Prezident

İcraedici hakimiyyət
İcraedici hakimiyyət Dövlət başçısı Diktatura Monarx Prezident Hökumət Hökumət başçısı Kansler İcraedici orqanın başçısı Baş Nazir Nazirlər Kabineti Nazirlik Nazir İdarəetmə sistemi Prezident idarəetmə sistemi Yarımprezident idarəetmə sistemi Parlament idarəetmə sistemi Parlamentli demokratiya Parlamentli monarxiya Parlamentli respublika Qarışıq idarəetmə sistemi Vestminster hakimiyyət sistemi Siyahılar Dövlətlərin prezidentlərinin siyahısı Dövlət başçılarının siyahısı Hökümətlərin siyahısı Qubernator Mer

Prezident (Latın dilindəki pre - "əvvəl" və sedere - "oturmaq" sözlərindən, "öndə oturan" mənasını verir) - seçki yolu ilə müəyyən olunan dövlət və ya inzibati-ərazi vahidinin rəhbəri, yaxud kollegial orqanın, ictimai birliyin və ya kommersiya təşkilatının sədri. Bəzi ölkələrdə isə (məsələn, ABŞ-da) bu vəzifəni nə vaxtsa tutmuş bütün şəxslərə ömürlük verilən titul. Prezident idarə üsuluna sahib olan ölkələrdə prezident icraedici hakimiyyətin rəhbəri, parlament idarə üsuluna sahib ölkələrdə isə yalnız dövlət başçısıdır. Müasir dövrdə seçki yolu ilə deyil, dövlət çevrilişi yolu ilə hakimiyyətə gələn diktatorlar da özlərini rəsmi olaraq prezident adlandırırlar.

Tarixdə ilk dəfə "prezident" titulunu milli rəhbər mənasında istiqlaliyyət müharibəsi dövründə Corc Vaşinqton istifadə etmişdir. 1787-ci ildə ABŞ Konstitusiyası qəbul olunanadək o, Britaniya İmperiyasına qarşı üsyan qaldıran ştatların "Kontinental konqres"inin prezidenti olmuş, sonradan isə ABŞ-ın prezidenti seçilmişdir.