Qarındeşən Cek

Vikipediya, açıq ensiklopediya
(İçalatçı Cek səhifəsindən istiqamətləndirilmişdir)
Keçid et: naviqasiya, axtar
Qarındeşən Cek
ing. Jack the Ripper
JacktheRipper1888.jpg
1888-ci ilin 13 oktyabr tarixində Londonda nəşr olunmuş Qarındeşən Cek təsviri.
Doğum tarixi: məlum deyil
Vəfatı: məlum deyil
Fəaliyyəti: Seriyalı qatil


Qarındeşən Cek (ing. Jack the Ripper) - 1888-ci ilin ikinci yarısında Uaytçapeldə və Londonun ətraf rayonlarında cinayətlər törədən naməlum qatilə və ya qatillərə verilmiş şərti addır. Cek adı Mərkəzi polis bürosuna qətli törətdiyini iddia edən bir şəxsin göndərdiyi məktubdan götürülmüş və London qəzetlərində cinayət işlərilə bağlı nəşr olunan yazılar sayəsində məşhurlaşmışdır.

Hamısı fahişə olan qurbanlardan beşinin eyni adam tərəfindən öldürüldüyü rəsmən öz təsdiqini tapmışdır. Ancaq Qarındeşən Cekin törətdiyi güman olunan təxminən iyirmiyə yaxın cinayət vardır. Cek qeyb olduğuna görə bu cinayətlərin heç birinin üstü açılmamışdır. Bu gün ingilis detektivlər və elm adamları müasir texnologiyanın köməyilə həmin cinayətlərin üstünü açmağa çalışırlar. Günümüzə qədər çatmış tək fiziki dəlil, qurbanlardan birinə aid olduğu iddia edilən şaldır.