Robert Enke
| Robert Enke | |||
 |
|||
| Şəxsi məlumatlar | |||
|---|---|---|---|
| Doğum tarixi: | 24 avqust 1977-ci il | ||
| Doğum yeri: | Yena,, Almaniya | ||
| Ölüm tarixi: | 10 noyabr 2009-cu il (32 yaşında) | ||
| Boyu: | 186[1] sm | ||
| Mövqeyi: | Qapıçı | ||
| Milli komanda karyerası | |||
| İl | Milli komanda | Oyun (qol) | |
| 1997-1999 1998 1999-2009 2000–2004 |
Almanya U-21 Almaniya Olimpiya Almaniya B Almaniya |
15 (0) 8 (0) 2 (0) 8 (0) |
|
Robert Enke (d. 24 avqust 1977-ci il, Yena, Almaniya - ö. 10 noyabr 2009-cu il, Neustadt am Rübenberge, Almaniya) — Alman qapıçı. Enke peşəkar futbolçu karyerasına Karl Tseys Yena klubunda başlayıb. O, daha sonra isə Borussiya, Benfika, Barselona, Fənərbaxca, Tenerife, Hannover 96 klublarında çıxış edib.[2] 2007-ci ildə Almaniya yığmasında debüt edib.
10 noyabr 2009-cu ildə özünü qatarın altına ataraq intihar edib.
Robert Enkenin FİFA Dünya Kuboku 2010-da Almaniya yığmasının heyətində iştirakı gözlənilirdi.
Mündəricat |
Karyerası [redaktə]
Klub karyerası [redaktə]
Robert Enke futbola Yena Farmda başlayıb. Sonradan isə 18 yaşında olarkən Karl Tseys Yenaya keçib. Burada bir il çıxış etdikdən sonra qapıçı 1996-cı ildə Borussiya ilə müqavilə bağlayıb. Əvvəlcə o, yeniyetmələrdən ibarət komandanın formasını geyib. Enke tezliklə Bundesliqada çıxış etmək şansı da qazanıb.
Lakin 1999-cu ildə Portuqaliyanın Benfika klubundan sərfəli təklif alan qapıçının legioner karyerası başlanıb. O, 3 ilədək Sportinqin şərəfini qoruyub, 77 oyunda çıxış edib. 2002-ci ildə Enke Barselonaya keçsə də, uğursuzluğa düçar olub. Frank Raykaard 2003-cü ildə Barselonaya baş məşqçi təyin olunduqdan sonra o, Türkiyənin Fənərbağça komandasına icarəyə verilib. Lakin alman qapıçı burada cəmi 1 oyunda forma geyə bilib.
2003-cü ilin 31 iyulunda Fənərbağça ilə müqavilə bağlayan Enke avqustun 10-da komandasının İstanbulspora qarşı keçirdiyi mövsümün ilk matçında kobud səhvləri üzündən 3 qol buraxıb. Bundan sonra o, azarkeşlərin sərt təpkiləri ilə üzləşib. Tənqidlərə dözə bilməyən qolkiperin müqaviləsi qarşılıqlı razılıq əsasında pozulub. Enkenin Fənərbağça karyerası cəmi 13 gün çəkib.[3] Daha sonra Enke İspaniyanın Tenerife klubuna icarəyə verilib. Burada da o, cəmi 9 oyuna çıxıb.
Beləliklə, qapıçı üzləşdiyi uğursuzluqlardan çıxış yolunu vətəninə qayıtmaqda görüb. Enke 2004-cü ildə Hannover 96 ilə müqavilə bağlayıb. Sonuncu oyunu 2:2 hesabı ilə başa çatan Hamburqla qarşılaşmaya təsadüf edib. [4] Hannover 96 klubu 2009-cu ildə intihar edən qapıçının geyindiyi 1 nömrəli formanı əbədiləşdirib. Bundan sonra Hannover təmsilçisinin heyətində keç kim həmin nömrəni daşımayacaq.[5]
Milli komanda karyerası [redaktə]
1997-1999-cu illərdə 15 dəfə Almaniya U-21-nə dəvət alıb. Robert Enke Almaniyanın gənclərdən ibarət yığma komandasının əsas qapıçısı idi. Qolkiper 2007-ci ildə Almaniya milli komandasına cəlb olunub və 8 oyun keçirib. Robert Enke UEFA Avropa Kuboku 2008-də Almaniya millisinin heyətinə cəlb olunub.[6] O, Almaniya milli komandasının 8 oyunda formasını geyinib. Enke millidə sonuncu oyununu 2009-cu il avqustun 12-də Bakıda Azərbaycan millisinə qarşı keçirib.[7][8]
Statistika [redaktə]
| Klub | Mövsüm | Çempionatlar | Kuboklar | Avrupa Kubokları | Cəmi | ||||
|---|---|---|---|---|---|---|---|---|---|
| Oyun | Qol | Oyun | Qol | Oyun | Qol | Oyun | Qol | ||
| Yena Farm | 1995-96 | 3 | 0 | - | - | - | - | 3 | 0 |
| Borussiya | 1996-97 | - | - | - | - | - | - | - | - |
| 1997-98 | - | - | - | - | - | - | - | - | |
| 1998-99 | 32 | 0 | 4 | 0 | - | - | 36 | 0 | |
| Benfika | 1999-00 | 26 | 0 | - | - | 6 | 0 | 32 | 0 |
| 2000-01 | 26 | 0 | 1 | 0 | 2 | 0 | 29 | 0 | |
| 2001-02 | 25 | 0 | 3 | 0 | - | - | 28 | 0 | |
| Barselona | 2002-03 | 1 | 0 | 1 | 0 | 2 | 0 | 4 | 0 |
| Fənərbağça | 2003-04 | 1 | 0 | - | - | - | - | 1 | 0 |
| Tenerife | 9 | 0 | - | - | - | - | 9 | 0 | |
| Hannover 96 | 2004-05 | 34 | 0 | 4 | 0 | - | - | 38 | 0 |
| 2005-06 | 32 | 0 | 3 | 0 | - | - | 35 | 0 | |
| 2006-07 | 34 | 0 | 4 | 0 | - | - | 38 | 0 | |
| 2007-08 | 34 | 0 | 2 | 0 | - | - | 36 | 0 | |
| 2008-09 | 24 | 0 | 2 | 0 | - | - | 26 | 0 | |
| 2009-10 | 6 | 0 | 1 | 0 | - | - | 7 | 0 | |
| Cəmi | 287 | 0 | 25 | 0 | 10 | 0 | 322 | 0 | |
Həyatı [redaktə]
Robert Enke 1977-ci ilin avqustun 24-də Yenada anadan olub. Robertin atası psixoloq və atlet idi. Anası isə həndbolçu idi. Uşaqlıq illərində musiqi sevməsinə rəğmən, mütəmadi yerli stadiona baş çəkərdi. Sonra isə valideynləri onu yerli idman gimnaziyasına yolladılar.[9]
2 yaşlı qızını itirdi və... [redaktə]
Enke həyatının ən ağır günlərini 2006-cı ildə yaşayıb. 2006-cı ilin sentyabrın 17-də iki yaşlı qızı Lara ürək çatışmazlığından dünyasını dəyişib. Bu ilin may ayında isə o, həyat yoldaşı Tereza ilə birlikdə 2 aylıq qız uşağını övladlığa götürüb.[10][11]
Ölümə aparan yol [redaktə]
Son dövrlər Enkenin işləri heç də yaxşı getmirdi. Azərbaycan yığmasıyla oyundan sonra yenidən yığmaya çağırılsa da, Hannoverdə keçirilən Almaniya – Azərbaycan matçından bir neçə gün öncə baş məşqçi Yoahim Lövə müraciət edərək heyətdən çıxarılmasını istəmişdi. O, buna səbəb kimi xəstələndiyini göstərmişdi.[12]
O, dünən səhər saatlarında Hannover 96-nın düşərgəsinə yollanıb. Bu zaman klubun qapıçılarla işləyən məşqçisi Yorq Siverslə görüşərək, səhhətinin yenidən pisləşdiyini bildirir. Günortadan sonra isə klubun bazasını icazəsiz tərk edərək, məşqə qatılmır. Bu zaman klub rəhbərliyi telefon vasitəsi ilə onu tapmağa çalışsa da, bütün cəhdlər nəticəsiz qalır. Həyat yoldaşı Tereza isə ərinin yoxa çıxmasından xəbər tutan kimi polisə məlumat verir. Lakin artıq gec olur.[10]
Ölüm [redaktə]
10 noyabr 2009-cu ildə Robert idarə etdiyi qara Mersedeslə yaşadığı evin 3-4 kilometrliyindən keçən dəmir yol xəttinə tərəf yollanıb. Maşını dalanların birində saxlayıb. Avtomobildən düşərək qapıları kilidləyib və dəmir yol xəttinə tərəf bir neçə dəqiqə piyada gedib. Futbolçu özünü qatarın altına atacağını dəqiqləşdirmişdi. Budur, irəlidən gələn qatar görünməyə başlayır. Bremendən Hannoverə gedən qatarın sürəti 160 km/saatdır. Almaniya vaxtı ilə saat 18:17-də Enke özünü qatarın altına ataraq, həyatla vidalaşır.[13]
Enkenin qəfil intiharı dünyanın hər yerində, o cümlədən vətəni Almaniyada da böyük üzüntüyə səbəb olub. Robertin dostları, həmkarları, futbol adamları, menecerlər onun dünyasının dəyişməsindən dərin sarsıntı keçiriblər. Hadisə baş verən andan insanlar küçələrə çıxaraq onun xatirəsini yad edir. Futbolçunun şərəfini qoruduğu Hannover 96 klubunun ofisinin qarşısına minlərlə insan yığılaraq şamlar yandırıblar və gül dəstələri qoyublar.[14][10]
Dəfn mərasimi [redaktə]
Robert Enkenin dəfn mərasimi 15 noyabrda keçirildi. Vida mərasimi Hannover 96-nın ev oyunlarını keçirdiyi AWD Arenada təşkil olundu. Mərasimə Almaniya Futbol Federasiyasının prezidenti Teo Jvanziger və Almaniya yığmasının bütün üzvləri, həmçinin baş məşqçi Yoahim Löv qatılıb.
40 mindən artıq insanın qatıldığı vida mərasimində futbolçu anılıb, onun həyat yoluna nəzər yetirilib. Daha sonra isə Enke 2006-cı ildə ürək çatışmamazlığından vəfat edən 2 yaşlı qızının yanında dəfn olunub.[15]
Məktub [redaktə]
Robert intihar edəcəyi ilə bağlı qərarı əvvəlcədən veribmiş. Hər halda, onun əvvəlcədən yazıb qoyduğu məktub bunu deməyə əsas verir. İstintaq nümayəndələri məktubun haradan tapıldığı barədə mətbuata heç bir məlumat verməyib. Lakin o bildirilib ki, bütün dəlillər hadisənin süi-qəsd olduğuna işarə verir.[10]
Robert Enkenin ölümündən öncə yazdığı məktubun məzmunu açıqlanıb. Mərhum qapıçı məktubunda ailəsindən və həkimlərdən öz psixoloji durumu ilə onları həyəcanlandırdığı üçün üzr istəyib. Enke yaxınlarının onun intihar edəcəyindən şübhələnməmələri üçün vəziyyətinin yaxşılaşdığı haqda bilərəkdən görüntü yaradıb.[16]
Robert Enke Fondu [redaktə]
Almaniya Futbol Federasiyası, Bundesliqa və Hannover 96 klubu özünü qatarın altına ataran intihar edən Robert Enkenin adını əbədiləşdirmək qərarına gəlib. Beləliklə 2009-cu ilin dekabr ayında qolkiperin adını daşıyan fond yaradılıb.[17]
Qalereya [redaktə]
İstinadlar [redaktə]
- ↑ Robert Enke. hannover96.de. Yoxlanılıb 17 Aprel 2009.
- ↑ Ein außergewöhnlicher Torwart (Alman). N24.de (11 Noyabr 2009). Yoxlanılıb 11 Noyabr 2009.
- ↑ Robert Enke öldü 23 Oktyabr 2010, hurriyet.com.tr
- ↑ Səmadan enən Enke ulduzu. Lent.az (2009-11-11). Yoxlanılıb 2009-11-11.
- ↑ Enkenin nömrəsi əbədiləşib. Apasport (2009-11-12). Yoxlanılıb 2009-11-12.
- ↑ AÇ-2008-də meydana çıxacaq millilərin tam heyətləri Fanat.az. Yoxlanılıb: 6 İyun 2008
- ↑ Almaniya millisinin qapıçısı intihar etdi. Fanat.az (2009-11-12). Yoxlanılıb 2009-11-12.
- ↑ Gabriele Marcotti (12 Noyabr 2009). Robert Enke: a career of peaks and troughs. Timesonline. Yoxlanılıb 6 Yanvar 2010.
- ↑ Qapıçı intiharı və ya itirilmiş təbəssüm Ekspress qəzeti. Yoxlanılıb 11 Noyabr 2009
- ↑ 10,0 10,1 10,2 10,3 Robert Enkeni ölümə aparan yol. Fanat.az (2009-11-11). Yoxlanılıb 2009-11-11.
- ↑ Neshe Starcevic (10 Noyabr 2009). Germany goalkeeper Robert Enke dies at age 32. Sports.yahoo.com. Yoxlanılıb 11 Noyabr 2009.
- ↑ Almaniya millimizlə oyuna əsas qapıçısız çıxacaq Qol.az. Yoxlanılıb: 8 Sentyabr 2009
- ↑ Enke nəyə görə intihar edib. Apasport (2009-11-11). Yoxlanılıb 2009-11-11.
- ↑ Bakıda oynamış futbolçu özünü qatarın altına atıb öldürdü. Apasport (2009-11-11). Yoxlanılıb 2009-11-11.
- ↑ Robert Enke son mənzilə yola salındı. Fanat.az (2009-11-16). Yoxlanılıb 2009-11-16.
- ↑ Robert Enkenin vida mərasimi keçirilib Kəpəz TV. Yoxlanılıb 12 Noyabr 2009
- ↑ Robert Enke Fondu yaradıldı. Fanat.az (2009-11-11). Yoxlanılıb 2009-11-11.
