Jan-Klod Van Damm

Vikipediya, açıq ensiklopediya
Keçid et: naviqasiya, axtar
Jan-Klod Van Damm
ing. Jean-Claude van Damme
Van Damme Cannes 2010.jpg
İlk adı: Jan Klod Kamil Fransua Van Varenberq
Doğum tarixi: 18 oktyabr 1960(1960-10-18)
Doğum yeri: Flag of Belgium (civil).svg Belçika, Berkem-Sent-Aqat
Atası: Oygen Van Varenberq
Anası: Eliana Van Varenberq
Həyat yoldaşları: Mariya Rodriges (boşanıb)
Sintiya Derdian (boşanıb)
Qladis Portiqes
Derci La Piyer (boşanıb)
Uşaqları: Kristofer Van Varenberq
Byanka Van Varenberq
Nikolas Van Varenberq
Vətəndaşlıq: Flag of Belgium (civil).svg Belçika
Flag of the United States.svg ABŞ
Peşəsi: aktyor
IMDb: ID 0000241
http://www.jeanclaudevandamme.be/

Jan-Klod Van Damm (ing. Jean-Claude van Damme, 18 oktyabr, 1960, Brüssel) məşhur Belçika kikboksçusu, aktyoru, ssenaristi, prodüseri və montajçısıdır.

Həyatı[redaktə]

Jan Klod Van Damm 18 oktyabr 1960-cı ildə Belçikanən paytaxtı Brüsseldə holland (flamand) əsilli ailədə anadan olmuşdur.Onun atası buxalter və gül dükanının sahibi idi. 12 yaşından başlayaraq karateyə gedir. 16 yaşında Avropa çempionu olaraq Qara kəmər qazanır. 1976-cı illərdən başlayaraq turnirlərdə iştirak edir. 22 turnirdə iştirak edir. Yalnız 4 turnirdə məğlub olur. Patrik Teugelsə (belçikalı idmançı) 2 dəfə uduzmuşdur. Van Damm onu 1980-cı ildə 1-ci raundda texniki nokaut nəticəsində məğlub edərək çempion olur. Jan Klod 1978-1979-cu illərdə Professional Avropa Karate Federasiyasının orta çəki üzrə çempionu olmuşdur. 1996-ci ild 3-cü arvadı Derci La Piyer ilə boşandıqdan sonra kokaindən (narkotikin bir növü) əziyyət çəkmişdir. Hətta özünü də öldürmək istəyirdi. 1996-1997-cı illər ərzində müalicə olunduqdan sonra narkotiki birdəfəlik tərgitmişdir.

Film karyerası[redaktə]

Jan-Klod Van Damm (2007)

Döyüş filmlərinin məşhur aktyoru Jan-Klod Van Damma 1981-ci ildə ailəsinin maddi və mənəvi dəstəyini əsirgəməsinə baxmayaraq Los Ancelesə gəldi. Formasını qorumaq və idmanlarını axsatmamaq adına razılaşdığı bir idman salonunun ödənişsiz təmizliyini və işlətməsini edirdi. O sıralarda qısa davamlı taksi şoferliyi, gecə klublarında cangüdənlik, pizzaçılıq kimi gündəlik işlər etdi. 1983-cü ildə Fransız istehsalı olan "Rue Barbara" adlı filmdə polis rolunu canlandırdı. 1984-cü ildə "Sınmaq" adlı filmində rol aldı. Eyni il "Əbədi Monako" adlı parodiya filmində 5 dəqiqəlik qısa roluyla homoseksual bir karateçini canlandırdı. Bu filmdən sonra uğur qazanmaq üçün Honqkonqa getdi, ancaq istədiyi müvəffəqiyyəti əldə edə bilməyincə şansını Hollivudda sınağa qərar verdi. Məşhur döyüş ulduzlarından kiçik rollar ifa etmək üçün kömək istədi. Tək verilən şans Arnold Şvartseneggerin baş rolda çəkildiyi "Yırtıcı" filmindəki "Yırtıcı" personajının kostyumunu geymək oldu. Sınaq çəkilişlərində Jan-Klod Van Damma ilə prodüser arasında problem çıxan zaman onun rolu ləğv olir. Van Damm bəzi fitness və Uzaq Şərq idmanları jurnallarına əzələlərini nümayiş etdirirdi. Aktyorun söylədiyinə görə İngiliscə öyrənmək üçün "Flinstoun" cizgi filmini izləyirdi. 1986-cı ildə "Nə geri çəkil, nə də təslim ol " filmində rol aldı. Bu filmdə onun rolu qısa idi və mənfi obraz kimi canlandırılmışdır. Lakin bu filmi bir çox rejissorların diqqətini cəlb edə bilir. 1988-ci ildə az büdcəli çəkilən "Qara Qartal" filmində rol aır. Bu film isə ona populyarlıq gətirmir.

Bir gün Cannon Film film istehsal edən kompaniya sahiblərindən Menahem Qolanın ofisini axtarıb görüş istəyir. Dəfələrlə görüş götürüb sovuşdurulan aktyor Menahem Qolanı çöldə görməyə çalışar. Bir gün də restoranda günorta yeməyindən sonra çıxarkən Jan-Klod onun önünü kəsər və başının üzərinə bir təpik vurur. Menahem Qolan bu maraqlı və təsiredici tanışlıqdan sonra Van Dammı döyüş ulduzu edəcək rolu "Qanlı idman" filminə dəvət edir. Filmin qısa müddətdə bütün dünya ölkələrində kassa gəlirlərinin müvəffəqiyyətindən sonra Van Damm macəra filmlərinin ən çox axtarılan ulduzlardan biri oldu. 1989-cu ildə "Kiborq" adlı filmdə rol alır. Filmin bir səhnəsində gözünə gələn plastik bıçaq nəticəsində kor olan aktyora 485 min dollar təzminat ödəmək məcburiyyətində qalan Van Damm, mövzu haqqında çox kədərli olduğunu hər fürsətdə dilə gətirirdi. "Cannon Film" şirkətiylə 3 filmlik bir razılaşmağa imza atmış aktyor, bu müqavilənin son filmi olan "Kikboksçu" filminin ssenariyasını bəyənməsə də, filmdə iştirak etmək məcburiyyətində qalmışdı. Lakin bu film onu daha da populyarlaşdırır. "Cannon Film" şirkəti qızıl çağını yaşamasına baxmayaraq keyfiyyətini gündən-günə salan az büdcəli B filmlərinə imza atmağa başlamışdı və bu rolların bir çoxunu Jan-Kloda təklif etmişdilər. Ancaq aktyor ssenariyaların və rolların əvvəlkilərə nisbətdə əhəmiyyətsiz və mənasız olduğunu, ifadə edərək "Cannon Film" şirkəti ilə əlaqəsini kəsir.

"Universal Studios" şirkəti ilə etdiyi 6 filmlik razılaşma ilə daha xüsusiyyətli və daha çox büdcəli proyektlərdən əhəmiyyətli pullar qazanmağa başladı. Daha sonra Şir ürəkli, "Ölümcül order", "İkiqat zərbə", Universal əsgər kimi döyüş filmlərində karyerasının qızıl çağını davam etdirirdi. 1990-cı illərin sonları və 2000-ci illərin əvvəllərində çəkilən filmləri elədə böyük uğur qazana bilməmişdir. Çünki bu müddətdə narkotikdən asılı olmuş və uzun müddət bu xəstəliyi mübarizə edirdi. Van Damm 1996-1997-ci illər ərzində tam müalicə olunmuş bir sıra filmləri əvvəlki populyarlığını geri qaytarmağa çalışmışdı. 2012-ci ildə rol aldığı "Qabağıalınmazlar" filmi ilə əvvəlki itirmiş populyarlığını aradan qaldırmışdı.

Şəxsi həyatı[redaktə]

Jan Klod Van Dammın 4 arvadı olub: Mariya Rodriges (venesuelalıdır, Van Damm 1981-ci ildə Amerikaya gedən zaman boşanmışlar), Sintiya Derdian (1985-ci ildə evləniblər; 1986-cı ildə isə boşanmışlar) , Qladis Portiqes (modeldir, 1986-cı ildə evləndilər ; 1992-ci ildə boşanmışlar; 1999-cu ildə isə yenidən ailə həyatı qurmuşlar ) və Derci La Piyer (modeldir , 1994-cü ildə evləniblər; 1996-cı ildə isə boşanmışlar). Jan-Klod Van Dammın üç övladı (2 oğul və 1 qız) var: Qladis Portiqesdən Kristofer (oğlu) və Bianka (qızı), Derci La Piyerdən isə Nikolas adlı bir oğlu var.

Mükafatları[redaktə]

"MTV Movie Awards" kinomükafatında kateqoriyaya görə "The most desirable man" (azərb. Ən arzu olunan kişi) mükafatına 3 dəfə (1992, 19931994) layiq görülmüşdür. 2010-cu ildə "The Grand World Prize" (azərb. Böyük Dünya Mükafatı) mükafatı və "Golden Talents Of The Planet" (azərb. Planetin Qızıl İstedadları) mükafatının qızıl ordeninə layiq görülmüşdür.

Filmoqrafiya[redaktə]

İl Film Orijinal adı Rol Qeydlər
1984 Barbar küçəsi Rue Barbare
1984 Breyk-dans: Film Breakin'
1984 Əbədi Monako Monaco Forever
1984 İtkin düşmüşlər Missing in Action
1986 Nə geri çəkil, nə də təslim ol No Retreat , No Surrender İvan İlk seçilən rolu
1988 Qara qartal Black Eagle
1988 Qanlı idman Bloodsport Frenk Dyuk
1989 Kikboksçu Kickboxer
1989 Kiborq Cyborg
1990 Ölümcül order Death Warrant
1990 Şir ürəkli Lionheart Lion Filmin digər adı: A.W.O.L. – absent without leave (Böyük Britaniya versiyası)
1991 İkiqat zərbə Double İmpact
1992 Universal əsgər Universal Soldier Lyuk
1993 Çətin hədəf Hard Target
1993 Heç bir yerdə qaçmaq Nowhere To Run
1994 Küçə döyüşçüsü Street Fighter Gil
1994 Kikboksçu Kickboxer 4
1994 Zaman polisi Time Cop
1995 Qəfil ölüm Sudden Death
1996 Maksimal risk Maximum Risk
1996 Axtarış The Quest
1997 İkiqat komanda Doeble Team
1998 Legioner Legionnaire
1999 Axırıncı vuruşma Last to fight
1999 Səhranın hərarəti Desert Heat
1999 Universal əsgər 2: Qayıdış Universal Soldier 2: The Retume Lyuk
2001 Qayda The Order
2001 Replikant Replikant
2002 Aşağı buraxılan Derailed
2003 Cəhənnəmdə In Hell
2004 Ölümün izi Wake Of Death
2004 Narko Narco
2006 Möhkəm müdafiə Hard Corps
2006 Komandirin müavini Second in Command
2006 İmtahan The Examen
2007 Ölümə kimi Until Death
2008 JVCD JVCD
2009 Universal əsgər 3 : Regenerasiya Universal Soldier 3 : Regeneration Lyuk
2009 Əjdaha gözləri Dragon Eyes
2011 Kunq-fu Panda 2 Kung Fu Panda 2
2011 Universal əsgər 4 : Yeni Universal Soldier 4 : A New Lyuk
2012 Əjdaha gözləri 2 Dragon Eyes 2
2012 Qabağıalınmazlar 2 The Expendables 2

Xarici istinadlar[redaktə]