Qaraçuxur

Vikipediya, açıq ensiklopediya
Keçid et: naviqasiya, axtar

Koordinatlar: 40°23′48″Şimal, 49°58′25″Şərq

QARAÇUXUR
Xəritə
Qaraçuxur
Qaraçuxur
Məlumatlar
Əhali 82 300[1] (2013)
Koordinatlar 40°23′48″Şimal, 49°58′25″Şərq
Poçt kodu AZ1048
İnzibati İdarə
Ölkə Azərbaycan
Rayon Suraxanı rayonu
Şəhər Bakı şəhəri
Qəsəbə Qaraçuxur
İcra nümayəndəsi Süleymanov Fərəməz Cabbar oğlu
Bələdiyyə başçısı Qurbanov İbrahim Musa oğlu


QaraçuxurBakının Suraxanı rayonunda qəsəbə.

Tarixi[redaktə]

1923-cü ildən Kaqanoviç qəsəbəsi, 1939-cu ilin dekabr ayından isə Kaqanoviç rayonu adlandırılmışdır. 26 sentyabr 1955-ci ildə Bakı şəhəri Orconikidze rayonunun tərkibinə verilmiş və yenidən Kaqanoviç qəsəbəsi adlandırılmışdır. 31 avqust 1957-ci ildə Qaraçuxur qəsəbəsi adlandırılmış, 26 may 1964-cü ildə isə bu ad Serebrovski adı ilə əvəz olunmuşdur. Azərbaycan Respublikası Ali Sovetinin 29 aprel 1992-ci il tarixli qərarı ilə qəsəbə yenidən Qaraçuxur adlandırılmışdır.[2]

Əhalisi[redaktə]

Qaraçuxur qəsəbəsinin əhalisi 75600 nəfər təşkil edir, bunlardan 46300 nəfəri Yeni Günəşli yaşayış sahəsində yaşayır. Məcburi köçkünlərin sayı – 8514 nəfərdir (1960 ailə).

Məlumat[redaktə]

Qəsəbədə 7 orta ümumtəhsil məktəbi, 1 gimnaziya, 1 stomatoloji poliklinika, 1 Tibbi Sanitar hissə və 1 xəstəxana yerləşir.

Küçələrə adları verilmiş şəhidlər[redaktə]

  • Quliyev Vüqar Məmmədəli oğlu – "Bağ" küçəsinə adı verilib.
  • Qurbanov Cəlal Bilal oğlu – "Kirov" küçəsinə adı verilib.
  • Şərifov Zaur Faiq oğlu – "Razin" küçəsinə adı verilib.
  • İsmayılov Nizami Zeynalabdin oğlu – "Qumluq" küçəsinə adı verilib.
  • İsmayılov Kərəm İdris oğlu – "Saray" küçəsinə adı verilib.
  • Əliyev Yaşar Səməd oğlu – "Ambulator" küçəsinə adı verilib.
  • Musayev İlqar Vaqif oğlu – "Kərpiç" küçəsinə adı verilib.
  • Şirinov Tərlan Orucbəy oğlu – "Üzümlük" küçəsinə adı verilib.
  • Mehbalıyev Əhməd Suliddin oğlu – "Gənclik" küçəsinə adı verilib.
  • Cəfərov Samir Vaqif oğlu – "Seyranbağça" küçəsinə adı verilib.
  • Bəkirli Etibar Mustafa oğlu – "Trubnaya baza" küçəsinə adı verilib.
  • Eyvazov Yusif Ayvaz oğlu – "4048-ci kvartal"-a adı verilib.
  • Vəliyev Qəzənfər Həmid oğlu – "Xəzan" küçəsinə adı verilib.
  • Rəhimov Cavanşir İzzət oğlu – 146 saylı məktəb onun adınadır, parkda büstü qoyulub.
  • Alıcanov Rafiq Cəfər oğlu – "Yeni Qumluq" küçəsinə adı verilib.

Mənbə[redaktə]

İstinadlar[redaktə]

  1. Azərbaycan Respublikasının Dövlət Statistika Komitəsi: 2013-cü ilin əvvəlinə iqtisadi və inzibati rayonlar, eləcə də şəhər yaşayış məntəqələri üzrə əhalinin cins bölgüsündə sayı (min nəfər)
  2. Azərbaycan Respublikasının Ədliyyə Nazirliyi - Normativ Hüquqi aktların vahid internet elektron bazası: Azərbaycan Respublikası Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış məntəqələrinə yeni adlar verilməsi və inzibati ərazi bölgüsündə qismən dəyişiklik edilməsi haqqında Azərbaycan Respublikası Ali Sovetinin Milli Şurasının qərarı. Bakı şəhəri, 29 aprel 1992-ci il. № 112.


Bu məqalənin azərbaycan dili əlifbasının ərəb qrafikası ilə qarşılığı vardır. Bax: قاراچوخور