Aybəniz Vəkilova
Vikipediya, açıq ensiklopediya
| Aybəniz Vəkilova | |
| Aybəniz Səməd qızı Vəkilova | |
| Doğum tarixi: | 9 sentyabr 1937-ci il |
|---|---|
| Doğum yeri: | Bakı |
| Vəfatı: | 13 iyun 2009-cu il (71 yaşında) |
| Vəfat yeri: | Bakı |
| Atası: | Səməd Vurğun |
| Anası: | Xavər Vəkilova |
Vəkilova Aybəniz Səməd qızı — Səməd Vurğun Fondunun prezidenti (?-2009) və Səməd Vurğunun ev-muzeyinin direktoru (2006-2009), əməkdar incəsənət işçisi (2002).
Mündəricat |
[redaktə] Həyatı
Aybəniz Vəkilova 1937-ci il sentyabrın 9-da Bakıda anadan olub. Azərbaycan Dövlət Universitetinin filologiya fakültəsini bitirib, uzun müddət Nizami adına Ədəbiyyat Muzeyində elmi işçi işləyib. 2006-2009-cu illərdə Səməd Vurğunun ev-muzeyinin direktoru olub.
1996-cı ildə "Şərəf" ordeni ilə təltif edilib. Səməd Vurğunla bağlı bir neçə kitabın müəllifidir.
2002-ci ildə əməkdar incəsənət işçisi adına, 2003-cü ildə isə prezident təqaüdünə layiq görülüb.
13 iyun 2009-cu ildə vəfat edib.
- Azərbaycanın xalq şairi Səməd Vurğunun qızıdır.
- Əməkdar mədəniyyət işçisi Xavər Vəkilovanın qızıdır.
- Azərbaycanın xalq yazıçısı Yusif Səmədoğlunun bacısıdır.
- Azərbaycanın xalq şairi Vaqif Səmədoğlunun bacısıdır.
[redaktə] Mənbə
- İsmayıl Umudlu. Vəkiloğulları. Bakı: "QAPP-poliqraf", 2003, səh. 55-61.
- İsmayıl Umudlu. Salahlı eli. Tarix-etnoqrafiya-insanlar-yurd bilgisi. Bakı, Apostroff nəşriyyatı, 2011, səh 736-737.