Zemfira Sahilova

Vikipediya, azad ensiklopediya
Jump to navigation Jump to search
Zemfira Sahilova
oset. Цъæхилты Аврамы чызг Земфирæ
4U8K0055small-1.jpg
İlk adı Zemfira Avramovna Sahilova
Doğum tarixi 24 aprel 1943(1943-04-24) (77 yaş)
Doğum yeri Alagir, Şimali Osetiya MSSR, RSFSR, SSRİ
Həyat yoldaşı Georgi Saqolov[1]
Uşağı 3
Vətəndaşlığı SSRİ SSRİRusiya Rusiya
Peşəsi aktrisa
Təhsili Boris Şşukin adına Teatr Məktəbi
Fəaliyyət illəri 1966-bu günə qədər
Mükafatları • Rusiyanın əməkdar incəsənət xadimi
• Petrovsk Elm və İncəsənət Akademiyasının həqiqi üzvü
• Alaniya Şimali Osetiya Respublikasının əməkdar incəsənət xadimi
• Ədəbiyyat və incəsənət sahəsində Lomonosov Ordeni
• "Xidmətlərinə görə" "Rusiya" ictimai fəallıq medalı
• Moskvanın 850 illiyinə xatirə medalı
• "Respublikanın ləyaqəti" ordeni
• "Yüzilliyin mesenatı" medalı
• "Osetiyanın Şərəfi" Ordeni
IMDb ID 0874646

Zemfira Avramovna Sahilova (oset. Цъæхилты Аврамы чызг Земфирæ; d. 24 aprel 1943, Alagir, Şimali Osetiya MSSR, RSFSR, SSRİ) — Sovet və Rusiya teatr və kino aktrisası, pedaqoq, Petrovsk Elm və İncəsənət Akademiyasının həqiqi üzvü, "Katyuşa" Estetika və Gözəllik İnkişaf Mərkəzinin təsisçisi və rəhbəri, Moskva Mərkəzi İncəsənət İşçiləri Evinin idarə heyətinin üzvü, Rusiya Dizaynerlər İttifaqının üzvü, Rusiyanın əməkdar incəsənət xadimi, Alaniya Şimali Osetiya Respublikasının əməkdar incəsənət xadimi.

Həyatı[redaktə | əsas redaktə]

24 aprel 1943-cü ildə Şimali Osetiyanın Alagir şəhərində anadan olmuşdur.

1966-cı ildə Boris Şşukin adına Teatr Məktəbində B.Y. Zaxava və A.İ. Borisovun kursunu bitirmişdir. Təhsil aldığı illərdə Vaxtanqov teatrında çıxış etmişdir. Daha sonra Mossovet adına teatrda fəaliyyət göstərmişdir. 1960-cı illərin sonunda teatrın əsas heyətinin tərkibində Vadim Beroyev və Tatyana Bestayeva ilə yanaşı, səhnəyə "Osetin qışlağı"[2] adlı gənclərdən ibarət qrup da çıxırdı. Gənc olmalarına baxmayaraq, həmin dövrdə xeyli məşhurluq əldə etmişdilər.

Zemfira Sahilova 1970-ci illərdə teatrı tərk etmiş və gələcək fəaliyyətini kinematoqrafla bağlamışdır.

1966-cı ildən 1982-ci ilədək 30-dan artıq Sovet kinofilmində müxtəlif rollar ifa etmişdir.

Tanınmış Azərbaycan kinorejissoru Həsən Seyidbəylinin "Sən niyə susursan?" kinofilmində çəkilən Zemfira Sahilovanın, bu filmin köməyi ilə kino aktrisası kimi ampluası müəyyən edildi. Bundan sonra onu tez-tez gözəl qadınların, daha çox SSRİ-nin cənub və şərq xalqlarının nümayəndələrinin rolunu ifa etmək üçün kinoya dəvət edirdilər.

1993-cü ildə "Katyuşa" Estetika və Gözəllik İnkişaf Mərkəzini təsis etmişdir. Bu, 4 yaşından 17 yaşına qədər uşaqların qeyri-kommersiya maarif təsisatı idi.[3]

Moskva Mərkəzi İncəsənət İşçiləri Evinin idarə heyətinin və Rusiya Dizaynerlər İttifaqının üzvüdür.[4] Rusiyanın əməkdar incəsənət xadimi fəxri adına layiq görülmüşdür.

O, istedadlı, ehtiraslı, heyranedici dərəcədə gözəldir.

Vladimir Dolinski[5]

Filmoqrafiya[redaktə | əsas redaktə]

  1. İstintaq davam edir (film, 1966)Mustafayeva
  2. Sən niyə susursan? (film, 1966)Sürəyya
  3. Gündüz seansına iki bilet (film, 1966) — Tonya
  4. İnsan məskən salır (film, 1967)Ədilə
  5. Bir insan yaşayırdı (film, 1968) — Maro
  6. Bir yay üçün on qış (film, 1969) — Sanda
  7. Sonuncu qar (film, 1970) (qısametrajlı)
  8. Ləng hərəkətin partlayışı (film, 1970)
  9. Qırmızı boran (film, 1971) — Tekla Kojokaru
  10. İtmiş fəxri fərman (film, 1972) — Odarka
  11. Sonuncu qayduk (film, 1972) — Veronika
  12. İnsan güləndə (film, 1973) — İnqa
  13. Yayın ortasında (film, 1975) — Mariya
  14. Kapitan Nemo (film, 1975) — Nemonun arvadı
  15. Yolüstü görüş (film, 1977) (qısametrajlı) — Zahirə
  16. De ki, məni sevirsən! (film, 1977)Zemfira xanım
  17. Birisigün, gecəyarısı... (film, 1981) — Elmira Ağabəyova
  18. Zağcalar (film, 1982) — Vera Zaqoruyko
  19. Gözlənilməz tullanış (film, 1983) — epizod
  20. Danışan çeşmə (film, 1985) — Gülsarə
  21. İkinci yolla əlavə artım (film, 1986) — Abdullayeva
  22. Yalan danışsan öləcəksən (film, 2016) — Yevgeniya Petrovna

İstinadlar[redaktə | əsas redaktə]

  1. Игорь ДЗАНТИЕВ. Земфира ЦАХИЛОВА: «Чувство успеха надо воспитывать с детства»
  2. Земфира Цахилова:  В театре Моссовета был «осетинский кишлак»
  3. «КАТЮША» - ЦЕНТР ЭСТЕТИКИ И КРАСОТЫ
  4. Цахилова Земфира Аврамовна
  5. Владимир Долинский - Записки непутевого актера

Xarici keçidlər[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı