Yaşar İmanov

Vikipediya, azad ensiklopediya
Jump to navigation Jump to search
Yaşar İmanov
İmanov Yaşar Əbdülxaliq oğlu
Yaşar İmanov.jpg
Sənətçi məlumatları
Doğum tarixi 1933
Doğum yeri Azərbaycan Azərbaycan SSR, Bakı şəhəri
Peşələri Dirijor, Azərbaycan Xalq artisti, Gürcüstan Respublikasının Əməkdar İncəsənət xadimi

Fəaliyyət illəri 1993-cü ildən

Yaşar Əbdülxaliq oğlu İmanov (d. 1933, Bakı, Azərbaycan) — Azərbaycan dirijoru, Azərbaycan Respublikasının xalq artisti, Gürcüstan Respublikasının Əməkdar İncəsənət xadimi, Azərbaycan, Gürcüstan və Abxaziya bəstəkarlar İttifaqının üzvü, Azərbaycan Respublikasının Prezident təqaüdçüsü.[1]

Həyatı[redaktə | əsas redaktə]

İmanov Yaşar Əbdülxaliq oğlu 1933-cü il Bakı şəhərində anadan olub.

Azərbaycan Respublikasının xalq artisti, Gürcüstan Respublikasının Əməkdar İncəsənət xadimidir.

1954-cü ildə A.Zeynallı adına musiqi texnikomunun truba sinfini bitirib. Elə həmin ildə Moskva Konservatoriyasının dirijorluq kafedrasına daxil olub, 1958-ci ildə bitirib.

1958-ci ildə Gürcüstana, oradanda Suximi şəhərinə göndərilib. Dövlət Simfonik Orkestrində bədii rəhbər və baş dirijor vəzifəsində, eyni vaxtda Suxumi Musiqi Texnikomunda xor dirijorluq şəbəsinin müdiri vəzifəsində işləyib. Bakıya qayıtdıqdan sonra 1993-cü ildən Azərbaycan Dövlət Konservatoriyasında Opera hazırlığı kafedrasının dirijor vəzifəsində işləyib. Həmin ildən Niyazi adına simfonik orkestrinin radio-TV, bədii rəhbəri və baş dirijoru vəzifəsində işləyib.

1994-cü ildə Q.Qarayev adına Dövlət Kamera orkestrinin bədii rəhbəri və baş dirijoru vəzifəsində işləyib.

Yaşar İmanov Azərbaycan, Gürcüstan və Abxaziya bəstəkarlar İttifaqının üzvüdür. Azərbaycan Respublikasının Prezident təqaüdçüsüdür.[2]

İstinadlar[redaktə | əsas redaktə]