Fernan Magellan

Vikipediya, açıq ensiklopediya - ویکیپدیا ، آچیق انسایکلوپدیا

Fernan Magellan (port. Fernão de Magalhães, isp. Fernando (Hernando) de Magallanes; 1480 - 27 aprel 1521) — Portuqaliyalı dənizçı və səyyah.

Onun 1519-cu il sentyabrın 20-də 237 nəfər heyət üzvü olan 5 gəmi ilə Molukk adalarına başlatdığı səyahət sonradan Huan Sebastyan Elkanonun rəhbərliyində ilk dünya səyahətinə çevrilmiş və ekspedisiya 1522-ci il sentyabrın 8-də "Viktoriya" gəmisində İspaniyaya geri qayıtmışdı. Bir müddət sonra daha 17 heyət üzvü geri qayıda bilmişdi. Onlardan 12-si bir neçə həftə əvvəl Kabo-Verdedə portuqallar tərəfindən əsir alınanlar, qalan 5 dənizçi isə "Trinidad" gəmisinin heyətinə daxil olan və 1525-1527-ci illər arasında qayıdanlar idi.

Magellan 27 aprel 1521-ci ildə Molukk adalarına çatmasına qısa bir müddət qalmış Filippin arxipelağındakı Maktan adasında yerli əhalinin hücumu nəticəsində öldürülmüşdü.

Atlantik və Sakit okeanlar arasındakı dar boğaz, Süd Yolunun peyk-qalaktikaları (Magellan buludu), NASA-nın 1989-cu ildə Venera planetini tədqiq etmək üçün göndərdiyi kosmik aparat və Marşall adaları yaxınlığındakı sualtı yüksəkliklər Magellanın adını daşıyır.