Emil Əfrasiyab

Emil Əfrasiyab
Emil Əfrasiyab Emil Əfrasiyab
Ümumi məlumatlar
Doğum adı	Emil Əfrasiyab oğlu Məmmədov
Doğum tarixi	27 iyun 1982
Doğum yeri	Bakı Azərbaycan SSR
Vətəndaşlığı	Azərbaycan
Musiqiçi məlumatları
Fəaliyyəti	pianoçu
Fəaliyyət illəri	2005 - hal-hazırda
Janr	Caz
Musiqi aləti	piano
Təhsili	Bakı Musiqi Akademiyası (2000–2006), Berkli Musiqi Kolleci[d]
Mükafatları

Emil Əfrasiyab oğlu Məmmədov — Azərbaycanın caz pianoçusu, Azərbaycanın əməkdar artisti (2011).

Həyatı

Emil Əfrasiyab 1982-ci ildə Bakı şəhərində anadan olmuşdur. 2000-2006-ci illərdə Bakı Musiqi Akademiyasının fortepiano fakültəsində (prof. F.Bədəlbəylinin sinfi) təhsil almışdır. Emil Əfrasiyab ənənə və müasirlik arasında körpü yaratmağa çalışaraq, müxtəlif janrlarda sintez xarakterli improvizasiyaların ifaçısıdır. Dünyanın müxtəlif ölkələrində (Almaniya, İngiltərə, Fransa, Bolqarıstan, Macarıstan, Kuba, Meksika, Çin və s.) Azərbaycan musiqisini layiqincə təmsil edir. O, bir çox müsabiqələrin, o cümlədən 2011-ci ildə Beynəlxalq Montre Caz pianoçular müsabiqəsinin finalında uğurla çıxış edərək “Tamaşaçı rəğbəti” mükafatına layiq görülmüşdür. O, həmçinin 2002, 2003 və 2004-ci illərdə Bakıda keçirilmiş “Caspian Jazz and Blues” caz festivallarında uğurla çıxış etmişdir. 2011-ci ildə Əməkdar artist adına layiq görülüb. 2012-ci ildə Fransa kino xadimləri tərəfindən çəkilən “Aleksandr Düma Azərbaycanda” sənədli filminin musiqisini yazmağı fransız aktyoru Jerar Depardye Emil Əfrasiyaba təklif etmişdir. Hal-hazırda Emil Əfrasiyab Amerikanın (Boston şəh.) Berklee Musiqi Kollecində təhsil alır.