Zatoka

Vikipediya, açıq ensiklopediya
Jump to navigation Jump to search
Şəhər tipli qəsəbə
Zatoka
ukr. Затока
ZATOKA - panoramio.jpg
Gerb
Gerb

46°04′02″ şm. e. 30°27′25″ ş. u.


Ölkə Flag of Ukraine.svg Ukrayna
Vilayət Odessa
Rayon Bilqorod-Dnestrovski
Qəsəbə başçısı Vasili İvanoviç Zvyaqinçev
Tarixi və coğrafiyası
Əsası qoyulub 1827
Əvvəlki adı Tatar-Boyar
Şəhər tipli qəsəbə statuslu 1965
Sahəsi 31 km2
Mərkəzin hündürlüyü 28 m
İqlimi orta quru-çöl
Saat qurşağı UTC+2, yayda UTC+3
Əhalisi
Əhalisi 1,869[1] nəfər (2017)
Sıxlığı 198.4 nəf./km²
Milli tərkibi ukrayn, rus, qaqauz, moldav
Rəqəmsal identifikatorlar
Telefon kodu +380 4849
Poçt indeksi 67772-67776
Nəqliyyat kodları BH, НН / 16
Xəritəni göstər/gizlə
Zatoka xəritədə
Zatoka
Zatoka
Commons-logo.svg Vikianbarda əlaqəli mediafayllar

Zatoka (ukr. Затока) — Ukraynanın Odessa vilayətinin Bilqorod-Dnestrovski rayonunda yerləşən şəhər tipli qəsəbə. Məntəqə yerli bir çimərlik kurortudur. Əlavə olaraq, qəsəbədə Buqaz adlı kiçik bir dəniz limanı var. 2017-ci ildə Zatokada 1,869 nəfər yaşayırdı.

Qəsəbə Dnestr estuarisinin çayın Qara dənizə axdığı dilində yerləşir. Qəsəbə Odessa şəhərindən 60 kilometr, Bilqorod-Dnestrovski şəhərindən isə 18 kilometr uzaqlıqla yerləşir.

Ərazi bölgüsü[redaktə | əsas redaktə]

İnzibati və ərazi baxımından Zatoka qəsəbəsi Bilqorod-Dnestrovski şəhər şurasının tərkibindədir. Zatoka qəsəbəsi üç əraziyə – "Limanski", "Solneçi", "Tsentralnıy" rayonlarına bölünmüşdür

Tarixi[redaktə | əsas redaktə]

Qəsəbənin yaxınlığında Tripol mədəniyyəti dövründən qalma bir abidə yerləşir. Zatoka qəsəbəsinin əsası 1827-ci ildə qoyulmuşdur. Qəsəbədə bir mayak tikilmiş, ancaq 1851-ci ildə baş vermiş bir qəzada məhv olunmuşdur. 1877-ci ildə qəsəbə mayakı yenidən tikilmişdir.[2] Əvvəlki mayakdan fərqli olaraq, bu mayakın hündürlüyü 16 metr idi. 1918-ci ilin mart ayında Bessarabiya Rumıniya Krallığı tərəfindən işğal, həmin ilin aprel ayında isə rəsmi olaraq ilhaq edilmişdir. 1940-cı ildə Bessarabiya SSRİ-nin bir parçası olmuşdur. 1941-ci ildə qəsəbə Rumıniya qüvvələri tərəfindən işğal edilmişdi. 22 avqust 1944-cü ildə Zatoka SSRİ qüvvələri tərəfindən azad edilmişdir. 1945-ci ildə qəsəbədə yeni bir məktəb tikilmişdir. 5 dekabr 1955-ci ildə qəsəbədə bir dəmiryol körpüsü tikilmişdir. 1989-cu ildə qəsəbədə 686-ı kişi, 884-ü isə qadın olmaqla 1,570 nəfər yaşayırdı.

İqlim[redaktə | əsas redaktə]

Zatoka qəsəbəsinin iqlimi
Göstərici Yan Fev Mar Apr May İyn İyl Avq Sen Okt Noy Dek İl
Minimum orta, °C −0,2 0,5 4,2 9,9 16,4 20,6 24,3 22,8 18,1 12,5 5,9 2 11,4
Yağıntı norması, mm 31 29 27 28 37 51 52 36 34 22 32 41 420

Siyasət[redaktə | əsas redaktə]

Ukrayna Respublikası öz müstəqilliyini 24 avqust 1991-ci il tarixində əldə etdikdən sonra, Nadejda Yarçeva qəsəbənin başçısı olmuşdur. 16 noyabr 2010-cu il tarixində Zatoka qəsəbə şurasının ilk iclası keçirilmişdir. İclasın sonunda Vasili İvanoviç Zvyaqinçev qəsəbənin yeni qəsəbə başçısı seçilmişdir.[3]

Nəqliyyat[redaktə | əsas redaktə]

Qəsəbədən regional əhəmiyyət daşıyan OdessaBilqorod-Dnestrovskiİzmail magistrial yolu keçir. Qəsəbədə bir dəmiryol stansiyası var. Buradan Odessa, İzmailKiyev şəhərləri getmək mümkündür. Dəmiryol nəqliyyatı kənd həyatında mühüm rol oynayır.

Turizm[redaktə | əsas redaktə]

Sahilyanı qəsəbənin 50–150 kilometr qalınlığında və 17.5 kilometr uzunluğunda bir kvars çimərliyi olması Zatokanı regionun əsas turizm mərkəzlərindən biri etmişdir. Turistlərin əksəriyyəti Ukrayna, MoldovaBelarus vətəndaşları olur. Zatokada çoxlu dəniz attraksionları var. 2015-ci ildən bəri Zatoka "Z-Games" adlı bir idman və musiqi festivalına ev sahibliyi edir. 2017-ci ildə Zatokanın "Limanski" rayonunda bir akvapark açılmışdır.

İstinadlar[redaktə | əsas redaktə]