Mustafa Akkad
| MUSTAFA AKKAD | |
 |
|
| Doğum tarixi: | 1 iyul 1930-cu il |
|---|---|
| Doğum yeri: | Hələb, Suriya |
| Vəfatı: | 11 noyabr 2005-ci il (75 yaşında) |
| Vəfat yeri: | Amman, İordaniya |
| Vəfat səbəbi: | terror |
| Peşəsi: | Rejissor |
Mustafa Akkad (ing. Moustapha Akkad) — Suriya əsilli ABŞ rejissoru və prodüseri.
[redaktə] Həyatı
Mustafa Akkad 1930-cu ildə anadan olmuşdur. 19 yaşında Los-Anceles Kaliforniya Universitetində teatr təhsili almaq üçün ABŞ-a getmişdir. Tanınmış Amerika rejissorlarının yanında təcrübə keçmişdir.
Dünyada ən çox "Allahın elçisi Məhəmməd" və "Çöl aslanı Ömər Muxtar" filmlərinin rejissoru, "Hellouin" ("İfritələr bayramı" silsilə 8 filmin) prodüseri olmuşdur.
Ən tanınmış filmi olan "Allahın elçisi Məhəmməd" Məhəmməd peyğəmbərin həyatından bəhs edir. Filmdə baş rol olan Həmzə roluna tanınmış Hollivud aktyoru Entoni Kuinn çəkilmişdir.
Mustafa Akkadın "Peyğəmbər" filmi kimi uğurlu olan ikinci filmi 1920-1930-cu illərdə daha çox tanınmış Ömər Muxtar haqqında çəkdiyi "Çöl aslanı Ömər Muxtar" filmi olmuşdur. Film daha çox döyüş səhnələrilə diqqəti cəlb edir.
Mustafa Akkad ömrünün son 10 ilini Səlahəddin Əyyubinin həyatı haqqında çəkəcəyi film üçün sponsor axtararaq keçirmişdir.
Rejissor Mustafa Akkad 11 noyabr 2005-ci ildə İordaniyada "Grand Hyatt" mehmanxanasının bombalanması hadisəsində qızı Rimma ilə birlikdə həlak olmuşdur.
[redaktə] Filmoqrafiya
- Allahın elçisi Məhəmməd (film, 1976) / The Message
- Hellouin (film, 1978) / Halloween
- Hellouin 3: İfritənin mövsümü (film, 1982) / Halloween III: Season of the Witch
