Kira Naytli

Vikipediya, açıq ensiklopediya
Keçid et: naviqasiya, axtar
KİRA NAYTLİ
ing. Keira Knightley
Keira Knightley 2005.jpg
Kira Naytli 2005-ci ildə
Doğum tarixi: 26 mart 1985 (1985-03-26) (29 yaş)
Doğum yeri: London, Flag of the United Kingdom.svg Böyük Britaniya
Atası: Uill Naytli
Anası: Şerman Makdonald
Peşəsi: aktrisa
Karyera: 1993-bu günə qədər
IMDb: ID 0461136

Kira Naytli (ing. Keira Knightley) — məşhur İngiltərə aktrisası.

Həyatı[redaktə]

Kira Naytli 1985-ci il mart ayının 26-da İngiltərənin Teddinqton şəhərində sənətçi ailəsində anadan olub. Onun anadan olması qəribə mərc əsasında baş verir. Belə ki, onun valideynləri - anası aktrisa Şerman Makdonald və atası aktyor Uill Naytli öz aralarında mərc qoşurlar. Şerman karyerasını yarımçıq qoyub, dramaturgiya ilə maraqlanır. Əgər o, özünün birinci əsərini təqdim etsə, onda ailədə ikinci uşaq anadan ola bilər. Şerman Makdonald mərcdə qalib gəlir və gələcək aktrisa Keira Knightley anadan olur. Kiranın özündən böyük Kaleb adlı bir qardaşı var. O, uşaqlıqdan aktrisa olacağına əmin idi. Bəlkə də artist ailəsində dünyaya göz açması onun bu arzusunu reallaşdırmağına kömək edir. Hələ üç yaşında olarkən valideynlərində olduğu kimi, onun da şəxsi agenti olmasını istəyir. Valideynləri dərslərini yaxşı oxuduğu zaman Kira Naytli üçün agent tutacaqlarına söz verirlər. Balaca Keira tərs, inadkar və istədiyinə nail olan uşaq olduğu üçün, dərslərini yaxşı oxuyur. Baxmayaraq ki, sözləri oxumaqda çətinlik çəkilən xəstəlikdən-disleksiyadan əziyyət çəkirdi. Lakin, Keira bütün səyi ilə çalışır. Məktəbdə fərqlənməyi sevir və bacardığı qədər digərlərindən seçilir. Məktəb tətillərində isə artistlik dərslərini öyrənir. Onun səyi layiqincə qiymətləndirilir və altı yaşında olanda artıq şəxsi agenti olur.

Yaradıcılığı[redaktə]

Kira Naytli ilk dəfə olaraq yeddi yaşında "Royal Celebration" filmində kiçik qız rolunu canlandırır. On bir yaşında mini teleserial və teleşoularda çıxış edir. Oynadığı "Kənd işi", "Günahsız yalan", "Xəzinə axtaranlar", "Evə qayıdış" və digər filmləri Avropa kanallarında yayımlanmağa başlayır. Aktrisanın karyerasında uğur qazanmasına təsir edən amillərdən biri onun aktrisa Natali Portmanla bənzərsiz oxşarlığı olur. Məhz həmin oxşarlıq gənc aktrisa üçün böyük kino aləminə bilet rolunu oynayır.

Aktrisanın çəkildiyi ilk ciddi rolu ingiltərə serialı "Oliver Tvist" olur. 2002-ci ildə "Bekhem kimi oyna" filmi ekranlara çıxır. Film çəkilişlərinə xərclənən maddi vəsaitdən 20 dəfə çox gəlir əldə edir və aktrisaya unudulmaz şöhrət gətirir. Aktrisa 2002-ci ildə daxil olduğu məktəbdəki təhsilini yarımçıq qoyub, özünü bütünlükdə kinoya həsr edir. Kira Naytlinin həyatındakı dönüş nöqtəsi kimi "Karib dənizinin quldurları" filmindəki rolu sayılır. Conni Depp və Orlondo Blum kimi məşhur aktyorlarla birlikdə çəkilmək ona ardı-arası kəsilməyən iş təklifləri gətirir. Müxtəlif obrazlar yaradır və özünün dediyi kimi onun ən yaxşı rolları hələ qabaqdadır.

Filmoqrafiya[redaktə]

  1. Karib dənizinin quldurları: Qara mirvarinin qarğışı (film, 2003) / Pirates of the Caribbean: The Curse of The Black Pearl
  2. Həqiqətən sevgi (film, 2003) / Love Actually
  3. Kral Artur (film, 2004) / King Arthur
  4. Anna Karenina (film, 2012) / Anna Karenina