Aşıq Bəhmən Ardanışlı

Vikipediya, azad ensiklopediya
Naviqasiyaya keç Axtarışa keç
Vikipediyada bu adlı digər şəxslər haqqında da məqalələr var; bax: Aşıq Bəhmən.
Aşıq Bəhmən Ardanışlı
Doğum tarixi 30 yanvar 1960(1960-01-30) (64 yaş)
Doğum yeri
Təhsili
Fəaliyyəti aşıq, müəllim, musiqiçi
Üzvlüyü
Mükafatları Azərbaycan Respublikasının əməkdar mədəniyyət işçisi "Aşıq Ələsgər – 200" yubiley medalı
Vikianbarın loqosu Vikianbarda əlaqəli mediafayllar

Bəhmən İsa oğlu Kazımov (Aşıq Bəhmən Göyçəli; 30 yanvar 1960, Ardanış, Krasnoselsk rayonu) — Azərbaycan aşığı. Azərbaycan Aşıqlar Birliyinin (1989) və Dədə Ələsgər Ədəbi Məclisin (2022) üzvü. Azərbaycan Respublikasının əməkdar mədəniyyət işçisi (16.10.2021).[1]

Həyatı[redaktə | mənbəni redaktə et]

Bəhmən Kazımov 30 yanvar 1960-cı ildə Çəmbərək rayonunun Ardanış kəndində anadan olmuşdur. 1967-ci ildə Ardanış kənd orta məktəbinin I sinfinə daxil olmuş və 1977-ci ildə həmin məktəbi bitirmişdir. 1977-ci ildə V. İ. Lenin adına Azərbaycan Dövlət Pedaqoji İnstitutunun coğrafiya-biologiya fakültəsinə daxil olmuşdur. 1982-ci ildə coğrafiya əlavə biologiya ixtisasına yiyələnərək Ağdaş rayonu Yenicə kənd orta məktəbində coğrafiya, biologiya ilə bərabər musiqi müəllimi işləmiş, eyni vaxtda bu məktəbdə direktorun tədris işləri üzrə müavini olmuşdur.

1984-cü ildə Göyçə mahalına qayıdaraq öz doğma kəndi Ardanış və həm də eyni vaxtda Şorca kənd orta məktəblərində coğrafiya müəllimi işləmişdir. 1985-ci ildən Ardanış kənd orta məktəbində həm də biologiya və musiqi müəllimi işləmişdir.

1988-ci ildə erməni təcavüzü nəticəsində öz doğma ata-baba torpaqlarından qovularaq Bakı şəhərinə pənah gətirmişdir.

Aşıqlıq fəaliyyəti[redaktə | mənbəni redaktə et]

Aşıq Bəhmənin ustadı atası Aşıq İsa olmuşdur.[2]

1989-cu ildə Hüseyn Arifin təklifi ilə Azərbaycan Aşıqlar Birliyinə üzv qəbul olunmuşdur. Bu dövrdən aşıq sənətinə daha da önəm vermiş və bütün həyatını atası rəhmətlik Aşıq İsanın davamçısı olaraq aşıq sənətə bağlamışdır.[3]

Aşıq Bəhmən 1990-cı illərdən başlayaraq bütün dövlət tədbirlərinə dəvət almışdır, müxtəlif festifallarda iştirak etmişdir. Azərbaycan Aşıqlar Birliyinin son üç qurultayına üzv seçilmiş və onu qurultay Azərbaycan Aşıqlar Birliyinin rəyasət heyətinin üzv seçmişdir.[4]

2018-ci ildən "Göyçə" saz folklor qrupunun rəhbəri təyin olunmuşdur və hal-hazırda da bu qrupun rəhbəridir.

2022-ci ildən Dədə Ələsgər Ədəbi Məclisin üzvüdür.

Təltifləri[redaktə | mənbəni redaktə et]

1986-cı ildə Çəmbərək rayonunda ailə musiqi festifalında I yeri tutaraq İrəvan şəhərində respublika festifalında fəxri diplomla təltif olunmuşdur.

16 oktyabr 2021-ci ildə Azərbaycan Respublikası Prezidentinin sərəncamı ilə Azərbaycan Respublikasının əməkdar mədəniyyət işçisi fəxri adına layiq görülmüşdür.[1]

Azərbaycan Respublikası Mədəniyyət Nazirliyi müxtəlif tədbirlərdə və festifallarda fəal iştirakına görə Aşıq Bəhmənin əməyini yüksək qiymətləndirmiş və dəfələrlə onu diplomlarla mükafatlandırmışdır.

2022-ci ildə Dədə Ələsgərin 200 illiyində fəal iştirakına görə "Aşıq Ələsgər – 200" yubiley medalı ilə təltif olunmuşdur.

İstinadlar[redaktə | mənbəni redaktə et]

  1. ↑ 1 2 "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". president.az (az.). Azərbaycan Respublikası Prezidentinin rəsmi internet saytı. 16 oktyabr 2021. 2022-05-24 tarixində arxivləşdirilib. İstifadə tarixi: 22 fevral 2023.
  2. ↑ "Aşıq İsa Hüseyn oğlu Kazımov". goyce.az (az.). 27-11-2018. 2019-01-06 tarixində arxivləşdirilib. İstifadə tarixi: 22 feval 2023.
  3. ↑ "Azərbaycan Aşıqlar Birliyi: Təbrik edirik". azerab.az (az.). 18-10-2021. 2022-06-28 tarixində arxivləşdirilib. İstifadə tarixi: 22 fevral 2023.
  4. ↑ ""Aşıq musiqisi axşamları" layihəsinin budəfəki təqdimatları Azərbaycan Qərb aşıq məktəbinə həsr olunub". azertag.az (az.). AzərTAc. 07-10-2019. 2023-07-01 tarixində arxivləşdirilib. İstifadə tarixi: 22 fevral 2023.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Aşıq_Bəhmən_Ardanışlı&oldid=7271922"