Ülkər Atəş
 | Bu məqalə qaralama halındadır. |
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
| Ülkər Atəş | |
|---|---|
| Ülkər Atəş İsmayılova | |
 | |
| Doğum tarixi | |
| Doğum yeri | Söyüdlü, Gədəbəy rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Təhsili | Bakı Dövlət Universiteti |
| Fəaliyyəti | şair |
| Mükafatları | Qızıl qələm |
Ülkər Atəş (1 aprel 1963, Söyüdlü, Gədəbəy rayonu) — Azərbaycan Yazıçılar Birliyinin, Azərbaycan Jurnalistlər Birliyinin üzvü, şair-publisist. "Beynəlxalq Əlillər Cəmiyyəti" İB-nin sədr müavini, "Əlillər dünyası" qəzetinin redaktoru. "Xatun", "Ozan", "Qızıl mikrofon", "Qızıl qələm" media mükafatları laureatı.
Həyatı
[redaktə | mənbəni redaktə et]Ülkər Atəş (İsmayılova) 1963-cü il aprelin 1-də Azərbaycanın Gədəbəy rayonunun Söyüdlü kəndində ziyalı ailəsində anadan olmuşdur. Bakıda Gözdən Əlillər üçün olan məktəbdə təhsil almağa başladı. Orta təhsilini başa vuran Ülkər Atəş Neftçi Qurban adına Mədəniyyət Sarayının nəzdindəki Qarmon şöbəsini, Bakı Mədəni Maarif Texnikumunu və daha sonra Britaniyanın “Oksfam” şirkətinin Massaj Reabilitasiya Məktəbini fərqlənmə diplomu ilə bitirmişdir. 1998-ci ildə Bakı Dövlət Universitetinə qəbul olaraq, “Şərqşünaslıq” ixtisasına yiyələnmişdir. 1998-99, 2001-2004 və 2007-ci illərdə Ümumrespublika Baxış Müsabiqələrinin bədii qiraət üzrə laureatı olmuşdur.Dövrünün məşhur “Günay”, “Bozqurd”, “Millət”, “Ekspress”, “Cümhuriyyət”, “Zaman”, “Yeni Azərbaycan”, “Kredo”, “Nota”, “Vətən fədailəri” və s. kimi qəzetlərində, eləcə də, “Kirpi”, “Ulduz” kimi ədəbi-bədii jurnallarda əsərləri dərc olunmuş, görkəmli elm və ictimai xadimlər tərəfindən müsbət rəy almışdır. 1994-cü ildən jurnalistik fəaliyyətə başlamış, 1998-ci ildən etibarən “İcmal” qəzetində xüsusi müxbir işləmişdir. Bundan başqa, 2001-ci ildə qadınlar arasında keçirilən sərgidə qalib olmuş, Suraxanı Rayon İcra Hakimiyyəti tərəfindən fəxri fərmana layiq görülmüşdür. 2008-ci ilin martında Mədəniyyətin, Milli Musiqinin inkişafında və təbliğində göstərdiyi xidmətlərə görə “Xatun” mükafatı, 2009-cu ildə Mətbuatın, ədəbiyyatın inkişafında göstərdiyi xidmətlərinə və mətbuatla daim əməkdaşlığına görə “Qızıl mikrofon” və “Ozan” mükafatı ilə təltif olunmuş, elə həmin ildə xalq arasında keçirilən sorğuya əsasən “İlin şairi” fəxri adına layiq görülmüşdür. 2009-cu ildə “Qızıl qələm” media mükafatı ilə təltif olunmuşdur. Hazırda Azərbaycan Yazıçılar Birliyi və Azərbaycan Jurnalistlər Birliyinin üzvüdür. Eyni zamanda, “Beynəlxalq Əlillər Cəmiyyəti” İctimai Birliyinin sədr müavini, “Əlillər dünyası” qəzetinin redaktoru və “İcmal” qəzetinin xüsusi müxbiridir.
Yaradıcılığı
[redaktə | mənbəni redaktə et]2003-cü il “Nurlan” nəşriyyatı tərəfindən buraxılmış “Ruhani Ədəbi Bədii Birliyi”nin çap etdirdiyi almanaxda 10 şeiri, 2008-ci ildə isə “Söz dünyası” adlı almanaxda 10 şeiri, Şəlalə Məhyəddinqızının müəllifi olduğu “Qaranlıqdan işığa – Ümnisə Musabəyli 110” adlı kitabında isə “Musabəyov ocağı” adlı poeması, 2013-cü ildə Ruhani Ədəbi Bədii Birliyinin “Əbədiyaşıl söz” adlı almanaxında isə 11 şeiri dərc olunmuşdur. 2006-cı ilin aprelində “Səbuhi” səsyazma studiyası tərəfindən “Mən bir xəyal ağacıyam” adlı poetik bir albomu işıq üzü görmüşdür. Şairin “İki dünya”, “Neynir məni bu dünya”, “Mübarək olsun” adlı şeir kitabları, “Mənbili, Nəmbili və Cümbülü” adlı uşaq şeirləri toplusu və “Dağların dağ övladı – Gədəbəy” adlı elmi monoqrafiyası işıq üzü görmüşdür. 2015-ci ildə "Ədalət qapısı" adlı kitabı çapdan çıxmışdır. Haqqında bir sıra məqalələr yazılmış, "Əsrin incilərindən - Ülkər Atəş" adlı kitab gənc alim Nərminə İsmayılovanın müəllifliyi ilə 2014-cü ildə çap olunmuşdur.