Miryam Vayselbraun
| Miryam Vayselbraun | |
|---|---|
| alm. Mirjam Weichselbraun | |
 | |
| Doğum tarixi | 27 sentyabr 1981[1] (42 yaş) |
| Doğum yeri | |
| Uşağı | 1 |
| Fəaliyyəti | aktrisa, televiziya aparıcısı, səsləndirmə aktrisası[d], jurnalist, aparıcı |
| Fəaliyyət illəri | 1999-cu ildən |
| mirjamweichselbraun.com | |
 Vikianbarda əlaqəli mediafayllar | |
Miryam Vayselbraun (alm. Mirjam Weichselbraun d. 27 sentyabr 1981[1], İnsbruk[2]) — Avstriya televiziya aparıcısı və aktrisası. 2015-ci ildə Avroviziya Mahnı Müsabiqəsində ev sahibi olaraq Avstriyada keçirilən yarışmanın aparıcısı olmuşdur. Bu da ona Avstriyadan kənarda da tanınmasına vəsilə olmuşdur.
Bioqrafiyası[redaktə | mənbəni redaktə et]
27 sentyabr 1981-ci ildə İnsbrukda anadan olub. Media sənayesinə 1998-ci ildə Avstriya regional radio stansiyası olan Antenne Tirolda redaktorluq ilə işləməyə başlamışdır. O, ilk dəfə "BRAVO" jurnalı tərəfindən Girl 2000 seçilməsi ilə şöhrət qazanır. Sonradan Tirol TV regional televiziya şirkətində işlədikdən və Das Magazin mədəni proqramında qısamüddətli işdən sonra 2001-ci ildə yeni yaradılan VIVA Plus televiziya stansiyasına keçir. Burada səkkiz ay "Cologne Day" proqramında iştirak edir. Miryam bir müddət sonra Münhendə yerləşən "MTV Almaniya"da sonra isə Berlindəki Select MTV (2005-ci ilin yanvar ayına qədər) və TRL-in (2007-ci ilin aprelinə qədər) siması olur.
Eyni zamanda ZDF-də "Wetten, dass ..? televiziya şousunda (2003-cü ildən bəri) və ORF-də "Expedition Österreich" (2004-cü ildən bəri) şousunda və "Dancing Stars" şousunda çalışmışdır. Son şouda iştirakına görə Romy mükafatına layiq görülüb.
2006-cı ildə Miryam Vayselbraun RTL-də "Dancing on Ice" şousunda aparıcı olmuşdur. Eyni zamanda "Life Ball" (2007), "Kiddy Contest" (2007 və 2008) üçün çalışmışdır. 2010-cu ildə Sat 1-də "Die Hit-Giganten" serialının üç proqramında iştirak etmişdir.
Televiziya aparıcısı kimi işindən əlavə, Miryam Vayselbraun Yan Dryesin “Letzte Tage, jetzt” adlı audio dram üçün səsləndirmələr belə etmişdir. 2007-ci ildən bədii filmlərdə və televiziya filmlərində aktyorluq etməyə, eyni zamanda musiqili filmlərdə iştirak etməyə başlamışdır. 2012-ci ilin sentyabrından 2014-cü ilin martına qədər "Sky Deutschland"-da Harald Şmidt Şousunda köməkçi olmuşdur. Sonra televiziya aparıcısı kimi işləməyə və filmlərdə rol oynamağa davam etmişdir.
2015-ci ildə VOX-da "Grill den Henssler" kulinariya şousunun iştirakçısı (qonağı) olur.
Miryam Vayselbraun bir sıra mükafatlara layiq görülmüşdür. 2015-ci ildə ilin İlin Trolesi olur[3].
Şəxsi həyatı[redaktə | mənbəni redaktə et]
Miryamın əkiz bir bacısı vardır. Adı Melanidir. Onlar fərqli soyadları daşıyırlar: Miryam - anasının soyadını Vayselbraun, Melani - atanın soyadını Binder.
İki illik münasibətlərdən sonra Miryam musiqiçi Markosdan ayrılmışdır. Ayrıca Sat.1-Frühstücksfernsehenin televiziya aparıcısı Yan Xan ilə də əlaqəsi olmuşdur. Amma dörd il sonra onlar ayrılmışlar.
2013-cü ildən bəri Miryam Vayselbraun 28 sentyabr 2013-cü ildə qızı dünyaya gətirdiyi amerikalı müğənni Lana Del Reyn meneceri Ben Mauson ilə münasibətdədir. Londonun İslinqton məhəlləsində yaşayırlar. Cütlük hazırda ikinci övladlarını gözləyirlər[4].
İstinadlar[redaktə | mənbəni redaktə et]
- ↑ 1 2 Mirjam Weichselbraun // filmportal.de. 2005.
- ↑ 1 2 Deutsche Nationalbibliothek Record #129060011 // Ümumi tənzimləmə nəzarəti (GND) (alm.). 2012—2016.
- ↑ "ESC-Moderatoren Tiroler des Jahres". 2019-05-01 tarixində arxivləşdirilib. İstifadə tarixi: 2020-04-15.
- ↑ "Sie erwartet ihr zweites Kind". 2019-03-23 tarixində arxivləşdirilib. İstifadə tarixi: 2020-04-15.