Məlikovlar

Məlikovlar
Əcdadı	Məlik Rəhim bəy
Qohum soylar	Adıgözəlovlar, Vəliyevlər
Mənşəyi	Zərdab, Şirvan
Təbəəliyi	Şirvan xanlığı, Rusiya imperiyası
Torpaqları	Zərdab

Məlikovlar — Azərbaycan xalqının tanınmış soylarından biri.

Soyadın tarixi

Bu soyun ulu babası Məlik Rəhim bəydir. Məlik Rəhim bəy, Məlik Mahmud bəy, Məlik Fətəli bəy, Məlik Niftalı bəy Qarasubasar mahalının Zərdab kəndinin yiyəsi idilər.

E.Həsənovun kitabında H.Zərdabinin nəsil şəcərəsi və həyatı ilə bağlı yeni faktlar kifayət qədər çoxdur. Onlardan biri də Məlik Rəhim bəyin övladlarının sayıdır. Müəllif yazır ki, "mənbələrdə Məlik Rəhim bəyin yanız Səlim bəy adlı oğlu olduğu bildirilsə də, apardığımız araşdırmalar deməyə əsas verir ki, Məlik Rəhim bəyin Səlim bəydən başqa Hidayət bəy, Əsəd bəy, Qasım bəy adlı oğulları, Tubu və Ayna adlı qızları olmuşdur". Deməli, H.Zərdabinin 3 əmisi və 2 bibisi varmış.

Soyun tanınmış nümarəndələri

• Səlim bəy Məlikov — Həsən bəy Zərdabinin atası, uzun müddət çar ordusunda praporşik rübəsində qulluq edib.
• Həsən bəy Zərdabi (1837–1907) — Azərbaycan jurnalisti, pedaqoqu, maarifçisi və naşiri, islam dünyasının ilk təbiətşünas alimi.
• Rəhim bəy Məlikov (1886–1936) — Azərbaycanın ilk fizika alimi, tanınmış publisist və teatrşünas, milli ali təhsil qurucularından biri.
• Səfvət bəy Məlik-Zərdabi — Cümhuriyyət tələbəsi, memar.
• Pəri xanım Topçubaşova — Azərbaycanın birinci xanımı, Əlimərdan bəy Topçubaşovun həyat yoldaşı.
• Qüdrət Muğanlı — Azərbaycan jurnalisti, Azərbaycan Yazıçılar və Jurnalistlər Birliklərinin üzvü, Azərbaycan Respublikasının əməkdar jurnalisti (2005).

Mənbə

• Ənvər Çingizoğlu, Məlikovlar, "Soy" dərgisi, Bakı, 2010.

Həmçinin bax

• Qarasubasar mahalı
• Şirvan xanlığı