Murad Köhnəqala
| MURAD KÖHNƏQALA | |
| Murad Piri oğlu Mahmudov | |
 |
|
| Doğum tarixi: | 15 oktyabr 1959-cu il |
|---|---|
| Doğum yeri: | Köhnəqala, Tovuz |
Mahmudov Murad Piri oğlu (Murad Köhnəqala) - şair, publisist.
[redaktə] Həyatı
Murad Köhnəqala 1959-cu il oktyabrın 15-də Tovuz rayonunun Köhnəqala kəndində anadan olmuşdur. Burada orta məktəbi bitirmişdir. Tovuz rayonu 1 saylı toxumçuluq sovxozunda fəhlə işləmişdir (1976-1977). Ordu sıralarında xidmət etmişdir (1977-1979). Tərxis ediləndən sonra Şəmkir rayonunun Zəyəm-Cırdaxan kəndində zərgər Sərdar Sultanovun şagirdi olmuşdur. Tovuz şəhər təmir-tikinti sahəsində fəhlə (1980-1982), Bakı şəhər metro tikintisində fəhlə (1983-1988) işləmişdir. Bu dövrdən mətbuatda öz şerlərini vaxtaşırı çap etdirir. Moskvada M.Qorki adına Ədəbiyyat İnstitutunda təhsilini davam etdirmişdir (1985-1990). Respublika Tərcümə və Ədəbi Əlaqələr Mərkəzində elmi redaktor işləmişdir (1991-1992). Bir vaxt "Yol" qəzetinin təsis etdiyi "Altun Ay" mükafatına layiq görülmüşdür (1992). Avrasiya Mətbuat fondunda əlaqəçi jurnalist olmuşdur. Sonra Sibirdə, Uzaq Şərqdə yaşamışdır (1993-1996). Bakı İncəsənət mərkəzinin şeir şöbəsində çalışmışdır. 1994-cü ildə Azərbaycan Yazıçılar Birliyinə üzv olsa da, sonradan öz ərizəsilə üzvlükdən çıxıb. Azad Yazarlar Ocağı adlı ədəbi qurumun yaradıcılarından olmuşdur. Hazırda "Yeni Müsavat" və "Azadlıq" qəzetlərində publisistik yazılarla çıxış edir.
[redaktə] Kitabları
1. "Alma əhvalatı", 2. "Bulud pinəçisi"
