Yens Stoltenberq
| Yens Stoltenberq | |||||||
|---|---|---|---|---|---|---|---|
| norv. Jens Stoltenberg | |||||||
 Yens Stoltenberq, 3 iyun 2009 | |||||||
|
|||||||
| Sələfi | Anders Foq Rasmussen | ||||||
|
|||||||
| Monarx | V Harald | ||||||
| Sələfi | Kyel Maqne Bondevik | ||||||
| Xələfi | Erna Solberq | ||||||
|
|||||||
| Monarx | V Harald | ||||||
| Sələfi | Kyel Maqne Bondevik | ||||||
| Xələfi | Kyel Maqne Bondevik | ||||||
| Şəxsi məlumatlar | |||||||
| Təhsili | Oslo Universiteti | ||||||
| Doğum tarixi | 16 mart 1959 | ||||||
| Doğum yeri | Oslo, Norveç | ||||||
| Atası | Turvald Stoltenberq | ||||||
| Elmi fəaliyyəti | |||||||
| İş yeri | |||||||
|
|
|||||||
 |
|||||||
| jensstoltenberg.no | |||||||
 Vikianbarda əlaqəli mediafayllar | |||||||
Yens Stoltenberq (norv. Jens Stoltenberg; d.16 mart 1959, Oslo, Norveç) — Norveç dövlət və siyasi xadimi, 2000-2001 və 2005-2013-cü illərdə Norveçin baş naziri, 1 oktyabr 2014-cü ildən NATO-nun baş katibi.
Həyatı[redaktə | əsas redaktə]
Yens Stoltenberq Norveçdə tanınmış siyasətçi ailəsində dünyaya gəlmişdir. Onun atası, Turvald Stoltenberq 1979-1981-ci illərdə Norveçin müdafiə naziri, 1987-1989 və 1990-1993-cü illərdə isə xarici işlər naziri olmuşdur.
Yens karyerasına Norveçdə solçuların əsas mətbuat orqanı olan "Arbeiderbladet" qəzetində jurnalist kimi başlamışdır. 1985-1989-cu illərdə Norveç Fəhlə Partiyasının gənclər təşkilatına rəhbərlik etmişdir. 1993-1996-cı illərdə Qru Harlem Brundtland hökumətində ticarət və energetika naziri, 1996-1997-ci illərdə Turbyorn Yaqland hökumətində maliyyə naziri olmuşdur.
2000-ci ilin martında baş nazir vəzifəsini tutmuş, 10 sentyabr 2001-ci ildə keçirilən seçkilərdə onun partiyası 24% səslə öz tarixinin ən zəif nəticəsini göstərərək məğlub olmuşdur.
2002-ci ildə Norveç Fəhlə Partiyasının rəhbərliyində Turbyorn Yaqlandı əvəz etmiş və 12 sentyabr 2005-ci il seçkilərində qalib gələrək 17 oktyabr 2005-ci ildə yeni hökumətə rəhbərlik etməyə başlamışdır. 2009-cu il seçkilərində də yüksək nəticə göstərərək növbəti 4 il müddətində hakimiyyətdə qalmışdır. 2013-cü il seçkilərində Stoltenberqin partiyası parlamentdə üstünlüyü itirdi və onun hökuməti istefaya getdi.
28 mart 2014-cü ildə vəzifələrinin icrasına 1 oktyabr 2014-cü ildən başlamaqla NATO-nun növbəti baş katibi seçilmişdir.
Xarici keçidlər[redaktə | əsas redaktə]
Vikianbarda Yens Stoltenberq ilə əlaqədar mediafayllar var
