Flepcek
| The Marvelous Misadventures of Flapjack | |
|---|---|
 | |
| Janr | fantaziya teleserialı[d] |
| Yaradıcı | Turop Van Orman |
| Studiya | Cartoon Network Studios |
| Ölkə |
 ABŞ |
| Dil | ingilis dili |
| Mövsümlərin sayı | 3 |
| Seriyaların sayı | 46 |
| Seriyanın müddəti | 11 dəqiqə |
| Telekanal | Cartoon Network |
| Nümayiş |
5 iyun 2008 – 31 avqust 2010 |
| IMDb | ID1178180 |
| Rəsmi saytı | |
Flepcek (ing. The Marvelous Misadventures of Flapjack) — Turop Van Ormanın "Cartoon Network" telekanalı üçün yaratdığı amerikan cizgi serialı. İlk dəfə 5 iyun 2008-ci ildə ABŞ-də efirə buraxılıb.[1] Serial Babbi adlı balina tərəfindən böyüdülən, Captain K'nuckles adlı qoca qəddar pirat ilə dostluq edən saf uşaq Flepcekin sərgüzəştlərindən bəhs edir. Üçlük serialın böyük hissəsini Stormalonq limanında keçirir, onlar eyni zamanda Konfet adasının (ing. Candy Island) axtarışında uğursuzluqlarla üzləşirlər.[2]
Uşaqikən Floridada yaşadığı dəniz macəraları ilə bağlı xəyallarını seriala daxil edən Van Orman, bu ideyanı ilk dəfə 2001-ci ildə "Cartoon Network"-a təqdim etmişdi. Üç mövsüm və 46 seriyadan sonra serial, 31 avqust 2010-cu ildə sona çatdı. "Flepcek" nümayiş olunduğu dövrlərdə iki "Praym-taym Emmi", iki "Enni mükafatı" və "Golden Reel Awards" nominasiyası əldə etmişdir.
Süjet[redaktə | mənbəni redaktə et]
Fon[redaktə | mənbəni redaktə et]
Personajların əksəriyyəti uydurma şəhər olan Stormalonq limanında yaşayır. Şəhər okeanın ortasında yerləşir. Daha varlı şəhər əhalisi bitki örtüyünün birləşdiyi hündür dayaqlarda, aşağı təbəqə isə şəhərin aşağı ətraflarında yaşayır. Stormalonqda həmçinin kanalizasiya sistemi və bir sıra tunellər mövcuddur. Sakinlərin əksəriyyəti bir növ dənizçilərdir, bundan əlavə dəniz quldurları daim başqa ölkələrdən buraya səfər edirlər. Stormalonqda müxtəlif (çox vaxt qeyri-adi) mağazalar, o cümlədən spirt əvəzinə konfetlər təqdim edən bar var (Konfet Çəlləyi). Şəhər olduqca distopikdir, burada cinayət və avaralıq baş alıb gedir, hüquq-mühafizə orqanlarının yeganə formaları Dok Hag və kiçik bir polis qüvvəsidir.
Məzmun[redaktə | mənbəni redaktə et]
Serial üç əsas personajın—Flepcek, Captain K'nuckles və Babbinin—ətrafında cərəyan edir. Flepcek Babbi adlı danışan balina tərəfindən böyüdülmüş gənc oğlandır. Flepcek və Babbi ikilisi Captain K'nuckles adlı piratı xilas edənə qədər dinc bir həyat sürürlər. K'nuckles Flepcekə tamamilə konfetdən yaradılmış Konfet adası adlı yerdən bəhs edir. Flepcek, Captain K'nuckles və Babbi üçlüyü, Konfet adasının axtarışında və "Macəraçı" tituluna sahib olmağa çalışarkən "bədbəxtliklərlə" üzləşirlər. Onlar vaxtlarının çoxunu bir çox qəribə personajların evinin yerləşdiyi Stormalonq limanında keçirir.
Personajlar[redaktə | mənbəni redaktə et]
Əsas[redaktə | mənbəni redaktə et]
- Flepcek (ing. Flapjack, Turop Van Orman səsləndirir) — danışan balina Babbi tərəfindən tapılıb böyüdülmüş, ağzının üstündə və altında iki dişi olan qəribə və günahsız bir uşaqdır. Flepcekin bioloji valideynləri heç vaxt görülməmiş və ya qeyd edilməmişdir, onların yoxluğu da izah edilməmişdir. Flepcek çox safdır və təhlükədən xəbərsizdir, o, asanlıqla təhlükəli vəziyyətlərə düşür. O, K'nuckles-la böyük hörmət bəsləyir və kapitana olan sevgisi bəzən vəsvəsə ilə sərhədlənir. O, hər dəfə həyəcanlananda "Macəra!" ifadəsini təkrarlayır. Onu serialın yaradıcısı Turop Van Orman səsləndirir. Final seriyanın sonunda Turopun oğlu Leif, Flepcek rolunu canladırır. Flepcekin orijinal səs aktyoru Pol Rubens olmalı idi, lakin Rubens heç bir səsyazma seansına gəlmədi, buna görə də Van Orman Flepceki səsləndirməyə qərar verdi.
- Captain K'nuckles (ing. Captain K'nuckles, Brayan Doyl Mürrey səsləndirir) — özünü dünyanın ən şöhrətli, ən böyük macəraçısı olduğunu iddia edən qoca irland kapitan. Hal-hazırda, o, keçmiş sərgüzəştləri haqqında dəhşətli nağıllar danışmağı, Flepceki səs-küylü dənizlərə aparmağı, yatmağı və ağcaqayın siropu içməyi sevir. Əslində, onun hekayələri ya tamamilə yalan, ya da Flepcekin inandığı qədər macəralı və ya təəccüblü deyil. O, tamamilə bacarıqsız bir macəraçı olmaya bilər, çünki o, Su pərisi Kraliçasının ürəyini oğurlamağı və "Wished Away" seriyasında onun mühafizəçilərindən uğurla qaçmağı bacarmışdı. O, şirin şeylər üçün əlindən gələni edir. Buna görə o, inanılmaz dərəcədə eqoistdir, öz rifahını və konfet almağı hər şeydən üstün tutur. Tez-tez eqoist, kobud və qəddar davranışlarına görə K'nuckles, Stormalonqda demək olar ki, hər kəsin düşmənçiliyini və hörmətsizliyini qazanmışdır, lakin yenə də digər quldurlar tərəfindən hörmətlə qarşılanır. Flepceki öz ehtiyacları üçün istifadə etmək vərdişi olsa da, əslində onu sevir və planları çox uzağa gedəndə tez-tez onu problemdən qurtarmağa çalışır. Başqaları Flepceki aldatmağa çalışdıqda tez-tez onu müdafiə edir. Bədəninin çox hissəsi taxtadan ibarətdir: qolları taxta, ayaqları mıx, ombası (özünün dediyi kimi "oturan əzələ") taxtadandır. O, həmçinin digər quldurlardan oğurladığı hissələrdən hazırlanımışdır. Süni bədəni olduğu üçün hərəkət edərkən mexaniki səslər çıxarır. K'nuckles sərgüzəştlərinin çoxunu Flepcdk ilə Konfet adasını axtararaq keçirir. Flepcek tez-tez çətinliyə düşəndə onu qorumalı olur.
- Babbi Babbi (ing. Bubby Bubby, Roz Rayan səsləndirir) — Flepcekin sadiq tək ögey anası olan antropomorfik balinadır. Babbi əsasən Flepcek və K'nuckles üçün ev və nəqliyyat vasitəsi kimi xidmət edir. O, tez-tez Flepcekin macəra arzusunu bəyənmir. "Oh Brother" seriyasında deyilənə görə, o, dənizdəki yosun yatağında Flepceki tapıb. Babbi və K'nuckles tez-tez bir-birlərinin hərəkətlərini, xüsusən də "macəra" ilə əlaqədar olaraq bəyənmirlər. O, K'nuckles-ı məsuliyyətsiz, tənbəl və Flepcekə pis örnək kimi görür. Bununla belə Babbi, daimi məsuliyyətsiz davranışı və qaydaları pozduğu üçün ikiüzlü kimi təsnif edilir. "100 Per Census" seriyasında Babbinin soyadının onun adı ilə eyni olduğu ortaya çıxır. Flepcek və K'nuckles onun ağzında yaşayır.
Başqaları[redaktə | mənbəni redaktə et]
- Nanə Larri (ing. Peppermint Larry, Ceff Bennett səsləndirir) — Stormalonqda macəraçıların "99 qəpik dükanı"ndan başqa konfet əldə edə biləcəyi yeganə yer olan "Konfet çəlləyi"nin sahibi və meneceridir (yalnız bir epizodda nümayiş olunan "Konfet görməmişi" istisna olmaqla). Nanə Larri ümumiyyətlə yaxşı insan kimi göstərilir, lakin o, bəzən tələsik və eqoist ola bilir. Nanə Larri tənha və antisosyaldır, buna görə də o, "Konfet arvad" adlı bir konfet qadın hazırlamışdır, onun həm də "Konfet" adlı himayəyə götürdüyü cazibədar olmayan qızı var. O, Konfet arvadını sanki əslmiş kimi sevir, digər Stormalonq sakinlərinin çoxu isə onunla zarafat edirlər. Serialın "Just One Kiss" seriyasına kimi onun həqiqətən "sağ" olub-olmadığı, yoxsa Larrinin ağlında bir aldanma olub-olmadığı qəsdən aydın deyildi. O, tez-tez ona konfet üzükləri alır, hər kəsə onun bahalı şeyləri sevdiyini söyləyir. Larri, Turşu adasında çıxılmaz vəziyyətdə qalanda, Konfet arvadından cavab almaq üçün onun içkisinə turşu əlavə etmişdi. Bu zaman "Turşu? Mən turşunu sevmirəm!" demişdi. O bir dəfə ölü siçovulları kukla kimi istifadə etdiyinə görə Doc-Hag tərəfindən işdən çıxarıldı və bundan sonra "Cənab Larri" kimi adlandırılmaq istədi. Larri K'nuckles-a qarşı bir az kin bəsləyir, buna səbəb həm K'nuckles-ın cibində heç bir pul olmasına baxmayaraq daim Flepceki Konfet çəlləyinə gətirməsi, həm də "Love Bugs" seriyasında K'nuckles-ın Konfet arvada aşiq olmasıdır.
İstinadlar[redaktə | mənbəni redaktə et]
- ↑ Zeus, Maxie. "CN Upfront 2008: "Misadventures of Flapjack" Coming This Summer". Toon Zone. 2008-04-04. 2008-04-09 tarixində arxivləşdirilib. İstifadə tarixi: 2008-04-05.
- ↑ Perlmutter, David. The Encyclopedia of American Animated Television Shows. Rowman & Littlefield. 2018. 378–379. ISBN 978-1538103739.