Xanmurad bəy Qaraçorlu

Vikipediya, açıq ensiklopediya
Jump to navigation Jump to search
Disambig.svg Bu məqalə Xanmurad bəy Qaraçorlu haqqındadır. Digər mənalar üçün Qaraçorlu səhifəsinə baxın.
Xanmurad bəy Qaraçorlu
Doğum tarixi 1800(1800-Şablondakı doğum və ya ölüm tarixində texniki yanlışlıq var!-00)
Doğum yeri
Vəfat tarixi

(-Şablondakı doğum və ya ölüm tarixində texniki yanlışlıq var!-00)

Qaraçorlu Xanmurad bəy Xıdır bəy oğlu (1800-?) — Qarabağ bəyi, Sultan bəyin babası

Həyatı[redaktə | əsas redaktə]

Xanmurad bəy Xıdır bəy oğlu 1800-cü ildə Qaraçorlu mahalının Hacısamlı bölgəsinin Kürdhacı (Qasımuşağı) obasında doğulmuşdu. Molla yanında oxumuşdu. Ata mülkünü idarə etməklə güzəran keçirirdi.

Xanmurad camaat arasında sadəcə Murad adı ilə çağrılarmış.Murad zirək, çalışqan və əməksevər bir gənc imiş.Xırda alverlə məşğul olar, at və qatır saxlayarmış.Yaxşı atı və qatrı tanımaqda Murad mahir imiş.Ona görə də camaat arasında qatırçı Murad kimi tanınırmış.

Ailəsi[redaktə | əsas redaktə]

Xanmurad Hətəmlər kəndindən Şahverdinin bacısı Ağapəri ilə evlənir. Bir oğlan uşağı dünyaya gəlir, adını Əlipaşa(Paşa) qoyurlar.

Xanmurad xırda alverçi olduğu üçün kəndləri gəzir, hamı ilə əlaqə saxlayır, ünsiyyətdə olur.Bir gün Xanmuradın həyat yoldaşı Ağapəri öyrənir ki, Xanmurad Əsəd Soltanlar kəndindən Əsəd Soltanın dul qalmış bacısı Bəyim Xanımla evlənmək istəyir.Bu xəbəri eşidən Ağapəri bərk hirslənir. Ağapəri etirazını bildirmək üçün Bəyim xanıma məkyub yazır.Bildirir ki, mən heç də sonsuz deyiləm ki, sən mənim üstümə günü gələsən.Məktuba aşağıdakı məzmunda sonluq yazır:

Gülü gülüstan üstünə,
Gün düşüb bostan üstünə.
Gedin deyin o tülküyə,
Gəlməsin aslan üstünə.

Yazılan məktubu Bəyim xanıma çatdırırlar.Məktubu oxuyan Bəyim xanım qürurunu pozmadan cavab yazır:

Gedin deyin ağlamasın,
Başına qara bağlamasın.
Tülkü deyib çağlamasın,
Dağ gəlir aslan üstünə.

El arasında bunun başqa bir variantınıda söyləyirlər:

Çaşırı vurdum Şəliyə,
Getdim çıxdım Dadməliyə.
Gedin deyin Ağapəriyə,
Dağ gəlir aslan üstünə.

Yaranmış bu söz söhbətə baxmayaraq Xanmurad Bəyim xanıla evlənir.Bu izdivacdan sonra Xanmurad oğlu Paşa bəy rütbəsi almaq üçün Sultanov soyadını qəbul edir və Qafqaz canişini M.Vorontsovun yanına gedərək bəylik rütbəsi alır. Paşa bəy Hacısamlı bölgəsinin bəyi təyin edilir.

Xanmurad bəyin Əlipaşa bəy, Mеhralı bəy, Şahmurad bəy, Əmirmurad bəy adlı oğulları və Mеhribanu xanım adlı qızı vardı.

Mənbə[redaktə | əsas redaktə]

  • Ənvər Çingizoğlu, Bir şəcərənin şaxı, "Soy" dərgisi, 1 (1), 2003, səh.41-44.
  • Əli Əliyev, Laçın - Qədim Oğuz yurdu. Bakı-2009. "Avropa" nəşriyyatı. səh.72-73.

Həmçinin bax[redaktə | əsas redaktə]