Yonca çiçək ağcaqanadı
| Yonca çiçək ağcaqanadı | ||||||
|---|---|---|---|---|---|---|
| Elmi təsnifat | ||||||
|
Domen: Ranqsız: Ranqsız: Ranqsız: Ranqsız: Ranqsız: Aləm: Yarımaləm: Klad: Klad: Ranqsız: Tipüstü: Ranqsız: Ranqsız: Tip: ???: Yonca çiçək ağcaqanadı |
||||||
| Beynəlxalq elmi adı | ||||||
| ||||||
Yonca çiçək ağcaqanadı (lat. Contarinia medicaginis) — Buğumayaqlılar tipinin İkiqanadlılar dəstəsinin Fır əmələ gətirən ağcaqanadlar fəsiləsinə aid olan növ.
Xarici quruluşu[redaktə | mənbəni redaktə et]
Yetkin ağcaqanad 2 mm böyüklükdə olub, uzun qırmızımtıl bədənə malikdir. Qarıncığında tutqun rəngli köndələn zolaqlar vardır. Xortumu qısadır. Duyğu orqanları 4 buğumludur. Bığcıqlar uzundur. Qnadları bədənə nisbətən iridir. Pəncələri beş buğumludur. Dişilərin yumurta qoyanları uzun olub ucları şişdir. Sürfəsi ağ, yaxud da limon rəngindədir.
Həyat tərzi[redaktə | mənbəni redaktə et]
Torpaqda sürfə fazasında qışlayır. Yazda qışlama yerində puplaşma gedir. Aprel ayından başlayaraq bu puplardan yetkin ağcaqanadlar uçur və yumurtalarını bu dövrdə hələ yaşıl olan qönçələrin daxilinə qoyur (hər bir qönçə daxilinə 50-yə qədər). Bir qönçədə 2-14 sürfəyə təsadüf edilir. Yumurtadan çıxan sürfələr çiçəklərin daxili ilə qidalanır ki, nəticədə fır əmələ gəlməyə başlayır. Belə çiçəklərdə qapalı şişkinlik əmlə gəlir, onların kasaları saralır, meyvə başlanğıcları isə qısalaraq şişir. Qidalanması başa çatan sürfələr fırları tərk edib, torpağa düşür və onun üst səthində puplaşır.
Yayılması[redaktə | mənbəni redaktə et]
Yonca çiçək ağcaqanadı Avropa, Asiya, Pribaltika ölkələrində, Ukrayna, Rusiyanın Avropa hissəsində, Orta Uralda və Moldovada, Azərbaycanda isə Tovuz və Ucar rayonlarında geniş yayılmışdır.