Zurnabad qalası
| Zurnabad qalası | |
|---|---|
 | |
 | |
| 40°27′49″ şm. e. 46°13′22″ ş. u.HGYO | |
| Ölkə |
 Azərbaycan |
| Şəhər | Göygöl |
| Yerləşir | Göygöl rayonu, Zurnabad |
| Tikilmə tarixi | XIII-XIV |
| İstinad nöm. | 4290 |
| Kateqoriya | Məbəd |
| Əhəmiyyəti | Yerli əhəmiyyətli |
 Vikianbarda əlaqəli mediafayllar | |
Zurnabad qalası — Göygöl rayonu, Zurnabad kəndindən təqribən 5-6 km aralıda meşəlik ərazidə yerləşən tarixi qala. Zurnabad qalasında aparılmış arxeoloji tədqiqat işləri zamanı onun XIII-XIV əsrlərə aid olduğu təsdiqlənib. Qala öz tikinti xüsusiyyətlərinə görə demək olar ki, Bakıdakı Mərdəkan, Nardaran, Ramana qalaları ilə oxşarlıq təşkil edir. Beş bürcü olan qalanın eni, uzunu, hündürlüyü bir-birlərinə tən şəkildə hörülüb. Qalanın həm eni, həm də hündürlüyü 9 metrdir. Zurnabad isə feodal qəsri olub. Bu qala adi bir feodalın ailə üzvlərinin, onun əmlakının qorunmasına xidmət edib və müdafiə xarakterli olmayıb.[1]
Haqqında
[redaktə | vikimətni redaktə et]Qalada 1938-ci ildə A.E.Paxomov, 1989-cu ildə A.M.Məmmədov kimi tədqiqatçılar arxeoloji qazıntılar aparmışlar və onun tikilmə tarixinin XII-XIV əsrlərə aid olduğunu müəyyən etmişlər. Həmçinin burada 2013-2014-cü illərdə Gəncə arxeoloji ekspedisiyası tərəfindən də kəşfiyyat işləri aparılmışdır.[2]
A.Məmmədov Zurnabad qalasının feodal qəsri olduğunu, qalanın adi bir feodalın ailə üzvlərinin, onun əmlakının qorunmasına xidmət edən qala olduğunu və müdafiə xarakteri daşıdığını qeyd edib.[3]
Qalanın 500 metrliyində, əsas yolun üstündə gözətçi məntəqəsi vardır ki, yerli əhali və maldar tayfalar bu ərazidən əvvəllər köç yolu kimi istifadə etmişdilər.
Memarlıq xüsusiyyətləri
[redaktə | vikimətni redaktə et]Zurnabad qalası tikinti xüsusiyyətlərinə görə Bakıdakı Mərdəkan, Nardaran, Ramana qalalarına bənzədilir. Zurnabad qalasının divarları çay daşından əhəng məhlulu ilə hörülüb. Qaladakı ən iri bürcün dairəsi 9 metrdir. İkinci bürcün dairəsi 8 metr, üçüncü, dördüncü və beşinci bürclərin dairəsi isə 4 metrdir. Qalanın bürclərində mazğallar (qala divarlarında atışma üçün qoyulan dəlik) yoxdur. Bu da, tikilinin müdafiə məqsədilə deyil, yaşayış yeri kimi inşa olunduğunu sübut edir.[2]
Qalanın Gəncəçaya doğru çıxan həyəti vardır. Həyəti əhatə edən sol divarın uzunluğu 30 metr, əks tərəfinin uzunluğu isə 10 metrdir. Divarda iki bürc var. Böyük bürcün dairəsi 8 metr, kiçik bürcün dairəsi isə 3 metrdir.[2]
Zurnabad qalası yerli əhəmiyyətli abidələrin siyahısına daxildir.
İstinadlar
[redaktə | vikimətni redaktə et]- ↑ "Arxivlənmiş surət". 2020-10-26 tarixində orijinalından arxivləşdirilib. İstifadə tarixi: 2017-05-08.
- ↑ 1 2 3 "Göygöl rayonunun XII əsrə aid Zurnabad qalası" (az.). https://gencexeber.az. Oktyabr 5, 2023. Archived from the original on 2023-06-07. İstifadə tarixi: 22 yan 2025.
- ↑ "Göygölün bir hissəsinin qədim Gəncə ərazisinə aid olmadığı aşkarlandı" (az.). https://az.trend.az. 27 Avqust 2013. Archived from the original on 26 October 2020. İstifadə tarixi: 27 yan 2025.
Xarici keçidlər
[redaktə | vikimətni redaktə et]- GÖYGÖL RAYONU | ÇÖL ADAMI | ZURNABAD QALASI | KAMAL DƏNİZ
- "Göygölün qədim abidələri" (az.). http://www.anl.az/. 28 Jan 2025 tarixində arxivləşdirilib. İstifadə tarixi: 28 yan 2025.
