Cəfər Cəfərov (dövlət xadimi)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Cəfər Cəfərov.
Cəfər Cəfərov
bayraq
Azərbaycan Kommunist Partiyası Ucar Rayon Komitəsinin birinci katibi
bayraq2
yanvar 1954 – 27 iyun 1957
1951 – 1952
bayraq
Naxçıvan MSSR Nazirlər Soveti sədrinin birinci müavini
bayraq2
1949 – 1951
Şəxsi məlumatlar
Doğum tarixi 2 iyul 1915(1915-07-02)
Doğum yeri
Vəfat tarixi 27 iyun 1957(1957-06-27) (41 yaşında)
Dəfn yeri
Partiya
Təhsili
  • ÜİK(b)P MK yanında Ali Partiya Məktəbi[d] (1946–1949)
Təltifləri "Şərəf nişanı" ordeni "Qafqazın müdafiəsinə görə" medalı "1941–1945-ci illər Böyük Vətən müharibəsində rəşadətli əməyə görə" medalı

Cəfər Hüseynqulu oğlu Cəfərov (2 iyul 1915, Təzəkənd, Naxçıvan qəzası – 27 iyun 1957) — Azərbaycan-sovet dövlət xadimi, Azərbaycan Kommunist Partiyası Ucar Rayon Komitəsinin birinci katibi (1954–1957), Naxçıvan MSSR Ali Soveti Rəyasət Heyətinin sədri (1951–1952), Naxçıvan MSSR Nazirlər Soveti sədrinin birinci müavini (1949–1951).

Həyatı[redaktə | mənbəni redaktə et]

Cəfər Hüseynqulu oğlu Cəfərov 2 iyul 1915-ci ildə (başqa mənbəyə əsasən 1913-cü ildə[1]) Naxçıvan qəzasının Təzəkənd kəndində anadan olmuşdur.[2]

Əmək fəaliyyətinə atası vəfat etdikdən sonra, 8 yaşında muzdur kimi başlamışdır. Doğulduğu kənddə kolxoz təşkil edilən zaman anası burada çalışmağa başlamış, beləliklə Cəfər Cəfərov kənd məktəbində təhsil ala bilmişdir.[3] O daha sonra kəndli-gənclər məktəbində oxumuş, 1928-ci ildə isə Azərbaycan Kənd Təsərrüfatı İnstitutu yanında fəhlə fakültəsini bitirmişdir.[4]

Cəfər Cəfərov 1928-ci ildən komsomol üzvü olmuş, 1931-ci ildə Naxçıvan Rayon Komsomol Komitəsinin Təşkilat-təlimat şöbəsinin müdiri vəzifəsinə irəli çəkilmişdir.[3] Ardınca o, Fəhlə-Kəndli Qırmızı Ordusunda hərbi xidmətdə olmuş, ordudan tərxis edildikdən sonra Naxçıvan Rayon Komsomol Komitəsinin birinci katibi, 1939-cu ildən Naxçıvan Rayon ZDS İcraiyyə Komitəsinin sədri, 1941–1943-cü illərdə Azərbaycan LKGİ Naxçıvan Vilayət Komitəsinin birinci katibi, 1943–1946-cı illərdə isə Azərbaycan LKGİ Mərkəzi Komitəsinin kadrlar üzrə katibi vəzifələrində çalışmışdır.[4]

Cəfər Cəfərov 1946-cı ildə ÜİK(b)P MK yanında Ali Partiya Məktəbində oxumağa göndərilmiş və 1949-cu ilin sentyabr ayında bu məktəbi bitirmişdir.[1] 1949–1951-ci illərdə Naxçıvan MSSR Nazirlər Soveti sədrinin birinci müavini, 1951-ci ildən Naxçıvan MSSR Ali Soveti Rəyasət Heyətinin sədri, 1952-ci ildən Bakı konyak kombinatının direktoru, 1953-cü ildən Azərbaycan Sovxozlar Trestinin müdir müavini vəzifələrində işləmişdir.[4] 1954-cü ilin yanvar ayından həyatının sonunadək Azərbaycan Kommunist Partiyası Ucar Rayon Komitəsinin birinci katibi olmuşdur.[1]

Cəfər Cəfərov IV çağırış Azərbaycan SSR Ali Sovetinin və III çağırış Naxçıvan MSSR Ali Sovetinin deputatı seçilmişdir.[4] "Şərəf nişanı" ordeni, "Qafqazın müdafiəsinə görə" və "1941–1945-ci illər Böyük Vətən müharibəsində rəşadətli əməyə görə" medalları ilə təltif edilmişdir.[1] Müharibə dövründə Naxçıvan MSSR komsomolçularının müharibədə fəal iştirakındakı xidmətlərinə görə, eləcə də müharibə fonduna toplanan yardıma görə Stalin tərəfindən qızıl qol saatı ilə mükafatlandırılmışdır.[4]

Cəfər Cəfərov 27 iyun 1957-ci ildə vəfat etmişdir. Fəxri Xiyabanda dəfn olunmuşdur.[2]

İstinadlar[redaktə | mənbəni redaktə et]

  1. ↑ 1 2 3 4 Ҹ. Һ. Ҹәфәров // Коммунист. № 151 (10487). 29 июн 1957-ҹи ил. С. 4.
  2. ↑ 1 2 Cəfərov Cəfər Hüseynqulu oğlu // Fəxri Xiyaban. Bakı: Heydər Əliyev Fondu. 2007. səh. 37.
  3. ↑ 1 2 Ҹәфәр Һүсейнгулу оғлу Ҹәфәров // Альбом плакатов-биографий депутатов Верховного Совета Азербайджанской ССР четвертого созыва. 6 марта 1955 года. Бакы. 1956. С. 13.
  4. ↑ 1 2 3 4 5 Cəfərov Cəfər Hüseynqulu oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 89.
Mənbə — "https://az.wikipedia.org/w/index.php?title=Cəfər_Cəfərov_(dövlət_xadimi)&oldid=7579196"