Bayram Təbrizli-Marağalı
| Bayram Təbrizli-Marağalı | |
|---|---|
| Söhrab Səfəralı oğlu Bayramov | |
| Doğum tarixi | |
| Doğum yeri | Ağcabədi rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Elm sahəsi | şərqşünas |
| İş yeri | AMEA Əlyazmalar İnstitutu |
Bayramov Söhrab Səfəralı oğlu (Bayram Təbrizli-Marağalı) — şərqşünas-alim.
Həyatı[redaktə | mənbəni redaktə et]
Bayram Təbrizli-Marağalı 31 oktyabr 1944-cü ildə Ağcabədi rayonunda anadan olub. Ulu babası XVIII əsrin ortalarında Cənubi Azərbaycanın Tufarqan şəhərindən Qarabağa gəlmişdir. Bayram Təbrizli-Marağalının uşaqlığı Ağdam rayonunun Şelli kəndində keçmişdir. 1961-ci ildə Ağdam şəhər 2 saylı orta məktəbini bitirmiş və 1963-cü ildə Bakı Dövlət Universitetinin Şərqşünaslıq fakültəsinin "Ərəb filologiyası" bölməsinə daxil olmuşdur. 1963-cü ildən 1965-ci ilə qədər Belorusiyada hərbi xidmətdə olduğuna görə Bakı Dövlət Universitetini 1971-ci ildə bitirmişdir. Universitetdə oxuduğu illərdən Əbülfəz Elçibəy ilə dost olmuş və Milli Elmlər Akademiyasının Əlyazmalar İnstitutunda birlikdə çalışmışlar. Əbülfəz Elçibəyin məsləhəti ilə Nəsrəddin Tusinin "Şərh-əl-işarat" əsərinin "Məntiq" bölməsini tərcümə etmişdir. 1977-ci ildən Milli Elmlər Akademiyasının Əlyazmalar İnstitutunda işləyən şərqşünas alim Bayram Təbrizli-Marağalı hazırda Bakı şəhərində yaşayır və ədəbi fəaliyyətini davam etdirir.
Əsərləri[redaktə | mənbəni redaktə et]
- Oğuzlar. Bakı: Nurlar, 2004, 64 səh.
- Elçi Bəy. Bakı: Nurlar, 2005, 64 səh.
- Turan. Bakı: Nurlan, 2008, 40 səh.
Mənbə[redaktə | mənbəni redaktə et]
- "Yaşamım". Türküstan qəzeti. № 13(91). 20 aprel 2008-ci il.