Xuan Sebastyan Veron

Vikipediya, azad ensiklopediya
Jump to navigation Jump to search
Xuan Sebastyan Veron
isp. Juan Sebastián Verón
Sebastián Verón.png
Ümumi məlumatlar
Ləqəbi La Brujita[3]
Doğum tarixi 9 mart 1975(1975-03-09)[1][2][…] (47 yaş)
Doğum yeri
Vətəndaşlığı
Boyu 186 sm
Çəkisi 79 kq
Mövqeyi yarımmüdafiəçi
Vikianbarın loqosu Vikianbarda əlaqəli mediafayllar

Xuan Sebastyan Veron (isp. Juan Sebastián Verón ;9 mart 1975[1][2][…], La Plata) — argentinalı keçmiş futbolçu. Meydanda mövqeyi yarımmüdafiəçi olub. Argentina milli komandasında və bir sıra Avropa klublarında oynaması ilə tanınır. 2014–2020-ci illərdə Estudiantes klubunun prezidenti olub.

Bioqrafiya[redaktə | mənbəni redaktə et]

Xuan Sebastyan Veron karyerasının böyük hissəsini Estudiantesdə keçirmiş məşhur futbolçu Xuan Ramon Veronun ailəsində anadan olub. Oğul atasının yolu ilə gedir və bu klubun uşaq futbol məktəbində futbolun sirrlərini yrənməyə başlayır. Maraqlıdır ki, onun atası klubun pərəstişkarları tərəfindən "Cadugər"(isp. La Bruja) və Xuan Sebastianın özü isə bənzətmə ilə "Balaca CVadügər" ləqəbini alıe (isp. La Brujita).

1994-cü ildə 19 yaşlı Veron,"Estudiantes"in heyətində debüt edir və tez bir zamanda komandanın lideri olmağı bacarır.

1996-cı ildə Argentinanın ən güclü klublarından biri olan Boka Xuniorsa və burda altı ay onun üçün oynadıqdan sonra Avropaya yollanır.

1996-cı ilin yayında Veron Sampdoriya klubuna keçir. O vaxt Genuya klubu A Seriyasında orta sırasında qərarlaşan klub idi. Lakin dünyanın ən güclü liqasında oynamaq faktının özü yarımmüdafiəçinin gələcək karyerası üçün yaxşı tramplin rolunu oynayır.

İki il sonra o, tarixinin ən yaxşı dövrünü yaşayan Parma klubuna keçir. Bu klubdakı yeganə mövsümün yekunlarına görə, Veron İtaliya çempionatının ən yaxşı yarımmüdafiəçilərindən biri kimi özünü təsdiqləyir. Futbolçu həm də karyerasında ilk kubokları,UEFA Kuboku və İtaliya Kubokunu qazanır.

1999-cu ilin yayında Xuan Sebastyan, gəlişi ilə yarımmüdafiəçisi dünyanın ən yaxşılarından birinə çevrilən Latsio klubuna keçir (Roma klubunda Veronun meydanın mərkəzindəki tərəfdaşları Dieqo Simeone, Serxio Conceisau və Pavel Nedved idi). Veronun köməyi ilə "mavi-ağlar" klubun yüzilliyində "qızıl dubl" edərək, İtaliya çempionluğu və İtaliya kubokunu qazanır.

2001-ci ilin yayında argentinalı 30 milyon funt sterlinqə Mançester Yunayted klubuna transfer olunur. Bu transfer qiymətinə görə o zaman İngiltərədə transfer rekorduolur. "Qırmızı şeytanlar"la karyerasına çox uğurlu başlayır. Veron artıq ilk oyunda Rayan Giqqzə qol öturməsi verir və sonrakı altı oyunda dörd qol vurur. Bu nəticələrdən sonra 2001-ci ilin sentyabrında liqanın ən yaxşı oyunçusu seçilir. Ancaq tezliklə futbolçunun karyerasında tənəzzül başlayır. Futbolçu komandanın lideri ola bilmir və o, ən yaxşı oyununu yalnız arabir göstərir. Aleks Ferqusonun sonradan etiraf etdiyi kimi, o, sadəcə olaraq, argentinalı üçün meydançada uyğun yer tapa bilmədi.

2003-cü ildə Çülsiyə transfer olunur. Ancaq Veron London komandasında cəmi yeddi matç keçirdir və bundan sonra ciddi zədələnir. Aldığı zədəyə görə futbolu altı ayı buraxmaq məcburiyyətində qalır.

Xuan zədədən sağalıb qayıt qayıtdıqdan sonraİtaliyaya yollanır və icarə əsasında İnterin oyunçusu olur. Burada Veron karyerasını bir qədər canlandırır, vaxtaşırı yenidən ən yüksək səviyyəli oyun nümayiş etdirməyə başlayır.

Bu müddət ərzində yarımmüdafiəçi kuboklar kolleksiyasına dörd yeni titul əlavə edir.

2006-cı ildə Veron doğma Estudiantes klubuna qayıdır. Burada ikinci futbol gəncliyini yaşayır və yenidən yüksək səviyyədə çıxış etməyə başlayır. Doğma komandasının oyun qurucusuna çevrilir və çoxsaylı məhsuldar ötürmələr edərək komandanın şəksiz lideri və kapitanı olur.

O Estudiantes ilə Libertadores kubokunu qazanır. Həmçinin ardıcıl iki mövsüm Cənubi Amerikanın ən yaxşı oyunçusu (2008, 2009) və Argentinanın ən yaxşı oyunçusu (2006, 2009) seçilir.

2012-ci ilin iyununda Veron futbolçu karyerasını bitirmək qərarına gəlir və bir ay sonra Estudiantes klubunun idman direktoru vəzifəsinə keçir. Lakin bir il sonra argentinalı futbolçu karyerasını daha bir il uzatmaq qərarına gəlir.

5 oktyabr 2014-cü ildə klub üzvlərinin 70%-dən çoxunun səsi ilə Estudiantesin prezidenti seçilir.

28 dekabr 2016-cı ildə Estudiantesin prezidenti ola ola yenidən futbolçu karyerasını bərpa edir.[4] O, 2017-ci ildə altı oyuna çıxır, onlardan beşi Libertadores Kubokunda olur. 42 yaşında qitə turnirində çıxış edən Veron, Libertadores Kubokunda çıxış edən ən yaşlı argentinalı və klub prezidenti ilə oyunçunu birləşdirən yeganə şəxs oldu .

Milli karyerası[redaktə | mənbəni redaktə et]

Argentina millisinin heyətində Veron 1996-cı ildə debüt edir və milli komanda ilə üç dünya çempionatında və bir Amerika Kubokunda iştirak edir. Yaponiya və Cənubi Koreyada keçirilən dünya çempionatında Veron milli komandanın kapitanı olub.

Nailiyyətlər[redaktə | mənbəni redaktə et]

Klub[redaktə | mənbəni redaktə et]

Estudiantes

  • Çempion Nümunələri B Milli : 1995
  • Argentina çempionu (2): Apertura 2006, Apertura 2010
  • Libertadores Kubokunun qalibi: 2009
  • Cəmi: 4 kubok

Parma

Latsio

Mançester Yunayted

İnter

Şəxsi[redaktə | mənbəni redaktə et]

  • İngiltərə Premyer Liqasında ayın oyunçusu : Sentyabr 2001
  • Cənubi Amerikanın ən yaxşı oyunçusu (2): 2008, 2009
  • Argentinada ilin futbolçusu (2): 2006, 2009
  • ESM : 2000-ə görə Avropanın simvolik komandasına daxildir.
  • FIFA 100 siyahısına daxildir.

Keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 Juan Sebastián Verón // Transfermarkt (çd.). 2000.
  2. ↑ 1 2 Juan Sebastián Verón // FBref.com (çd.).
  3. ↑ Olympedia (ing.). 2006.
  4. ↑ "Футболист Верон возобновил карьеру в возрасте 41 года". 2022-02-17 tarixində arxivləşdirilib. İstifadə tarixi: 2022-02-17.
Mənbə — "https://az.wikipedia.org/w/index.php?title=Xuan_Sebastyan_Veron&oldid=6690631"