırıltılı gülüş səhnələri[35].

Bəzi tənqidçilər kitabın keyfiyyətini çatdıra bilmədiyinə görə filmi tənqid etmişlər. “St. Paul Pioneer Press”dən Kris Hevit yazır: “Bəzi adaptasiyalarda kitabın ruhunu kinomatoqrafiya vasitəsilə çatdırmaq üçün yol tapılsa da, “Ev qulluqçusu” filmi belə adaptasiyalardan deyil.”[36]

Əksər tədqiqatçılar Devis və Spenserin ifasını qiymətləndirmişlər. “Blackfilm.com”-dan Uilson Morales filmi dörd ulduzdan üç ulduz yarımla qiymətləndirir və qeyd edir ki, “Viola Devis və Oktavia Spenserin güclü ifaları ilə film emosional bir ekran əsərinə çevrilmişdir.”[37] “New York” jurnalından Devid Edelşteyn qeyd edir ki, “Ev qulluqçusu Viola Devisə məxsusdur.” [38] Tarixçi Qara Qadınlar Assosasiyasının milli direktoru Ayda E. Jons filmi rasizmdə günahlandırmışdır.[39] “The Rumpus” ədəbi saytından Roksana Gey qeyd edir ki, filmdə “Sehrli zənci”obrazları və Küləklə sovrulanlar filmlərində olduğu kimi Hollivudun Afro-Amerikan stereotiplərindən istifadə edilmişdir. [40]

Mükafatlar[redaktə | əsas redaktə]

Gəlirləri[redaktə | əsas redaktə]

ABŞ-ın 2.532 kinoteatrında nümayiş olunan Ev qulluqçusu filmi, "Meymunların qiyamından" sonra özünün 26,044,590 dollar büdcəsi ilə ikinci pozisiyada qərarlaşmışdır[68]. Hər seansdan təxminən 10,000 dollar qəlir qazanan film, kassa yığımına görə "Təyinat məntəqəsi 5" və "30 dəqiqəyə çatmaq" kimi məşhur filmləri ötüb keçmişdir[69]. İkinci nümayiş həftəsində isə, o ABŞ-ın ən çox izlənilən film siyahısına daxil edilmişdir. Təkcə ABŞ-da film 169 milyon dollar gəlir əldə etmişdir. Digər ölkərdə nümayiş edildikdən sonra isə, filmin gəliri 210 milyon dollaqa qədər artmışdır. İstehsal və icraat üçün nəzərdə tutlmuş büdcə isə təxminən 25 milyon dollar təşkil edir.

Ölkə Əldə olunan gəlir (dollar ilə)[70]
Flag of the United States.svg ABŞ 169.708.112
Flag of Australia.svg Avstraliya 7.898.696
Flag of the United Kingdom.svg Böyük Britaniya 6.845.373
Flag of Spain.svg İspaniya 4.990.462
Flag of France.svg Fransa 4.450.322
Flag of the Netherlands.svg Niderland 1.828.990
Flag of Denmark.svg Danimarka 1.694.204
Flag of Italy.svg İtaliya 1.432.237
Flag of New Zealand.svg Yeni Zelandiya 1.385.045
Flag of South Korea.svg Cənubi Koreya 976.256

Roman və film arasındakı fərqlər[redaktə | əsas redaktə]

Roman Film
Skiterin saçları sarı rəngdədir və uzunluğu çiyninə kimidir Skiterin saçları qırmızıdır və daha uzundur
Minni Cekson işsiz qalacaq, çünki o, Hilli üçün işləmək istəmir Minni Cekson sahib evindəki ayaqyolundan istifadə etdiyi üçün işdən qovulur
Konstantinin qızının adı Lula Belldir və o ağdərilidir Konstanitinin qızının adı Reyçeldir və o qaradərilidir
Conni Fut Minni ilə təsadüfən görüşür; o, evdə qulluqçunun işlədiyini başlanğıcda bilmirdi Seliya ev işlərində özünə qulluqçu tutduğunu ərinə etiraf edir
Romanın sonunda Eybilinin nəşriyyat evlərinin birində yazıçı qismində çalışdığı qeyd olunub Filmdə Eybilin naməlum bir istiqamətə yola düşür və onun işlə təmin olunub olunmayacağı seyircilər üçün qaranlıq qalır
Skiterin dostu Stüart Vitvort sonda onunla bütün əlaqələrinə son qoyur, çünki öz eks-sevgilisi ilə münasibətlərini müəyyənləşdirə bilmir Stüart dostu Skiterin qaradərili qulluqçuların acınacaqlı vəziyyəti barədə roman yazdığını bildikdən sonra, atasının siyasi karyerasına dəyəbiləcək təhlükəni nəzərdən keçirdikdən sonra, ondan uzaqlaşmağa başlayır

İstinadlar[redaktə | əsas redaktə]

  1. Kaufman, Amy (August 11, 2011). "Movie Projector: 'Apes' Likely To Swing Higher than 'The Help'". Company Town The Business Behind the Show (blog of the Los Angeles Times). http://latimesblogs.latimes.com/entertainmentnewsbuzz/2011/08/movie-projector-the-help-30-minutes-or-less-final-destination-glee.html. İstifadə tarixi: July 7, 2012.
  2. 2,0 2,1 "The Help (2011) – Box Office Mojo". Box Office Mojo. http://boxofficemojo.com/movies/?id=help2011.htm.
  3. FSK (2011-11-19). "Freigabebescheinigung, Prüf-Nr.: 129 448" (PDF). fsk.de. Freiwillige Selbstkontrolle der Filmwirtschaft. http://www.fsk.de/fskonline/PDF/1109/129448K.pdf. İstifadə tarixi: 2012-02-05.
  4. Maslin, Janet (February 18, 2009). "Racial Insults and Quiet Bravery in 1960s Mississippi". The New York Times. http://www.nytimes.com/2009/02/19/books/19masl.html. İstifadə tarixi: October 20, 2009.
  5. "Box office/business - Filming dates" (inglés). 2011. http://www.imdb.com/title/tt1454029/business. İstifadə tarixi: 25 de agosto.
  6. Tobias, Scott (15 de agosto de 2011). "Weekend Box Office: The Help takes a walk on The Blind Side" (inglés). http://www.avclub.com/articles/weekend-box-office-the-help-takes-a-walk-on-the-bl,60379/. İstifadə tarixi: 25 de agosto.
  7. Fleming, Michael (December 15, 2009). "Chris Columbus Fast-Tracks 'Help' His 1492 Prods. Readies Adaptation of Stockett Novel". Variety. http://www.variety.com/article/VR1118012807.html?categoryid=1238&cs=1. İstifadə tarixi: July 7, 2012.
  8. Sampson, Mike (March 23, 2010). "Emma Stone Looks to Dreamworks for 'Help'". JoBlo.com. http://www.joblo.com/index.php?id=31384. İstifadə tarixi: March 23, 2010.
  9. Rich, Katey (April 15, 2010). "Viola Davis in Talks To Join Emma Stone in the Help". Cinema Blend. http://www.cinemablend.com/new/Viola-Davis-In-Talks-To-Join-Emma-Stone-In-The-Help-18112.html. İstifadə tarixi: May 26, 2010.
  10. Fleming, Mike (April 27, 2010). "Bryce Dallas Howard Lands 'The Help'". deadline.com. http://www.deadline.com/2010/04/bryce-dallas-howard-lands-the-help/. İstifadə tarixi: May 26, 2010.
  11. Kit, Zorianna (May 20, 2010). "Chris Lowell Eyes 'The Help'". en:The Hollywood Reporter. http://www.hollywoodreporter.com/hr/content_display/news/e3i6bdd9c879228ff5186e11a822cc02ac2. İstifadə tarixi: May 26, 2010.
  12. Pierce, Susan (July 24, 2010). "'The Help' Is Coming". en:Chattanooga Times Free Press. http://www.timesfreepress.com/news/2010/jul/24/help-coming/. İstifadə tarixi: July 26, 2010.
  13. Sperling, Nicole (May 17, 2010). "Octavia Spencer Nabs Key Role in 'The Help'". en:Entertainment Weekly. http://hollywoodinsider.ew.com/2010/05/17/octavia-spencer-lands-supporting-role-in-the-help/. İstifadə tarixi: May 26, 2010.
  14. Sperling, Nicole (July 13, 2010). "'The Help' Exclusive: Allison Janney Joins the Cast". en:Entertainment Weekly. http://hollywoodinsider.ew.com/2010/07/13/the-help-exclusive-allison-janney-joins-the-cast/. İstifadə tarixi: July 23, 2010.
  15. Moser, Christopher (July 9, 2010). "Lights, Camera, Clarksdale!". Clarksdale Press Register. http://www.pressregister.com/articles/2010/07/09/news/doc4c3643ced90b3142876199.txt. İstifadə tarixi: July 23, 2010.
  16. 16,0 16,1 Kuykendall, Taylor (May 13, 2010). "Movie Adaption of Bestseller To Be Filmed Here". The Greenwood Commonwealth. http://gwcommonwealth.com/articles/2010/05/13/news/top_stories/05132010news01.txt. İstifadə tarixi: May 26, 2010.
  17. 17,0 17,1 Ayres, Jeff (May 14, 2010). "Movie To Have $13M Impact on Delta". The Clarion Ledger. http://www.clarionledger.com/article/20100514/NEWS/5140338/Movie+to+have++13M+impact+on+Delta. İstifadə tarixi: May 26, 2010.
  18. 18,0 18,1 Byrd, Shelia (May 13, 2010). "'The Help' To Start Filming in Miss. This Summer". Associated Press (via Google News). http://www.google.com/hostednews/ap/article/ALeqM5hxPXbgA9hHcpzDsbV2HWtcgBoMBQD9FM6NG80. İstifadə tarixi: May 26, 2010.
  19. "Soundtrack Details For "The Help" (Track List Includes Ray Charles, Chubby Checker + Many Others)". indieWire. June 21, 2011. http://blogs.indiewire.com/shadowandact/soundtrack_details_for_the_help_track_list_includes_ray_charles_chubby_chec. İstifadə tarixi: January 30, 2012.
  20. "The Help (Music from the Motion Picture)". amazon.com. July 26, 2011. http://www.amazon.com/Help-Music-Motion-Picture/dp/B0055FDMRI. İstifadə tarixi: January 30, 2012.
  21. "'The Help' Moves Up Its Release Date to Aug. 10". Entertainment Weekly.
  22. "The Help Is Coming Home on December 6". ComingSoon.net. October 5, 2011. http://www.comingsoon.net/news/movienews.php?id=82933. İstifadə tarixi: October 5, 2011.
  23. "The Help Is Coming to Your House This December". Moviehole. October 5, 2011. http://www.moviehole.net/201146490-the-help-is-coming-to-your-house-this-december. İstifadə tarixi: October 5, 2011.
  24. Katz, Josh (October 5, 2011). "The Help Blu-Ray". Blu-ray.com. http://www.blu-ray.com/news/?id=7488. İstifadə tarixi: October 5, 2011.
  25. "The Help". Rotten Tomatoes. http://www.rottentomatoes.com/m/the_help/. İstifadə tarixi: July 7, 2012.
  26. "The Help Reviews, Ratings, Credits, and More at Metacritic". Metacritic. http://www.metacritic.com/movie/the-help/. İstifadə tarixi: November 1, 2011.
  27. McClintock, Pamela (August 10, 2011). "Box Office Update: 'The Help' Earns a Rare A+ CinemaScore from Moviegoers". The Hollywood Reporter. http://www.hollywoodreporter.com/news/box-office-update-help-earns-221677. İstifadə tarixi: November 1, 2011.
  28. Tobias Nagl (2011-12-07). "Bonbonbunt und doch schwarzweiß". Spiegel Online. Der Spiegel. http://www.spiegel.de/kultur/kino/0,1518,801809,00.html. İstifadə tarixi: 2011-12-07.
  29. Philipp Bühler (2011-11-11). "The Help - Film des Monats Dezember 2011". kinofenster.de. de:Bundeszentrale für politische Bildung und Vision Kino. http://www.kinofenster.de/film-des-monats/aktueller-film-des-monats/the-help-film/. İstifadə tarixi: 2011-12-20.
  30. http://www.kino-zeit.de/filme/the-help
  31. http://www.cinema.de/film/the-help,4666418.html
  32. Jensen, Erik (18. november 2011). "Ny film gør kulsort kapitel til forudsigelig feelgood". Politiken. http://ibyen.dk/film/aktuelle_filmanmeldelser/ECE1453140/ny-film-goer-kulsort-kapitel-til-forudsigelig-feelgood/.
  33. Dargis, Manohla (August 9, 2011). "'The Maids' Now Have Their Say". The New York Times. http://movies.nytimes.com/2011/08/10/movies/the-help-spans-two-worlds-white-and-black-review.html?pagewanted=all. İstifadə tarixi: 20 may 2015.
  34. Longworth, Karina (August 10, 2011). "Civil Rights Through a Soft Focus Lens in The Help". The Village Voice. http://www.villagevoice.com/2011-08-10/film/the-help-mean-girls-vs-the-maids/. İstifadə tarixi: August 29, 2011.
  35. Groen, Rick (August 10, 2011). "The Help: Civil Rights Lite, Played for Laughs". en:The Globe and Mail. http://www.theglobeandmail.com/news/arts/movies/the-help-civil-rights-lite-played-for-laughs/article2124164/. İstifadə tarixi: August 29, 2011.
  36. "'The Help' Review: Movie Based on Beloved Book Will Be Loved Best If You've Read the Book". St. Paul Pioneer Press.
  37. Morales, Wilson. "The Help". Blackfilm.com. http://www.blackfilm.com/read/2011/08/the-help-film-review/. İstifadə tarixi: 21 may 2015.
  38. Edlestein, David. "Movie Review: Viola Davis Gives the Too-Soft The Help a Spine". www.vulture.com. http://www.vulture.com/2011/08/movie_review_the_help.html. İstifadə tarixi: 21 may 2015.
  39. Jones, Ida E. (August 7, 2011). "An Open Statement to the Fans of The Help". Association of Black Women Historians. Retrieved 21 may 2015.
  40. Gay, Roxane (August 17, 2011). "The Solace of Preparing Fried Foods and Other Quaint Remembrances from 1960s Mississippi: Thoughts on The Help". The Rumpus. Retrieved 21 may 2015.
  41. "Awards for The Help". Internet Movie Database. http://www.imdb.com/title/tt1454029/awards?ref_=tt_ql_4. İstifadə tarixi: 5 aprel 2015.
  42. Finke, Nikki (January 24, 2012). "Oscars: Nominations By Picture: 'Hugo' Leads With 11, 'The Artist' 10, 'Moneyball' and 'War Horse' 6 Each". en:Deadline.com. http://www.deadline.com/2012/01/oscars-nominations-by-picture-hugo-leads-with-11-the-artist-10-moneyball-and-war-horse-6-each/. İstifadə tarixi: January 24, 2012.
  43. Harris, Scott (December 13, 2011). "Tree of Life Wins Top Honors From the African-American Film Critics Association". Next Movie. http://www.nextmovie.com/blog/aafca-awards-2011/. İstifadə tarixi: January 6, 2012.
  44. "'Bridesmaids,' 'Tree of Life,' 'Hugo' in AFI's Top 10 Films of 2011". en:Los Angeles Times. December 11, 2011. http://latimesblogs.latimes.com/movies/2011/12/among-afis-10-movies-of-the-year-bridesmaids-hugo-descendants.html. İstifadə tarixi: December 15, 2011.
  45. Kilday, Gregg (January 3, 2012). "Art Directors Nominate Movies as Different as 'Harry Potter' and 'The Girl with the Dragon Tattoo'". en:The Hollywood Reporter. http://www.hollywoodreporter.com/race/art-directors-guild-announces-nominations-277724. İstifadə tarixi: January 15, 2012.
  46. wilsonmorales (December 20, 2011). "'The Help' Chosen Best Film of 2011 by Black Film Critics Circle". blackfilm.com. http://www.blackfilm.com/read/2011/12/the-black-film-critics-circle-awards-2011/. İstifadə tarixi: January 6, 2012.
  47. Gallo, Phil (May 17, 2012). "Backbeat: Rolfe Kent Receives Career Achievement Honor at BMI Film and TV Awards". Billboard. en:Prometheus Global Media. http://www.billboard.biz/bbbiz/industry/tv-film/backbeat-rolfe-kent-receives-career-achievement-1007087752.story. İstifadə tarixi: December 9, 2012.
  48. Grosz, Christy (December 13, 2011). "'Hugo,' 'Artist' Lead Critics Choice Noms". Variety. http://www.variety.com/article/VR1118047413/. İstifadə tarixi: January 6, 2012.
  49. "Tree of Life Leads CFCA Nominations with 7; Descendants, Drive Follow with 6". Chicago Film Critics Association. December 27, 2011.
  50. Smith, Nigel (December 16, 2011). "Dallas-Fort Worth Film Critics Name 'Descendants' Top Film of 2011". indieWire. http://www.indiewire.com/article/dallas-fort-worth-film-critics-name-descendants-top-film-of-2011#. İstifadə tarixi: January 6, 2012.
  51. Stevens, Beth (December 11, 2011). "Detroit Film Critics Society Nominees". Awards Daily. http://www.awardsdaily.com/2011/12/detroit-film-critics-society-nominees-2/. İstifadə tarixi: January 6, 2012.
  52. "The 69th Annual Golden Globe Awards Nominations". Hollywood Foreign Press Association. December 15, 2011. http://www.goldenglobes.org/blog/2011/12/the-69th-annual-golden-globe-awards-nominations/. İstifadə tarixi: January 6, 2012.
  53. Feinberg, Scott (September 20, 2011). "'The Help' To Receive Ensemble Award at 15th Annual Hollywood Film Awards". The Hollywood Reporter. http://www.hollywoodreporter.com/race/help-receive-ensemble-award-at-237523. İstifadə tarixi: January 6, 2012.
  54. Adams, Ryan (December 10, 2011). "Houston Film Critics Society Nominees". Awards Daily. http://www.awardsdaily.com/2011/12/houston-film-critics-society-nominees/. İstifadə tarixi: January 6, 2012.
  55. Child, Ben (December 20, 2011). "Scandinavian Directors Lead Drive for London Film Critics' Circle Awards". The Guardian. http://www.guardian.co.uk/film/2011/dec/20/london-film-critics-circle-awards-drive. İstifadə tarixi: January 15, 2012.
  56. "'Hunger Games,' 'Bridesmaids' Top MTV Movie Award Nominees". Entertainment Weekly. AP. April 30, 2012. http://insidemovies.ew.com/2012/04/30/hunger-games-bridesmaids-top-mtv-movie-award-nominees/.
  57. "2011 NBR Awards Announced". en:National Board of Review of Motion Pictures. December 1, 2011. http://www.nbrmp.org/awards/2011NBRAwardsAnnounced.cfm. İstifadə tarixi: December 16, 2011.
  58. Kilday, Gregg (December 7, 2011). "'The Help's' Octavia Spencer To Receive the Palm Springs Film Festival's Breakthrough Performance Award". The Hollywood Reporter.
  59. "People's Choice Awards 2012 – Nominees and Winners". PeoplesChoice.com. http://www.peopleschoice.com/pca/awards/nominees/index.jsp?year=2012. İstifadə tarixi: January 15, 2012.
  60. "PGA Announces Theatrical Motion Picture and Long-Term Television Nominations for 2012 PGA Awards". Producers Guild of America. January 3, 2011. http://www.producersguild.org/news/80252/PGA-ANNOUNCES-THEATRICAL-MOTION-PICTURE-AND-LONG-FORM-TELEVISION-NOMINATIONS-FOR-2012-PGA-AWARDS.htm. İstifadə tarixi: January 5, 2011.
  61. "2011 Awards". San Diego Film Critics Society. 2011. http://sdfcs.org/2011-awards/. İstifadə tarixi: December 16, 2011.
  62. Adams, Ryan (December 19, 2011). "Southeastern Film Critics Association Awards – The Descendants Best Picture of 2011". Awards Daily. http://www.awardsdaily.com/2011/12/southeasten-film-critics-association/. İstifadə tarixi: January 6, 2012.
  63. Monk, Katherine (May 18, 2012). "Teen Choice Award Nominees 2012". Huffington Post.com. http://www.huffingtonpost.com/2012/05/18/teen-choice-awards-nominees-2012_n_1528233.html. İstifadə tarixi: August 2, 2012.
  64. Moorhouse, Drusilla (July 22, 2012). "Teen Choice Awards 2012: Taylor Swift, Justin Bieber, 'The Hunger Games' big winners". en:zap2it.com. http://blog.zap2it.com/pop2it/2012/07/teen-choice-awards-2012-the-winners.html. İstifadə tarixi: August 2, 2012.
  65. Monk, Katherine (January 10, 2010). "Vancouver Film Critics Honour Christopher Plummer, The Artist and David Cronenberg". en:Canada.com. http://www.canada.com/entertainment/Vancouver+film+critics+honour+Christopher+Plummer+Artist+David+Cronenberg/5970444/story.html. İstifadə tarixi: January 21, 2012.
  66. "'Iron Lady' and 'Kevin' Top Women Film Critics' Awards". en:indieWire. December 19, 2011. http://www.indiewire.com/article/iron-lady-and-kevin-top-women-film-critics-awards. İstifadə tarixi: January 6, 2012.
  67. "2012 Nominations". Writers Guild of America. January 1, 2012. Arxivləşdirilib from [1] on 2012-05-25. http://archive.is/Q6v5. İstifadə tarixi: January 9, 2012.
  68. "August 12-14, 2011 Weekend" (english). Box Office Mojo. 25 de agosto 2011. http://boxofficemojo.com/weekend/chart/?yr=2011&wknd=32&p=.htm.
  69. "August 19-21, 2011 Weekend" (english). Box Office Mojo. 25 de agosto 2011. http://boxofficemojo.com/weekend/chart/?view=&yr=2011&wknd=33&p=.htm.
  70. "The Help - Foreign totals" (english). Box Office Mojo. 17 de marzo 2012. http://boxofficemojo.com/movies/?page=intl&id=help2011.htm.

Xarici keçidlər[redaktə | əsas redaktə]