Linda Hamilton

Vikipediya, açıq ensiklopediya
Keçid et: naviqasiya, axtar
LİNDA HAMİLTON
Linda Carrol Hamilton
Linda Hamilton 1.JPG
Doğum tarixi: 26 sentyabr, 1956
Doğum yeri: Merilend, ABŞ
Peşəsi: Aktrisa

Linda Karrol Hamilton — Amerikalı aktrisa.

Həyatı[redaktə]

Erkən həyatı[redaktə]

Linda Karrol Hamilton 26 sentyabr 1956-cı ildə ABŞ-ın Merilend ştatının Selisburi şəhərində əkiz bacısı Lesli ilə birgə anadan olmuşdur. Əkiz bacısından başqa Lindanın Laura adlı bacısı və Con adlı qardaşı da var. Peşəcə həkim olan atası 1961-ci ildə avtomobil qəzası nəticəsində dünyasını dəyişib.

Məktəbdə təhsil aldığı dövrdən o aktyorluq peşəsi ilə maraqlanmış və bir çox teatr səhnələrində çıxış etmişdir. Məktəbi bitirdikdən sonra isə o Çestertaun şəhərində yerləşən Vaşinqton Kollecində aktyorluq peşəsi üzrə təhsil almışdır. Sonra o Nyu-York şəhərinə köçür və burada məşhur Li Strasberq Teatr İnstitutunda aktyorluq metodları üzrə biliklərə yiyələnir.

Aktrisalıq karyerası[redaktə]

Nyu-Yorkda bir çox səhnə rollarından sonra, Hamilton gündüzlər efirə çıxan "Sabah üçün axtarış" televiziya dramında balaca bir rol alır. Bir müddət sonra karyerasını davam etdirmək üçün Hamilton Los-Ancelesə köçmək qərarına gəlir. İlk böyük rollarını isə o, "Rape and Marriage: The Rideout Case" və 1982-ci ildə lentə alınan "Country Gold" filmlərində alır. Bundan başqa o azbüdcəli "T.A.G.: The Assassination Game" filmində də rol alır. Eyni ildə o öz biznes menecerinin ondan 100000 dollar mənimsədiyini öyrənir. Şəxsi və peşəkar həyatda problemlər onu kokainə aludə edir.

Gözlənilməz uğur ona 1984-cü ildə rejissorluğu Ceyms Kemeron tərəfindən həyata keçirilən və Arnold Şvartseneggerin baş rolda aldığı "Terminator" elmi-fantastik filmində rol almaqla gəlir. Film Lindanı geniş tamaşaçı auditoriyasına təqdim edir. Sara Konnor rolu ona "Qara ayın qalxması" və "Kinq Konq sağdır" kimi filmlərdə də rol almağa imkan yaradır.

Hamiltonun digər böyük rolu isə "Gözəlçə və Div" televiziya serialında ifa etdiyi Katerina Çandler roludur. Müəyyən bir dövr üçün səhnədən kənarda qalan Linda Hamilton, 1991-cı ildə "Terminator 2: Axirət günü" filmində Sara Konnor roluna yenidən dəvət alır. Filmdə canladırılacaq Sara Konnor roluna tam uyğunlaşmaq üçün o müəyyən fiziki və hərbi hazırlıqdan da keçir. Film ona böyük populyarlıq gətirir. "Terminator 2:Axirət günü" filmindən sonra o, 1994-cü ildə çəkilmiş "Sakit vuruşma", 1995-ci çəkilmiş "Ayrı həyatlar" və 1997-ci ildə çəkilmiş "Qaranlıq sui-qəsd" və "Dante zirvəsi" filmlərində rol alır. O həmçinin 1998-ci ildə "Xəttdə" və 1999-cu ildə "Cəsarətin rəngi" filmlərində və 2002-ci ildə "Sakit gecə" televiziya filmində də rol alır.

Şəxsi həyatı[redaktə]

1982-ci ilin dekabrında Linda Hamilton Bryus Abbot ilə ailə həyatı qurur. 1989-cu ildə onun oğlu Dalton Abbot dünyaya gəlir. Qısa müddət sonra isə o Bryus Abbot ilə boşanır. Oğlu dünyaya gəldikdən sonra o, Hollivuddan uzaq olmaq üçün Havay adalarında ev alaraq ora köçür. Terminator 2:Axirət Günü filmindən sonra Linda rejissor Ceyms Kameron ilə yaxınlıq edir və 1993-cü ildə onun Ceyms Kamerondan qızı Cozefina Arçer dünyaya gəlir. Uzun müddət ərzində qeyri-rəsmi əlaqədə olan cütlük 1997-ci ildə nikah bağlayırlar. 1998-ci ildə isə boşanırlar.

Mənbə[redaktə]

http://www.myspace.com/linda_hamilton