"Ətraf mühitin mühafizəsi sahəsində fərqlənməyə görə" medalı
Naviqasiyaya keç
Axtarışa keç
| "Ətraf mühitin mühafizəsi sahəsində fərqlənməyə görə" medalı | |
|---|---|
  |
|
|
|
|
| Ölkə |
 Azərbaycan |
| Tip | medal |
| Status | təqdim olunur |
| Statistika | |
| Təsis tarixi | 27 may 2022 |
| Ardıcıllıq | |
| Yüksək mükafat | "Azərbaycan Dəmir Yollarının 140 illiyi (1880–2020)" yubiley medalı |
| Aşağı mükafat | "Minatəmizləmə sahəsində xidmətlərə görə" medalı |
"Ətraf mühitin mühafizəsi sahəsində fərqlənməyə görə" medalı — Azərbaycan Respublikasının dövlət təltifi.[1]
Əsasnaməsi[redaktə | mənbəni redaktə et]
"Ətraf mühitin mühafizəsi sahəsində fərqlənməyə görə" medalının əsasnaməsi Azərbaycan Respublikasının 2022-ci il 27 may tarixli Qanunu ilə təsdiq edilmişdir.[2]
Maddə 1. Təltif edilən şəxslər
- "Ətraf mühitin mühafizəsi sahəsində fərqlənməyə görə" Azərbaycan Respublikasının medalı ilə Azərbaycan Respublikasının vətəndaşları, əcnəbilər və vətəndaşlığı olmayan şəxslər aşağıdakı xidmətlərinə görə təltif edilirlər:
- ətraf mühitin mühafizəsi ilə bağlı mühüm layihələrin hazırlanmasında və onların həyata keçirilməsində fəal iştiraka görə;
- ətraf mühitin mühafizəsi ilə bağlı obyektiv informasiyanın yayılmasına və görülən işlərin təbliğinə verilən töhfəyə görə;
- ətraf mühitin mühafizəsi ilə bağlı Azərbaycan Respublikasının beynəlxalq əlaqələrinin inkişaf etdirilməsində və möhkəmləndirilməsində göstərilən xidmətlərə görə.
Maddə 2. Təltif edən orqan
- "Ətraf mühitin mühafizəsi sahəsində fərqlənməyə görə" Azərbaycan Respublikasının medalı ilə bu Əsasnamənin 1-ci maddəsində göstərilən şəxslər müvafiq icra hakimiyyəti orqanının müəyyən etdiyi orqan (qurum) tərəfindən təltif edilirlər.
Maddə 3. Taxılma qaydası
- "Ətraf mühitin mühafizəsi sahəsində fərqlənməyə görə" Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda onlardan sonra taxılır.
— medal haqqında ƏSASNAMƏ[2]
Təsviri[redaktə | mənbəni redaktə et]
"Ətraf mühitin mühafizəsi sahəsində fərqlənməyə görə" medalının təsviri Azərbaycan Respublikasının 2022-ci il 27 may tarixli Qanunu ilə təsdiq edilmişdir.[1]
Maddə 1. Medalın ümumi təsviri
- "Ətraf mühitin mühafizəsi sahəsində fərqlənməyə görə" Azərbaycan Respublikasının medalı (bundan sonra – medal) bürüncdən tökülmüş və gümüş suyuna çəkilmiş, dairəvi formalı, diametri 36 mm olan lövhədən ibarətdir.
Maddə 2. Medalın ön tərəfi
- Medalın ön tərəfi dairəvi xətlə haşiyələnmişdir, mərkəzində müvafiq icra hakimiyyəti orqanının müəyyən etdiyi orqanın (qurumun) embleminin elementləri olan günəş, yarpaq, dağ (zirvə) və dalğa rəmzli kvadratlardan ibarət kompozisiya təsvir edilmişdir.
- Medalın ön tərəfində yuxarıdan aşağıya doğru çevrə boyunca "ƏTRAF MÜHİTİN MÜHAFİZƏSİ SAHƏSİNDƏ FƏRQLƏNMƏYƏ GÖRƏ" sözləri həkk olunmuşdur və yuxarı hissənin mərkəzində, yazıların arasında, səkkizguşəli ulduz təsvir edilmişdir.
- Medalın ön tərəfinin səthi nahamardır, dairəvi xətt, emblem, səkkizguşəli ulduz və sözlər relyeflidir, boz rəngdədir.
Maddə 3. Medalın arxa tərəfi
- Medalın arxa tərəfi hamar səthlidir, mərkəzində "AZƏRBAYCAN RESPUBLİKASININ EKOLOGİYA VƏ TƏBİİ SƏRVƏTLƏR NAZİRLİYİ" sözləri həkk olunmuşdur.
- Medalın arxa tərəfinin aşağı hissəsində medalın seriyası və nömrəsi göstərilir.
- Bütün yazılar və rəqəmlər relyefli və boz rəngdədir.
Maddə 4. Medalın elementləri
- Medal paltara bərkidilmək üçün elementi olan 50 mm x 37 mm ölçülü xara lentə iki halqa və ilgək vasitəsilə birləşdirilir. Xara
lentin yuxarı hissəsinə 40 mm x 5,5 mm, aşağı hissəsinə isə 40 mm x 5,5 mm ölçülü boz rəngli metal lövhə bərkidilmişdir.
- Xara lentin üzərində mərkəzdə 7 mm enində boz, mərkəzdən sağ və sol kənarlara doğru 15 mm enində tünd göy rəngli şaquli zolaqlar təsvir edilmişdir.
- Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə edilir.
— medalın TƏSVİRİ[1]
İstinadlar[redaktə | mənbəni redaktə et]
- ↑ 1 2 3 ""Ətraf mühitin mühafizəsi sahəsində fərqlənməyə görə" Azərbaycan Respublikası medalının təsviri" (PDF). 2022-09-29 tarixində arxivləşdirilib (PDF). İstifadə tarixi: 2024-01-11.
- ↑ 1 2 ""Ətraf mühitin mühafizəsi sahəsində fərqlənməyə görə" Azərbaycan Respublikasının medalı haqqında ƏSASNAMƏ". 2024-01-15 tarixində arxivləşdirilib. İstifadə tarixi: 2024-01-13.
