Şovitsa yemişanı

Vikipediya saytından
Naviqasiyaya keç Axtarışa keç
Şovitsa yemişanı
Elmi təsnifat
Beynəlxalq elmi adı
  • Crataegus szovitsii

Şovitsa yemişanı (lat. Crataegus szovitsii) — bitkilər aləminin gülçiçəklilər dəstəsinin gülçiçəyikimilər fəsiləsinin yemişan cinsinə aid bitki növü.

Təbii yayılması

[redaktə | mənbəni redaktə et]

Təbiətdə növün arealı şərqi Zaqafqaziyanı və Kiçik Asiyanın şərq rayonlarını əhatə edir.

Botaniki təsviri

[redaktə | mənbəni redaktə et]

Boz qonur rəngli, kiçik sıx budaqlı ağacdır. Cavan zoğları ağ keçəlidir. Yarpaqları möhkəm, qalın, göyümtüldür. Çiçəkləyən zoğlarda alt yarpaqları əks-yumurtavari, yuxarıda yerləşənlər üç pərlidir, dərin, beş bölümlü, kəsiyində enli əks yumurtavari, rombvari, uzunluğu və eni 3-4,5 sm; orta pəri bünövrəyə daralmış, iti və ya küt, ucuna yaxın az dişli, bəzən kənarları bütövdür. Steril zoğlarda daha iri, 5-9 yerə dəri bölünmüş, ensiz və kəsik pərlidir. Çiçək qrupunun diametri 5 sm-dək, yığcam, 10-12 çıçəkli, sıx-ağ keçəli, çiçək saplağının uzunluğu 1,5-5 mm-dir. Kasayarpaqları enli-üçkünc, ucu biz, çiçəkləmə dövründə düz dayanandır, meyvə verdikdə şaxələnir. Çiçək tacının diametri təxminən 18 mm; erkəkcikləri 20, sütuncuqları 3-4-dür. Meyvələrin diametri 12-15 mm, bir az tükcüklü, yetişdikdə tünd qırmızı, əsasən 3-4, bəzən 2 çəyirdəklidir. İyulda çiçəkləyir. Meyvəsi oktyabrda yetişir.

Rütubətə, işığa, istiyə davamı bitkidir. Kolluqlarda, meşələrdə, daşlı yamaclarda, orta dağ qurşaqlarında bitir.

Azərbaycanda yayılması

[redaktə | mənbəni redaktə et]

Kiçik Qafqaz və Naxçıvan MR-da təbii halda rast gəlinir.

Meyvələri çox dekorativdir. Canlı hasarların yaradılmasında əlverişlidir.