Ziyəddin Sultanov

Ziyəddin Sultanov
Ziyəddin Sultanov
	Ziyəddin Kamal oğlu Sultanov
Doğum tarixi	1951
Doğum yeri	Mollalar, Ağdam rayonu, Azərbaycan SSR, SSRİ;
Vəfat tarixi	13 avqust 2020
Vəfat yeri	Bakı, Azərbaycan;
Vətəndaşlığı	SSRİ → Azərbaycan
Fəaliyyəti	jurnalist, publisist
Fəaliyyət illəri	1960-cı ildən
Mükafatları	;

Ziyəddin Kamal oğlu Sultanov (1951, Mollalar, Ağdam rayonu – 13 avqust 2020, Bakı) — Azərbaycan Respublikasının əməkdar jurnalisti.

Həyatı və fəaliyyəti

1951-ci ildə Ağdam rayonunun Mollalar kəndində anadan olmuşdur. Bakı Dövlət Universitetinin jurnalistika fakültəsində təhsil almışdır. Mətbuat aləminə ilk addımlarını 1960-cı illərin ikinci yarısından atmışdı. Onun ilk yazısı Ağdam rayonunda dərc olunan "Lenin yolu" qəzetində çap edilmişdir.

Əmək fəaliyyətinə "Gənclik" nəşriyyatında redaktor kimi başlamışdı (1979). Sonralar "Azərbaycan gəncləri" qəzetində müxbir, "Kommunist" qəzetində müxbir və Qarabağ bölgəsi üzrə xüsusi müxbir vəzidələrində çalışmışdı, ömrünün son günlərinə qədər "Xalq qəzeti"nin Qarabağ bölgəsi üzrə xüsusi müxbiri idi.

13 avqust 2020-ci ildə vəfat etmişdir.^[1]

Birinci Qarabağ müharibəsində fəaliyyəti

Qarabağ müharibəsi başlandığı gündən cəbhə bölgələrində olmuşdur. Jurnalist kimi hadisələrin ən gərgin nöqtələrindən - Xankəndindən, Şuşadan, Ağdamdan, Laçından, Xocalıdan, Kəlbəcərdən xəbərlər verirdi. O, baş verən hadisələrə şahidlik etmiş, müharibə və onun doğurduğu faciələri ürək ağrısı ilə qələmə alaraq silsilə əsərlər yaratmışdı.

Kitabları

"Qarabağ gündəliyi",
"Qarabağın qara günləri",
"Xocalı faciəsi",
"Ağdərədən gələn var",
"Əsirlər, itkinlər, girovlar",
"Qarabağ müharibəsi: faktlar, hadisələr, düşüncələr",
"Ürək dözmür ayrılığa",

"Gəlin gedək Qarabağa".^[2]
"Göylərdən gələn gəlin" sənədli povesti.^[3]

Təltifləri

Azərbaycan Respublikasının əməkdar jurnalisti (1991)^[4]
"Tərəqqi" medalı

İstinadlar

↑ "Əməkdar jurnalist Ziyəddin Sultanov vəfat edib". 2024-04-23 tarixində arxivləşdirilib. İstifadə tarixi: 2024-04-23.
↑ Tanınmış jurnalist Ziyəddin Sultanovun 70 illik yubileyi qeyd olunub
↑ "Ziyəddin Sultanovun "Göylərdən gələn gəlin" sənədli povestinin təqdimatı". 2024-04-24 tarixində arxivləşdirilib. İstifadə tarixi: 2024-04-24.
↑ "Respublikanın kütləvi informasiya vasitələri işçilərinin bir qrupuna "Azərbaycan Respublikasının əməkdar jurnalisti" fəxri adının verilməsi haqqında". 2022-10-19 tarixində arxivləşdirilib. İstifadə tarixi: 2024-04-23.

[1] "Əməkdar jurnalist Ziyəddin Sultanov vəfat edib". 2024-04-23 tarixində arxivləşdirilib. İstifadə tarixi: 2024-04-23.

[2] Tanınmış jurnalist Ziyəddin Sultanovun 70 illik yubileyi qeyd olunub

[3] "Ziyəddin Sultanovun "Göylərdən gələn gəlin" sənədli povestinin təqdimatı". 2024-04-24 tarixində arxivləşdirilib. İstifadə tarixi: 2024-04-24.

[4] "Respublikanın kütləvi informasiya vasitələri işçilərinin bir qrupuna "Azərbaycan Respublikasının əməkdar jurnalisti" fəxri adının verilməsi haqqında". 2022-10-19 tarixində arxivləşdirilib. İstifadə tarixi: 2024-04-23.

[1]

[2]

[3]

[4]