Çərkəz bəy Şərifov
| Çərkəz bəy Şərifov | |
|---|---|
| Çərkəz bəy Qasım bəy oğlu Şərifov | |
 | |
| Doğum yeri | Seyidli, Şuşa qəzası, Yelizavetpol quberniyası, Rusiya imperiyası |
| Vəfat tarixi | |
| Vəfat yeri | Seyidli, Ağdam rayonu, Azərbaycan SSR, ZSFSR, SSRİ |
| Vətəndaşlığı |
 Rusiya imperiyası→ AXC→ SSRİ |
| Həyat yoldaşı | Gülsabah xanım |
| Uşaqları | Turan, Afər, Rəna, Şəmsəddin, Elmira |
| Atası | Qasım bəy |
| Anası | Mənzər xanım |
| Milliyyəti | azərbaycanlı |
Çərkəz bəy Qasım bəy oğlu Şərifov — Qarabağ bəyi. İldırım xan Şərifovun kiçik qardaşı. Şərifli nəslindəndir.
Həyatı və fəaliyyəti[redaktə | mənbəni redaktə et]
Çərkəz bəy Qasım bəy oğlu Şərifov Şuşa qəzasının Seyidli (indiki Ağdamın Seyidli kəndin) kəndində anadan olmuşdur. O, ata tərəfdən Şərifli, ana tərəfdən Qazılılar nəslindəndir.
Çərkəz bəy Şərifov uşaq yaşlarında olarkən atası vəfat etmişdir. O və qardaşı İldırım ilk təhsillərini yaxın qohumu Seyid Həşim Seyid Qara Məhəmməd oğlundan almışdır. Sonralar Ağdam şəhər məktəbində (Ağdam şəhər 1 nömrəli orta məktəb) oxumuşdur.
Çərkəz bəy Şərifov Qarabağın qoçaq, qeyrətli bəylərindən sayılmışdır. O, qardaşı İldırım xan və əmisi oğlu Fərhad bəy ilə Şuşada vəhşiliklər törətmiş ermənilərə qarşı uzun illər silahlı mübarizə aparmışdır. Daha doğrusu erməniləri himayə edən çarizmə qarşı döyüşmüşdür.
Çərkəz bəy Şərifov 1930-cu ildə Seyidlidə dünyasını dəyişmiş, "Qaraağacı" qəbiristanlığında torpağa tapşırılmışdır.
Ailəsi[redaktə | mənbəni redaktə et]
Çərkəz bəy Şərifovun atasının adı Qasım bəy, anasının adı Mənzər xanımdır.
Çərkəz bəy Şərifovun qardaşının adı, İldırım xan, bacısının adı Ulduz xanımdır.
Çərkəz bəy Şərifov üç dəfə ailə həyatı qurmuşdur. Onun birinci evlilik həyatı xalası qızı Gülsabah xanımla olmuşdur.
Çərkəz bəy Şərifovun Turan, Afər, Rəna, Şəmsəddin, Elmira adlı övladları olmuşdur.
Mənbə[redaktə | mənbəni redaktə et]
- Orxan Zakiroğlu (Baharlı). Seyidli oymağının nəsilləri və övladları. "Bütöv Azərbaycan" qəzeti, 5 – 11 dekabr, 2012-ci il, № 42(174)
- Orxan Zakiroğlu (Baharlı). Seyidli oymağının Şərifli nəslinin övladları. "Təzadlar" qəzeti, 18 dekabr, 2012-ci il, № 189 (1732)
- Orxan Zakiroğlu (Baharlı). Ağdam şəhər 1 nömrəli orta məktəbin tarixi (1883–1993). I kitab. Bakı, 2016
- Orxan Zakiroğlu (Baharlı). Qarabağın Seyidli oymağı. I kitab. Bakı, 2017