Ziya Hacızadə

Vikipediya, açıq ensiklopediya
Jump to navigation Jump to search
ZIYA HACIZADƏ
Şəkil yoxdur-kişi.svg
Doğum tarixi 29 aprel 1934(1934-04-29)
Vəfat tarixi 29 sentyabr 2004 (70 yaşında)
Vəfat yeri Bakı


Hacızadə Ziya Salman oğlu – geologiya-mineralogiya elmləri namizədi, professor.

Həyatı[redaktə | əsas redaktə]

Ziya Hacızadə 29 aprel 1934-cü ildə anadan olmuşdur. 1951-ci ildə Bakı şəhər 1 saylı orta məktəbi, 1956-cı ildə isə M.Əzizbəyov adına Azərbaycan Sənaye İnstitutunun (indiki ADNA) geoloji-kəşfiyyat fakültəsini bitirmişdir. Təyinatla Neft Daşlarına işə göndərilmiş, 1962-ci ilə qədər orada operator, mühəndis və böyük mühəndis vəzifələrində çalışmışdır. 1967-ci ildə Azərbaycan Neft və Kimya İnstitutunda "Neft və qaz yataqlarının geologiyası və kəşfiyyatı" kafedrasında əyani aspiranturanı bitirmiş və "Neftlilik-qazlılıqla əlaqədar olaraq Abşeron vilayəti qərb kənar zonasında qırməkanaltı lay dəstəsinin hidrogeoloji və hidrokimyəvi xüsusiyyətləri" mövzusunda namizədlik dissertasiyası müdafıə etmişdir.

Namizədlik dissertasiyasını müdafiə etdikdən sonra həmin kafedrada mühəndis, elmi işçi vəzifələrində çalışmışdır. 1968-1972 və 1980-1981-ci illərdə Əlcəzair Respublikasının Bumerdes şəhərinin Neft İnstitutunda fransız dilində geoloji fənlərdən dərs demişdir. 1972-ci ildən isə Azərbaycan Dövlət Neft Akademiyasının "Neft-qaz mədən geologiyası" kafedrasında dosent vəzifəsində çalışmışdır. Həmçinin uzun illər geoloji-kəşfıyyat fakültəsinin dekan müavini və dekanı olmuşdur.

29 sentyabr 2004-cü ildə Bakı şəhərində vəfat etmişdir.

Elmi fəaliyyəti[redaktə | əsas redaktə]

Z.Hacızadə bir sıra dərslik, dərs vəsaiti və metodik göstərişlərin müəllifıdir. 1981-ci ildə onun 27,8 ç.v. həcmində "Neft-qaz axtarışı və neft-mədən geologiyası" dərsliyi "Maarif" nəşriyyatında çap edilmişdir.

1966-cı ildə "Hidrogeologiya" (3,5 ç.v.), 1979-cu ildə "Neft-qaz yataqlarının hidrogeologiyasının əsas məsələlərinə dair" (5 ç.v.), "SSRİ-nin əsas neftli-qazlı artezian hövzələrinin hidrogeologiyası" (2,75 ç.v.) dərs vəsaitləri Az.NKİ-nin nəşriyyatında çap olunmuşdur. Bunlardan əlavə o, neft və qaz ehtiyatlarının hesablanması, struktur geologiya fənləri üzrə bir sıra metodik göstəriş və laboratoriya tapşırıqlarının müəllifidir.

Bir sıra elmi konfranslarda hidrogeologiya üzrə məruzələr etmişdir. Onun 50-dən artıq elmi məqaləsi vardır ki, onlardan üçü Əlcəzairdə çap edilmişdir.

Z.Hacızadə 1991-ci ildə SSRİ Geologiya Nazirliyi tərəfındən "Yer dərinliklərinin kəşfı əlaçısı" nişanı ilə təltif edilmişdir.

Mənbə[redaktə | əsas redaktə]

  • Alim və ziyalılar. "Bakı Universiteti Nəşriyyatı", Bakı, 2002, 582 səh.