Henri Ford
 |
Bu məqaləni vikiləşdirmək lazımdır |
| HENRİ FORD | |
 Henri Ford 1919-cu ildə |
|
| Doğum tarixi: | 30 iyul 1863-cü il |
|---|---|
| Doğum yeri: | Miçiqan, ABŞ |
| Vəfatı: | 7 aprel 1947-ci il (83 yaşında) |
| Vəfat yeri: | Miçiqan, ABŞ |
Henri Ford — avtomobil istehsalçısı, "Ford Motor Company" şirkətinin qurucusu.
Həyatı [redaktə]
Henri Ford 30 iyul 1863-cü ildə ABŞ-ın Miçiqan ştatının Vayn-Kantri şəhərinin Sprinqfild qəsəbəsində dünyaya gəlmişdir. O, müvəfəqiyyətli fermer təsərrüfatının sahibkarları olan Uilyam və Meri Fordların altı uşağının böyüyü idi. Henrinin uşaqlığı ailəsinə kömək etdiyi və adi kənd məktəbində təhsil aldığı həmin ailə fermasında keçmişdir.
Henrinin hələ gənc yaşlarında göstərdiyi texnikaya böyük maraq ona dünyanın ən məşhur sənaye sahibkarlarından biri olmağa imkan vermişdir.İlk daxili yanma mühərrikini Ford öz evinin mətbəxində hazırlamışdı. Tezliklə o, həmin mühərriki 4 velosiped təkərli ramaya qoymaq qərarına gəlir. Beləliklə, 1896-cı ildə kvadrodövriyyə ilk Ford avtomobilinə çevrilən nəqliyyat vasitəsi meydana gəlir.
1899-cu ildə Edison İlluminating şirkətindən kənarlaşan Henri Ford öz şəxsi Detroit Automobile şirkətini qurur. Bir ildən sonra müəssisənin iflasa uğramasına baxmayaraq, Ford bir neçə yarış avtomobili yığmağa müvəffəq olmuşdu. Ford özü həmin yarışlarda iştirak edirdi və nəhayət 1901-ci ilin oktyabrında Amerika çempionu Aleksandr Uintona qalib gəlməyi bacardı.
Ford Motor şirkəti 1903-cü ildə yaranmışdır. Şirkət müəssisənin 25,5% səhmlərinin sahibi və vitse-prezident və şirkətin baş mühəndisi vəzifəsində Henri Ford başda olmaqla, Miçiqan ştatından 12 nəfər biznesmen tərəfindən təsis edilmişdir. Avtomobil zavodu adı altında Detroyt ştatı Mek Avenyuda keçmiş furqon fabriki yenidən təchiz edilmişdi. Fordun bir-başa rəhbərliyi altında iki-üç işçidən ibarət briqadalar digər müəssisələrin sifarişi əsasında hazırlanan ehtiyat hissələrindən avtomobil hazırladılar. Şirkətin ilk avtomobili 23 iyul 1903-cü ildə satılmışdı. 1906-cı ildə Henri Ford şirkətin prezidenti və əsas sahibkarına çevrildi.
1919-cu ildə Henri Ford və onun oğlu Edsel müəssisənin səhmlərini digər səhmdarlardan 105,568,858 ABŞ dollarına alaraq, şirkətin vahid sahibkarlarına çevrildilər. Elə həmin ildə də Edsel atasının 1943-cü ilədək öz ölümünə qədər şirkətin prezidenti postuna varis oldu. Oğlunun qəfil ölümündən sonra Henri Ford yenidən şirkətin başına keçməli oldu.
1945-ci ilin sentyabrında Henri Ford səlahiyyətlərini böyük nəvəsi II Henri Ford verdi. 1946-cı ilin mayında böyük Henri Ford avtosənayedə göstərdiyi xidmətlərinə görə fəxri mükafata layiq görülmüşdü. Həmin ilin sonunda isə Amerika Neft İnstitutu cəmiyyət qarşısında xidmətlərinə görə qızıl medal ilə təltif edilmişdi.
Henri Ford 7 aprel 1947-ci ildə Dibronda öz evində 83 yaşında vəfat etmişdir.
