Ennio Morrikone

Vikipediya, açıq ensiklopediya
Keçid et: naviqasiya, axtar
Ennio Morrikone
Ennio Morricone Cannes 2007.jpg
Doğum tarixi: 10 noyabr 1928 (1928-11-10) (85 yaş)
Doğum yeri: Roma, Flag of Italy.svg İtaliya
http://www.enniomorricone.it

Ennio Morrikone (it. Ennio Morricone) — dünya şöhrətli İtaliyan bəstəkarı, aranjimançı və dirijor. Kino və televiziya verilişləri üçün bəstələdiyi çoxsaylı musiqilərlə məşhurlaşmışdır. "İtaliya Respublikasına xidmətinə görə" ordeninin böyük zabitidir. Kinematoqrafiyada görkəmli nailiyyətlərinə görə 2007-ci ilin "Oskar" mükafatının laureatı olmuşdur. Film üçün ən yaxşı musiqi "David di Donatello" İtaliya milli kinopremiyasının səkkizqat laureatı olmuşdur.Sercio Leon tərəfindən çəkilmiş "Bir neçə dollar çox" (1965), "Yaxşı, pis və qəddar" (1966), "Bir dəfə vəhşi qərbdə" (1968), "Mənim adım hec kimdir" (1973) filmlərinə yaratdığı musiqiyə görə Ennio bütün dünyada məhşurlaşdı.

Həyatı[redaktə]

Ennio Morrikone 10 noyabr 1928-ci ildə Romada, professional caz trubaçalan Mario Morrikone və evdar xanim Libera Ridolfinin ailəsində anadan olmuşdur. Ailədə 5 uşaqdan böyüyü o idi. Morrikone 9 yaşı olduqda, Romada Müqəddəs Çeçiliya konservatoriyasına daxil olmuşdur. Bu konservatoriyada o ümumilikdə 11 il təhsil almış və 3 diploma yiyələnmişdir - 1946-cı ildə truba sinfi üzrə,1952-ci ildə orkestr(fanfar) sinfi üzrə və 1953-cü ildə isə kompozisiya sinfi üzrə. Morrikonenin 16 yaşı olduqda, o, əvvəl atasının ifa etdiyi, Alberto Flamininin ansamblında ikinci turba yerini aldı. Ennio ansamblnan birlikdə pul qazanmaq üçün Romanın gecə klublarında və otellərində ifa edirdi. Bir il sonra Morrikone teatra düzəlir. Burada o, bir il musiqiçi kimi, daha sonra üç il bəstəkar kimi fəaliyyət göstərir. 1950-ci ildə o, radio üçün tanınmış bəstəkarların mahnılarını aranjiman etməyə başladı. Radio və kənsertlər üçün musiqi düzəlişləri ilə Morrikone 1960-cı ilə qədər məşğul olur, lakin 1960-cı ildə teleşoular üçün musiqi aranjiman etməyə başlayır.

Filmlərə musiqi yazmağa Morrikone 1961-ci ildən, yəni 33 yaşı olanda başlayır. Daha çox taninması keçmiş sinif yoldaşı, rejissor Sercio Leonun filmleri üzerinde işlerinden sonra başladı.Rejissor və bəstəkarın Leon - Morrikone iş birliyini çox vaxt Eyzenşteyn-Prokofyev, Xiçkok-Xerrmann, Miyadzaki-Dzyo Xisaisi və Fellini-Rota kimi tanınmış duetlərlə müqayisə edirlər. Sonralar Morrikone musiqisini Bernardo Bertoluççi, Pyer Paolo Pazolini, Dario Ardcento və bir çoxları öz filmleri üçün sifariş etməyi arzuladılar. 1964-cü ildən Morrikone "RSA" səsyazma kompaniyasında işlədi. Burada o Canni Morandi, Mario Lanza,Miranda Martino kimi məhşur musiqiçilər üçün yüzlərlə mahnı aranjiman etdi.

Avropada məhşurlaşan Morrikone hollivud kinematoqrafiyasına işə dəvət olundu. ABŞ-da Morrikone tanınmış rejissorlar Con Burmen, Volfqanq Petersen, Barri Levinson, Terrens Malik, Roman Polanski, Oliver Stoun, Brayan De Palma, Mayk Nikols, Con Karpenter və başqalarının filmlerinə musiqi yazdı.

Ailəsi[redaktə]

Ennio Morrikone ailəlidir dörd övladı var:

  • Andrea - dirijor, bəstəkar;
  • Marko - müəllif hüquqları cəmiyyətində işləyir;
  • Alessandro - cərrah;
  • Covanni - Universal kompaniyasında işləyir.

Filmoqrafiya[redaktə]

  1. Yeni kinoteatr "Paradiso" (film, 1988) / Nuovo Cinema Paradiso
  2. 1900-ün əfsanəsi (film, 1998) / La leggenda del pianista sull’oceano
  3. Malena (film, 2000) / Malèna
  4. Şərəfsiz əclaflar (film, 2009) / Inglourious Basterds

Mənbə[redaktə]

  • Федоров А. В. Волшебные мелодии Эннио Морриконе // Видео магазин. — 1996. — № 13. — С. 11, 26.
  • Шаблинская О. Композитор Эннио Морриконе: «Я дважды отказал Тарантино»

Xarici keçidlər[redaktə]