Quzanlı

Quzanlı
Xəritə
Ağdam rayonu
Məlumatlar
Koordinatlar
İnzibati İdarə
Ölkə	Azərbaycan
Rayon	Ağdam
Şəhər	Ağdam

Quzanlı — Azərbaycan Respublikasının Ağdam rayonunun inzibati ərazi vahidində qəsəbə.

Quzanlı kəndi cəbhə bölgəsində yerləşir. Ağdam şəhərinin işğalından sonra Quzanlı qəsəbəsi rayon mərkəzini əvəz edir.

Tarixi

Quzanlının tam adı Saraclı-Quzanlıdır. Kənd Qarabağda yaşamış böyük bir türk tayfasının adı ilə bu cür adlandırılmışdır. XIX əsrin ikinci yarısında Birinci Quzanlı, İkinci Quzanlı, Çay Quzanlısı adlı kəndlər vardır. 1593-cü ilin məlumatına görə, Quzanlı tayfası Bərdə mahalının Sir nahiyəsində yaşayırdı. Mənşəcə VI əsrdə Altaydan Cənubi Avropaya qədər geniş bir ərazini əhatə etmiş, Türk xanlığının əsasını qoymuş və mənbələrdə adı Kuzan/Kuzen/ kimi qeyd olunmuş tayfa adı ilə bağlıdır. Ehtimal ki, XIII əsrdə Mil düzündə Beyləqan rayonu yaxınlığında adı çəkilən Kizan/Xizan/ qalasının adı da bu tayfanın adı ilə əlaqədardır. Kənddə Dəlləkoğlu, Məmmədlilər, Mollahüseynli, Allahverənli, Sudhallaclı, və s. quzan tayfaları yaşamışlar.

Əhalisi

1992-ci ildən etibarən burada məcburi köçkünlər də məskunlaşıb və hazırda Quzanlıda 18 minə qədər əhali yaşayır.

Görkəmli şəxsləri

• Rövşən Hüseynov – Azərbaycanın Milli Qəhrəmanı

İqtisadiyyatı

• 2006-cı ildə "Azərpoçt" DM üzrə Ağdam rayonu Quzanlı qəsəbəsində yeni poçtamt binası təmirdən sonra istifadəyə verilmişdir.
• 2008-cı ilin yanvarın 16-da Azərbaycan prezidenti İlham Əliyev tərəfindən Avropa standartlarına uyğun olaraq Olimpiya kompleksinin açılışı olub.

Mənbə

• http://www.azerxeber.com/xeber/quzanli-sehere-cevrilir--1106027.html
• http://anspress.com/nid54782.html

Xarici keçidlər

• nona.net, Quzanlı
• passportstamp.com, Quzanlı
• Wikimapia, Quzanlı