Ennio Flayano

Vikipediya, açıq ensiklopediya
Keçid et: naviqasiya, axtar
ENNİO FLAYANO
it. Ennio Flaiano
Ennio Flayano.jpg
Doğum tarixi 5 mart 1910(1910-03-05)
Doğum yeri Peskara, Flag of Italy.svg İtaliya
Vəfatı 20 noyabr 1972 (62 yaşında)
Vəfat yeri Roma, Flag of Italy.svg İtaliya
IMDb ID 0280919

Ennio Flayano (it. Ennio Flaiano) — İtaliya jurnalisti, yazıçı və ssenarist.

Həyatı[redaktə]

Ennio Flayano 5 mart 1910-cu ildə anadan olmuşdur. Əvvəl memar işləsə də, sonradan jurnalistliyə başlamış və “Cineillustrato”, “Oggi”, “Il Mondo”, “Il Corriere della Sera”, “L'europeo”, “L'espresso” kimi məşhur italyan mətbuatı ilə sıx əməkdaşlıq etmişdir. Onun ilk pyesi “La guerra spiegata ai poveri” 1946-cı ildə ərsəyə gəlmişdir.

“Öldürmək zamanıdır” romanına görə 1947-ci ildə “Streqa” mükafatına layiq görülmüşdür. Romandakı hadisələr 1935-1936-cı illər İtaliya-Efiopiya müharibəsində cərəyan edir. İtalyan zabiti təsadüfən efiopiyalı qadını öldürür və sonra buna görə cavab verməli olur.

Ennio Flayano bir çox filmlərin ssenari müəllifi olmuşdur. Tullio Pinelli ilə birlikdə rejissor Federiko Fellininin 10 filminin ssenarisini yazmışdır. Bu filmlərin sırasına “Varyete işıqları” (1950), “Ağ şeyx” (1952), “Ana uşaqları” (1953), “Yol” (1954), “Fırıldaqçılar” (1955), “Kabiriyanın gecələri” (1957), “Şirin həyat” (1960), “Bokaçço-70” (1962), “Səkkiz yarım” (1963), “Cülyetta və ruhlar” (1965) filmlərini aid etmək olar[1]. Ennio Flayano 3 dəfə “Oskar” mükafatına (1958, 1962, 1964) namizəd olmuşdur.

Ennio Flayano 20 noyabr 1972-ci ildə Romada 62 yaşında vəfat etmişdir.

Filmoqrafiya[redaktə]

  1. Yol (film, 1954) / La Strada
  2. Kabiriyanın gecələri (film, 1957) / Le notti di Cabiria
  3. Şirin həyat (film, 1960) / La Dolce Vita
  4. Səkkiz yarım (film, 1963) / 8 ½

İstinadlar[redaktə]

  1. Peter Bondanella, The Cinema of Federico Fellini, Princeton University Press, 1992, pages 337–340.