Grand Theft Auto: San Andreas

Vikipediya, açıq ensiklopediya
Keçid et: naviqasiya, axtar
Grand Theft Auto: San Andreas

GTASanAndreas.jpg

Oyun haqqında
Hazırlayan(lar) Rockstar North
Nəşr edən(lər) Rockstar Games
Distribüter(lər) Take-Two Interactive
Ssenarist(lər) Dan Houser

James Worrall
DJ Pooh

Seriya Grand Theft Auto
Platforma(lar) PlayStation 2, Windows, Xbox, Mac OS X, Xbox 360 (XBLM), PlayStation 3 (PSN), iOS, Android, Amazon Kindle, Windows Phone
Mühərrik RenderWare
Versiya San Andreas
Janr(lar) Açıq-dünya aksion-macəra oyunu
Oyun rejim(lər)i Tək oyunçulu, Çox oyunçulu
Yaş
reytinq(lər)i
ESRB: M
PEGI: 16+
BBFC: 15
OFLC: MA15+
Texniki Məlumatlar
Daşıyıcı(lar) DVD
Sistem
tələbləri
2.4 GHz CPU, İntel Pentium 4, 256 Mb ram, DirectX 9.0
İdarəetmə Gamepad, Klaviatura və Mouse
Vebsaytı


Grand Theft Auto: San AndreasRockstar North tərəfindən hazırlanan, Rockstar Games tərəfindən paylanan Grand Theft Auto seriyasının bir hissəsidir. Oyunun 2002-ci ildə GTA 3-ün PC versiyası üçün bazara çıxarıldıqdan bir neçə gün sonra PlayStation 2, PCXbox versiyaları üçün bazara çıxarılacağı bildirildi. Oyun PlayStation 2 konsolu üçün 25 Oktyabr 2004-cü ildə Şimali Amerikada, 28 Oktyabr 2004-cü ildə Avropada və 2 dekabr 2004-cü ildə Avstraliyada satışa çıxarılmışdır. Oyunun çıxış tarixi Yaponiyada 9 Noyabr 2006 qərarlaşdırılmışdır. Oyunun Xbox versiyası Şimali Amerikada 25 Oktyabr 2004-cü ildə, Avropada isə 29 Oktyabr 2004-cü ildə satışa çıxarılmışdır. Windows versiyası isə Şimali Amerikada 7 İyun 2005-ci il, Avropada isə 10 iyun 2005-ci ildə satışa təqdim edilmişdir. Grand Theft Auto: San Andreas Spike TV Video Oyunlar Mükafatlarında ən yaxşı aksion-macəra, ən yaxşı xarakter performansı və ən yaxşı soundtrack adı ilə 2004-cü ilin ən yaxşı oyunu seçildi.

Gameplay[redaktə]

Oyunun əsas xarakteri və baş qəhrəmanı ""Carl Johnson""-dur (qısaca olaraq - "CJ"). Oyun Carl Johnsonun 1987-ci ildə Liberty City-dən Los Santos-a qayıtması ilə başlamışdır. Hadisələr 1992-ci ildə cərəyan edir. Grove Street-dəki ailələrinin dağıldığını öyrənən CJ, əsaslı dönüşə qərar verir. CJ-in dönməsiylə birlikdə San Andreas əyalətində böyük dəyişikliklər başlayır. Grove Street ailələrinə xəyanət edən Ryder, Big Smoke kimi xarakterlər də CJ tərəfindən öldürülür. Oyunun ən böyük fərqlərindən biri obrazı inkişaf etdirmə funksiyasıdır. Müəyyən qabiliyyətləri inkişaf etdirmək, xarici görünüşünü dəyişdirmək və s. bir çox funksiyalar mövcuddur. İdman edərək əzələ yığa, saç düzümünü dəyişə, döymə vura bilərsiniz. Los Santos-da, az pul və aşağı xüsusiyyətlərlə başladığımız oyunda, zaman irəlilədikcə yeni dükanlar açaraq yeni paltarlar, yeni şəhərlər açaraq yeni yan vəzifələr əldə edə bilərik. Məsələn San Fierro şəhərini açdığımız zaman "Valet" vəzifələrini də açırıq. Bu zaman oyundakı avtomobil növü artırılmış olur. Las Venturas əls qumarxana mərkəzidir. Burda az qala hər kəs zəngindir. Bu oyun 1992-ci il Los Angeles hadisələrindan əsas almışdır.

Şəhərlər[redaktə]

Oyunda üç əsas şəhər Los Santos, San Fierro və Las Venturas mövcuddur. Ərazisinin böyüklüyünə görə şəhərlər arasından ən böyük olanı Los Santos, ikinci Las Venturas, ən kiçik olanı isə San Fierro. Hər bir şəhərin özünəməxsus xüsusiyyəti vardır. Bütün bu hadisələr uydurma San Andreas ölkəsində cərəyan edir. Bu oyun GTA seriyalarında ərazisinin böyüklüyünə görə 2-ci yeri tutur. Burada dağlar, düzənliklər, çaylar, səhralar və dəniz mövcuddur. Həmçinin oyunda 3-ü böyük və 1-i kiçik olmaqla 4 aeroport var.

Los Santos[redaktə]

Oyunda Los Santos əsas götürülmüşdür! Bu şəhərin adı Los Angeles şəhərinin adından götürülmüşdür. Oyun Los Santos şəhərində başlayır. Los Santos şəhərinin müxtəlif bölgələri var. Bu şəhərdə cinayət nisbəti olduqca yüksəkdir. Burada əsas yer Grove Street adlı küçə götürülmüşdür. Bu şəhərdə çoxlu mağazalar, paltar dükanları, idman zalı, silah mağazaları, avto servis və s. mövcuddur. Üç şəhərin arasında müxtəlif bölgələri, hündür binaları, mənzərəli yerləri ilə seçilən ən yaxşı şəhərdir.

San Fierro[redaktə]

Bu şəhərin adı San Francisco şəhərindən götürülmüşdür. Oyunda The Truth adlı xarakter əsas xarakterə şəhəri "Hippie şəhəri" olaraq təsvir etmişdir. Ayrıca əsas xarakterin ən yaxın dostlarından olan Triad mafiyası da bu şəhərdədir. Bu şəhərdə də Los Santosda olduğu kimi bir çox bölgələr və mağazalar vardır.

Las Venturas[redaktə]

Nəhayət, San Andreasda üçüncü şəhər olan Las Venturas. Bu şəhərdə digər şəhərlərdən fəqli olaraq bir çox maraql yerlər vardır. Hansı ki, bu yerlər o biri şəhərlərdə yoxdur. Məsələn, Restricted Area (Qanunsuz Region) adlanan yer var. Burada hərbi baza yerləşir. Bu əraziyə daxil olmaq qadağandır. Həmçinin bu ərazinin üstü ilə uçmaq da olmaz. Digər şəhərlərdə olmayan daha bir şey də var ki, o da səhranın olmasıdır. Bu şəhərin bir hissəsi səhralıqdan ibarətdir.

Səslər və Musiqilər[redaktə]

Oyunda 1992-ci ildə məşhur olan bütün növ radiolar mövcuddur. Oyunda mahnısı səslənən məşhur adlar arasında Rage Against the Machine, Dr.Dre, Snoop Dogg, Tupac Shakur, Ice T, Guns N 'Roses, David Bowie, KISS , Lynyrd Skynyrd və NWA vardır. Oyundakı radiolar belə adlandırılır:

  1. WCTR (Sohbet kanalı)
  2. Master Sounds 98.3 (Rare groove)
  3. K-Jah West (Reggae)
  4. CSR (Soul)
  5. K-DST (Klassik Rock)
  6. Radio X (Alternative Metal, Hard Rock)
  7. Radio Los Santos (West Coast HipHop)
  8. Playback FM (Klassik HipHop)
  9. K-Rose (Country)
  10. Bounce FM (Funk)
  11. SF-UR (House)

Bu radiolar əvvəlki seriyalardan fərqli olaraq həqiqətən xəbər verə bilirlər. Məsələn, bir radioda yağış yağacağını xəbər verdikdən sonra həqiqətən də yağış yağdığına şahid oluruq. Oyunda çox məşhur oyunçuların səsləndirmələri mövcuddur. Məsələn, Axl Rose, Samuel L. Jackson, Chris Penn, James WoodsPeter Fonda və s.

Xarici keçidlər[redaktə]