Fəzail İbrahimli

Fəzail İbrahimli
Azərbaycan Respublikasının Milli Məclisinin sədr müavini
Vəzifədədir
10 mart 2020-ci ildən
Sədr	Sahibə Qafarova
Əvvəlki	Bahar Muradova
Azərbaycan Respublikasının Milli Məclisinin III, IV, V və VI çağırış deputatı
Vəzifədədir
2006-cı ildən
Seçki dairəsi	2006 — 69 saylı Cəlilabad-Masallı-Biləsuvar 2010 — 69 saylı Cəlilabad-Masallı-Biləsuvar 2015 — 69 saylı Cəlilabad-Masallı-Biləsuvar 2020 — 69 saylı Cəlilabad-Masallı-Biləsuvar
Əvvəlki	Vəzifə təsis edildi.
Vətəndaş Həmrəyliyi Partiyası sədrinin (ideoloji məsələlər üzrə) birinci müavini
Vəzifədədir
14 fevral 2021-ci ildən
Sədr	Sabir Rüstəmxanlı
Əvvəlki	Vəzifə təsis edildi.
Vətəndaş Həmrəyliyi Partiyası sədrinin ideoloji məsələlər üzrə müavini
1992 – 14 fevral 2021
Sədr	Sabir Rüstəmxanlı
Sonrakı	Vəzifə ləğv edildi.
Azərbaycan Respublikasının Milli Məclisinin II çağırış deputatı
2000 – 2005
Seçki dairəsi	2000 — Proporsional
Əvvəlki	Vəzifə təsis edildi.
Sonrakı	Vəzifə ləğv edildi.
Şəxsi məlumatlar
Doğum tarixi	12 aprel 1951(1951-04-12) (72 yaş)
Doğum yeri	Çanaxbulaq, Yardımlı rayonu, Azərbaycan SSR, SSRİ
Partiya	Vətəndaş Həmrəyliyi Partiyası (1992–)
Təhsili	Azərbaycan Dövlət Pedaqoji Universiteti
Fəaliyyəti	siyasətçi
Təltifləri

Fəzail Feyruz oğlu İbrahimli (12 aprel 1951, Çanaxbulaq, Yardımlı rayonu) — Azərbaycan Milli Məclisinin deputatı və sədr müavini, Vətəndaş Həmrəyliyi Partiyasının sədr müavini (1992), professor.

Həyatı

Fəzail Feyruz oğlu İbrahimli 12 aprel 1951-ci ildə Yardımlı rayonunun Çanaqbulaq kəndində anadan olub. Orta təhsilini başa vurduqdan sonra 1969-1973-cü illərdə Azərbaycan Pedaqoji Universitetinin tarix fakültəsində ali təhsil alıb. Ardınca, təyinatla Yardımlıya göndərilmiş, 1973–1977-ci illərdə rayonun Çanaqbulaq kənd məktəbində müəllim işləmişdir.

1977–1979-cu illərdə hərbi xidmətdə olub.

1979–1982-ci illərdə Bakı Dövlət Universitetinin əyani şöbəsində aspirant, 1982-ci ildən Bakı Dövlət Universitetinin Kommunist partiyası tarixi kafedrasında müəllim, baş müəllim, dosent vəzifələrində çalışıb. Hazırda Azərbaycan Tarixi kafedrasının professorudur. 1986-cı ildə namizədlik, 1998-ci ildə doktorluq dissertasiyasını müdafiə edib. Bir monoqrafiya, bir kitabın, bir dərslik və 60-a qədər elmi əsərin müəllifidir.

Siyasi fəaliyyəti

1992-ci ildən Vətəndaş Həmrəyliyi Partiyasının üzvüdür. 2000, 2006 (təkrar), 2010, 2015 və 2020-ci illərdə keçirilən parlamant seçkilərində Vətəndaş Həmrəyliyi Partiyasından Milli Məclisə deputat seçilib və 2006-cı ildən Avropa Şurası Parlament Assambleyasındakı Azərbaycan nümayəndə heyətinin üzvü olub.

2020-ci ildən Azərbaycan Respublikası Milli Məclisinin sədr müavini və parlamentin İctimai birliklər və dini qurumlar komitəsinin sədridir. Hazırda VHP Siyasi Şurasının üzvü və partiya sədrinin birinci (İdeoloji məsələlər) üzrə müavinidir.

Şəxsi həyatı

Ailəlidir, üç övladı var.

2024-cü ildə Azərbaycanda prezident seçkiləri zamanı İlham Əliyevi dəstəklədiyini açıqlamışdır.

Mükafatları

• 12 aprel 2021-ci ildə Azərbaycan Respublikasının Prezidenti İlham Əliyev tərəfindən Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif edilib