Kirsten Danst

Vikipediya, açıq ensiklopediya
Keçid et: naviqasiya, axtar
Kirsten Karolin Danst
ing. Kirsten Caroline Dunst
Kirsten Dunst at Tiff 2012.jpg
Doğum tarixi: 30 aprel 1982 (1982-04-30) (31 yaş)
Doğum yeri: Point Plezant, Nyu-Cersi, Flag of the United States.svg ABŞ
Vətəndaşlıq: amerikalı
Peşələri: aktrisa, müğənni, model
Karyera: 1989-indiyədək
http://www.kirsten-dunst.org/

Kirsten Karolin Danst (ing. Kirsten Caroline Dunst, 30 aprel, 1982, Nyu-Cersi, ABŞ) amerikalı aktrisa, model və müğənni. 12 yaşı olanda o "Vampir ilə müsahibə" filmində oynadığı vampir Klaudia roluna görə geniş surətdə insanlar tərəfindən sevilməyə başlayıb və bu roluna görə aktrisa "Ən yaxşı ikinci dərəcəli aktrisa" adı ilə "Qızıl Qlobus" mükafatına layiq görülüb.

Həyatı[redaktə]

Kirsten Karolin Danst 30 aprel 1982-ci ildə Amerikada, Nyu-Cersi ştatının Point Plezant qəsəbəsində anadan olub. Kinoaktrisanın atası Klaus Danst bir tibb şirkətində çalışırdı, anası İnez isə rəssam olmaqla yanaşı, incəsənət qalereyasının təsisçisi və sahibəsi idi. 1986-cı ildə Kirstenin Kristian adında bir qardaşı dünyaya gəlir. Aktrisa doqquz yaşınadək ailəsi ilə birlikdə Point Plezantda yaşayır. Valideynlərinin boşanmasından sonra Kirsten qardaşı və anası ilə birlikdə Cənubi Karolinaya köçür.

Karyerası[redaktə]

Kirsten Danstın kino karyerasındakı debütü 1989-cu ildə baş tutur. O, Vudi Allenin "Nyu-York hekayələri" filmində bir epizoda çəkilir. Amma 1994-cü ildə ekranlara çıxan "Vampir ilə müsahibə" filmi onun həyatında dönüş nöqtəsi olur. Çəkilişlər zamanı o, Tom Kruz, Bred PittAntonio Banderas kimi aktyorlarla birlikdə çalışır. Bu filmdəki roluna görə aktrisa "MTV Movie Awards" mükafatı, "Qızıl Qlobus" nominasiyası, eləcə də Elmi fantastika, Fentezi və Dəhşət filmləri Akademiyasının gənc aktrisalar üçün təsis etdiyi "Saturn" mükafatına layiq görülür. Aktrisaya uğur gətirən digər layihələrdən biri də məzəli "Cumanci" filmi olur. 1995-ci ildə "People" dərgisi Kirsten Danstı dünyanın ən gözəl 50 adamının siyahısına salır. Aktrisa eyni zamanda Kiki ləqəbi ilə də tanınır.

Seçilmiş filmoqrafiya[redaktə]

İstinadlar[redaktə]