Mikail İbadov
| Mikail İbadov | |
|---|---|
| Mikail Qubad oğlu İbadov | |
| Şəxsi məlumatlar | |
| Doğum tarixi | 16 avqust 1963 |
| Doğum yeri | |
| Vəfat tarixi | 2 oktyabr 1992 (29 yaşında) |
| Vəfat yeri | |
| Vəfat səbəbi | Şəhid |
| Vətəndaşlığı | |
| Milliyyəti | Azərbaycanlı |
| Atası | Qubad |
| Hərbi fəaliyyəti | |
| Mənsubiyyəti | Sovet ordusu |
| Qoşun növü | Azərbaycan ordusu |
| Xidmət illəri | 1992 |
| Rütbəsi | Əsgər |
| Döyüşlər | Birinci Qarabağ müharibəsi |
Mikail Qubad oğlu İbadov (16 avqust 1963, Cəngəmiran, Lerik rayonu – 2 oktyabr 1992, Xocavənd rayonu)- Birinci Qarabağ döyüşlərində şəhid olmuşdur.
Həyatı[redaktə | mənbəni redaktə et]
İbadov Mikail Qubad oğlu –1963-cü il avqust ayının 16-da Lerik rayonun Cəngəmiran kəndində anadan olub.
Təhsili[redaktə | mənbəni redaktə et]
1970-ci ildə Cəngəmiran kənd orta məktəbinin birinci sinfinə daxil olub, 1980-ci ildə həmin məktəbi bitirib.
Hərbi xidməti[redaktə | mənbəni redaktə et]
1981-ci ildə Sovet ordusu sıralarına hərbi xidmətə çağırılıb, 1983-cü ildə ordudan tərxis olunub. Hərbi xidmətini Rusiyanın Xarkov şəhərində daxili qoşunlarda (VV) kəskin nişançı (snayper) kimi keçib. Hərbi xidmətini başa vurduqdan sonra vətənə qayıdır. Sonra işləmək üçün Bakı şəhərinə gedərək 3 nömrəli evtikmə kombinatında işə düzəlir və burada işləyir. 1992-ci ilin iyul ayında Suraxanı rayon Hərbi Komissarlığına könüllü olaraq müraciət edir və 27 iyul 1992-ci il tarixində Qarabağ cəbhəsinə göndərilir. Qarabağın bir çox bölgələrində döyüşlərdə kəskin nişançı kimi döyüşür və şücaətlər göstərir.1992-ci il oktyabrın 2-də Martuni (indiki Xocavənd) rayonunun Muğanlı, Əmralılar və Kurapatkino kəndləri uğrunda gedən döyüşlərdə mühasirəyə düşür, lakin təslim olmayaraq döyüş sürsatı bitənədək döyüşür və sonda qəhrəmancasına şəhid olur. Ərazi mühasirədə olduğundan digər döyüşçü yoldaşları kimi İbadov Mikail Qubad oğlunun da cəsədini götürmək mümkün olmur.