Yoşida Hideo
| Yoşida Hideo | |
|---|---|
| yap. 吉田 秀雄 | |
 | |
| Doğum tarixi | 9 noyabr 1903 |
| Doğum yeri | |
| Vəfat tarixi | 27 yanvar 1963 (59 yaşında) |
| Vəfat yeri | |
| Vəfat səbəbi | mədə xərçəngi |
| Təhsili | |
| Fəaliyyəti | iş adamı |
| Mükafatları |
 |
 Vikianbarda əlaqəli mediafayllar | |
Yoşida Hideo (吉田 秀雄?, 9 noyabr 1903, Kokura, Fukuoka prefekturası – 27 yanvar 1963, Tokio) – "Dentsu" reklam agentliyinin dördüncü prezidenti. Yaponiyada reklam biznesinin inkişafı üçün işlər görmüşdür.
Həyatı və karyerası[redaktə | mənbəni redaktə et]
İlk illəri[redaktə | mənbəni redaktə et]
Yoşida Hideo 1903-cü ildə Yaponiyanın Fukuoka prefekturasının Kokura şəhərində doğulmuşdur. Ailəsinin maddi vəziyyəti pis olduğu üçün iki dəfə övladlığa verilmişdir. 1928-ci ildə Tokio Universitetinin iqtisadiyyat fakültəsindən məzun olmuş[1] və Yaponiya Teleqraf Kommunikasiyasının nəzdində olan "Dentsu" reklam agentliyinə qoşulmuşdur. Burada Qərb ədəbiyyatını oxuyaraq reklam sahəsini öyrənməyə başlamışdır.[2]
Müharibədən sonra[redaktə | mənbəni redaktə et]
İkinci dünya müharibəsindən sonra agentlik cavan kadrları idarəçiliyə cəlb etmək siyasətini izləməyə qərar vermiş və o, 1947-ci ildə prezident seçilmişdir.[3] Həmin il Dentsu Reklam Mükafatının əsasını qoymuşdur.[2] Yaponiyada kommersiya məqsədli radio və televiziya yayımının başlamasında vacib rolu olmuşdur.[3] NHK direktoru, eləcə də, Tokio Ticarət və Sənaye Palatasının üzvü olmuşdur.[1] 1956-cı ildə xaricə səyahət etmiş, müxtəlif ölkələrin reklam biznesini müşahidə etmiş, xüsusilə, ABŞ-nin reklam agentliyi biznesindən təsirlənmişdir.[2] ABŞ-nin Dövriyyə üzrə Audit Bürosu sistemini Yaponiyaya tanıtmış və Yaponiyada Dövriyyə üzrə Audit Bürosu Assosiasiyasını yaratmışdır. Yaponiyada ictimai əlaqələr sisteminin əsasını qoymuşdur.[1] 1958-ci ildə ABŞ-nin "Fortune" jurnalı onun uğurlarını işıqlandırmışdır. 1962-ci ildə onun təşəbbüsü ilə Ümumyapon Reklam Şurası yaradılmış və Yoşida şuranın direktoru təyin olunmuşdur.[2]
Yoşida 27 yanvar 1963-cü ildə ölmüşdür. Ölümündən iki gün sonra – 29 yanvarda Yaponiya hökuməti tərəfindən II dərəcəli "Müqəddəs xəzinə" ordeni ilə təltif olunmuşdur.[2]
İrsi[redaktə | mənbəni redaktə et]
1965-ci ildə Yoşida Hideo Memorial Fondu təsis olunmuşdur.[2] 2002-ci ildə bu fond tərəfindən Yoşida Hideonun 100 illik yubileyi münasibətilə Yaponiyada reklamçılığa həsr olunmuş yeganə muzey olan Tokio Reklam Muzeyi yaradılmışdır.[4] 1966-cı ildə Yoşida Hideo Memorial Zalının Reklam Kitabxanası adı ilə qurulmuş muzey kitabxanası isə Yaponiyada reklam kommunikasiyası sahəsində ixtisaslaşmış yeganə kitabxanadır.[5]
İstinadlar[redaktə | mənbəni redaktə et]
- ↑ 1 2 3 The Japan Biographical Encyclopedia & Who's Who. səh. 1924
- ↑ 1 2 3 4 5 6 "The life of Yoshida Hideo". Tokio Reklam Muzeyinin rəsmi saytı (ingiliscə). 25 iyul 2023 tarixində arxivləşdirilib. İstifadə tarixi: 25 iyul 2023.
- ↑ 1 2 Kodansha Encyclopedia of Japan. səh. 341
- ↑ "Museum Overview". Tokio Reklam Muzeyinin rəsmi saytı (ingiliscə). 25 iyul 2023 tarixində arxivləşdirilib. İstifadə tarixi: 25 iyul 2023.
- ↑ "Library". Tokio Reklam Muzeyinin rəsmi saytı (ingiliscə). 25 iyul 2023 tarixində arxivləşdirilib. İstifadə tarixi: 25 iyul 2023.
Ədəbiyyat[redaktə | mənbəni redaktə et]
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1924. İstifadə tarixi: 25 iyul 2023.
- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 341. ISBN 0-87011-628-2. İstifadə tarixi: 25 iyul 2023.
