Riçard Marks

Vikipediya, azad ensiklopediya
Naviqasiyaya keçin Axtarışa keçin
Riçard Marks
ing. Richard Marx
Riçard Marks Almaniyada (2005)
Riçard Marks Almaniyada (2005)
Ümumi məlumatlar
Doğum adı Richard Noel Marx
Doğum tarixi (60 yaş)
Doğum yeri Çikaqo, İllinoys, ABŞ
Musiqiçi məlumatları
Fəaliyyəti müğənni, bəstəkar, musiqi prodüseri
Fəaliyyət illəri 1982-bu günə qədər
Janrlar pop musiqi, soft-rok, R&B
Musiqi alətləri fortepiano, orqan, gitara
Səs tembri tenor
Albom şirkəti Capitol Records[d]
richardmarx.com
Vikianbarın loqosu Vikianbarda əlaqəli mediafayllar

Riçard Noel Marks (ing. Richard Noel Marx) — ABŞ müğənnisi, bəstəkarı və musiqi prodüseri.[1]

Həyatı[redaktə | mənbəni redaktə et]

Riçard Noel Marks 16 sentyabr 1963-cü ildə anadan olmuşdur.

1980-ci illərin ortalarında artıq Marksın səsini MadonnaVitni Hyuston kimi tanınmış müğənnilərin konsertlərində eşitmək olardı. Layonel Riçinin məşhur hiti olan "All Night Long" mahnısının (1984) səsyazması vaxtı onlar birlikdə oxumuşdular. O zaman Riçard Marks əvvəlcə "Chicago" qrupunun və Kenni Rocersin oxuduqları mahnıları yazmağa başladı.

1987-ci ildə Marksın ilk albomu işıq üzü gördü. Bu albom fəaliyyətə yenicə başlayan müğənnini ulduza çevirdi. Tezliklə onun üç kompozisiyası: "Hold On to the Nights", "Satisfied" və "Right Here Waiting" ABŞ-nin rəsmi hit-paradı olan "Billboard Hot 100"-da yüksək pillələrdə yer tutdu.

1990-cı illər ərzində tamaşaçılar Marksın solo ifasından tədricən soyumağa başladı. Çünki o, yenidən artıq məşhurlaşmış başqa ifaçılar üçün mahnı yazmağa başlamışdı. Məsələn, o, Sara Braytman üçün "The Last Words You Said" kompozisiyasını yazmış və prodüserliyini etmişdir. 1999-cu ildə o, bu mahnını Sara ilə duet şəklində ifa etmişdir[2]. Marks həm də 2000-ci ildə Coş Qroban üçün "To Where You Are" mahnısını yazmışdır.

2004-cü ildə təşkil olunan 49-cu "Qremmi" mükafatının təqdimetmə mərasimində Marks ən nüfuzlu nominasiyalardan biri olan "İlin mahnısı" nominasiyası ilə mükafatlandırıldı. Bu mükafat ona Lüter Vandrossun ifa etdiyi "Dance with My Father" mahnısının müəllifi olduğu üçün verilmişdir.

Şəxsi həyatı[redaktə | mənbəni redaktə et]

Riçard Marks 8 yanvar 1989-cu ildə müğənni, rəqqasəaktrisa Sintiya Rodsla evlənmişdir. Rods "Sağ qalmaq" (1982) və "Parlaq rəqs" (1983) filmlərində çəkilmiş və mahnı ifa etmişdir. Üç oğulları var: Brendon (təvəllüdü: 1990), Lukas (təvəllüdü: 1992) və Cessi (təvəllüdü: 1994).

Diskoqrafiya[redaktə | mənbəni redaktə et]

Studiya albomları[redaktə | mənbəni redaktə et]

  • Richard Marx (1987)
  • Repeat Offender (1989)
  • Rush Street (1991)
  • Paid Vacation (1994)
  • Flesh and Bone (1997)
  • Days in Avalon (2000)
  • My Own Best Enemy (2004)
  • Emotional Remains (2008)
  • Sundown (2008)

Kompilyasiya albomları[redaktə | mənbəni redaktə et]

  • Ballads (1994)
  • Greatest Hits (1997)
  • The Best Of Richard Marx (2000)
  • The Essential Richard Marx (2000)
  • Timeline (2000)
  • Duo (2008)
  • Stories to Tell (2010)
  • Hits & Ballads (2010)
  • Inside My Head (2012)

Reklam albomları[redaktə | mənbəni redaktə et]

  • Marx (1991)
  • Greatest Hits (1993)
  • His Songs, Your Life (1997)
  • The Music of Richard Marx: 1987–2009 (2009)

Qeyri-rəsmi albomları[redaktə | mənbəni redaktə et]

  • Live in USA 1988/92 (1992)
  • Live Music Hall Koln 1992 (1992)

İstinadlar[redaktə | mənbəni redaktə et]

  1. "Phonetic Pronunciation - Name: Noel". 2013-04-01 tarixində arxivləşdirilib. İstifadə tarixi: 2013-07-23.
  2. "Sarah Brightman Official Website — Sound And Vision". 2009-07-13 tarixində orijinalından arxivləşdirilib. İstifadə tarixi: 2013-07-23.

Xarici keçidlər[redaktə | mənbəni redaktə et]