Kandaçime
Kandaçime (寒立馬?) – Yaponiyanın Aomori prefekturasının Şiriya burnunda yaşayan yarıvəhşi at cinsi. Bu atlar 18 noyabr 2001-ci ildə Aomori prefekturası tərəfindən təbiət xəzinəsi elan olunmuşdur.[1][2]
Mənşəyi[redaktə | mənbəni redaktə et]
Kandaçime atlarının əcdadı hazırda mövcud olmayan Nanbu adlı at cinsidir.[3] XIX–XX əsrlərdə şimalda yaşayan müxtəlif yerli at cinslərinin anqlo-ərəb, ərəb, Hakne, Brabanson və Breton kimi xarici at cinsləri ilə cütləşdirilməsi nəticəsində bu at cinsi yaranmışdır.[4] "Kandaçime" sözü 1970-ci ildə Tsutomu İvasa adlı şəxs tərəfindən ortaya atılmışdır. Yapon dilində "kantaçi" (寒立ち?) sözü "qışa dözümlü" deməkdir.[2]
Xüsusiyyətlər[redaktə | mənbəni redaktə et]
Kandaçime atları Yaponiyanın şimalında yerləşən və qışı sərt keçən Hiqaşidori kəndində yaşadıqları üçün soyuq iqlimə uyğun adaptasiyalara malikdirlər. Ayaqları qısa, bədənləri iri, xəzləri qalındır. Aprel–noyabr aylarında Şiriya burnunda otlayırlar.[1] Qış mövsümünü keçirmək üçün isə meşələrlə əhatə olunmuş Akata otlağına gedirlər.[3]
2024-cü ilin məlumatına əsasən Kandaçime atlarının populyasiyası 14-dür. Bu at cinsi insanlara öyrəşmiş at cinsi olsa da, yerli hökumət atlara arxada yaxınlaşmamaq və onlara yemək verməmək barədə xəbərdarlıq edir.[3]
Qalereya[redaktə | mənbəni redaktə et]
-
Şiriyazaki mayakı və kandaçime atları. -
Ataka otlağında. -
Dəniz sahilində. -
Ataka otlağında. -
Kandaçime dayçası. -
-
İstinadlar[redaktə | mənbəni redaktə et]
- ↑ 1 2 "Cape Shiriyazaki Kandachime Horses". Japan Travel (ingiliscə). 2024-02-24 tarixində arxivləşdirilib. İstifadə tarixi: 24 fevral 2024.
- ↑ 1 2 "寒立馬とその生息地". Aomori prefekturası (yaponca). Archived from the original on 2020-08-01. İstifadə tarixi: 24 fevral 2024.
- ↑ 1 2 3 "'Kandachime' horses endure blizzard conditions in north Japan's Aomori Pref". The Mainichi (ingilis). 22 yanvar 2024. 2024-02-24 tarixində arxivləşdirilib. İstifadə tarixi: 24 fevral 2024.
- ↑ Mason's World Encyclopedia of Livestock Breeds and Breeding (ingiliscə). 2. 2016. səh. 478. ISBN 9781845934668. 2024-02-24 tarixində arxivləşdirilib. İstifadə tarixi: 24 fevral 2024.