Robin Uilyams

Vikipediya, açıq ensiklopediya
Keçid et: naviqasiya, axtar
Robin Uilyams
ing. Robin Williams
Robin Williams 2011 (2).jpg
Robin Uilyams (2011)
Doğum tarixi: 21 iyul 1951(1951-07-21)
Doğum yeri: Flag of the United States.svg ABŞ, Çikaqo
Vəfatı: 11 avqust 2014 (63 yaşında)
Vəfat yeri: Flag of the United States.svg ABŞ, Kaliforniya
Peşəsi: aktyor
IMDb: ID 0000245

Robin Uilyams (ing. Robin Williams; 21 iyul 195111 avqust 2014) — ABŞ aktyoru, "Oskar" mükafatı laureatı.

Həyatı[redaktə]

Məşhur Hollivud ulduzu, pantomim və səs janrının ustası Robin Uilyams Çikaqoda doğulub.

Bu yaxınlarda 57 yaşlı aktyor təngənəfəslik səbəbindən ABŞ-dakı qastrollarını təxirə salıb. O, Florida ştatında «Özünüməhv silahı» adlı yumoristik şounun 4 tamaşasını ləğv edib. Onun nümayəndəsi Dayyan Rouzen bildirib ki, Robin Uilyams sağalandan sonra konsertlərini bərpa edəcək: «Təxirə salınan tamaşalara alınan biletlər ləğv edilməyəcək. Buna baxmayaraq, arzu edənlər biletləri geri qaytararaq pullarını ala bilərlər». Qeyd edək ki, Uilyams ötən ilin sentyabrından «Özünüməhv silahı» şousu ilə ABŞ-ın 80 şəhərini gəzir.

Rouzen aktyorun hazırda harada olduğunu və əməliyyatın nə zaman olacağını açıqlamayıb. Qeyd edək ki, bundan əvvəl «The Miami Herald» aktyorun kəskin ağrılarla Mayami xəstəxanalarından birinə aparıldığını bildirmişdi.

Robin Uilyamsın atası vaxtilə «Ford» korporasiyasının rəhbərliyinə daxil olub. Lakin oğlu onun yolunu seçməyərək aktyor kimi fəaliyyət göstərməyə üstünlük verib. Robin Uilyams «Missis Dautfayr», «Qudzon üzərində Moskva», «Cumanci» bədii filmləri və çoxsaylı cizgi filmlərinin səsləndirilməsi ilə məşhurdur. Onun namizədliyini «Sabahın xeyir, Vyetnam» və «Ölü şairlər cəmiyyəti» filmlərindəki rollarına görə iki dəfə «Oskar» mükafatına irəli sürüblər. Lakin Uilyams «Oskar»ı bu filmlərə görə deyil, 1997-ci ildə çəkilən «Ağıllı Uill Hantinq» filmindəki ikinci plandakı roluna görə alıb.

Ölümü[redaktə]

Robin Uilyams 11 avqust 2014-cü il tarixdə yerli vaxtla saat 11:55 radələrində Kaliforniya ştatının Tiburn şəhərində yerləşən evində huşsuz vəziyyətdə aşkar edilmişdir. Marin dairəsinin şerifinin sözlərinə görə, asfiksiyadan ölmüşdür. Lakin onun ölümünün əsas səbəbi 12 avqustda aparılacaq məhkəmə-tibbi ekspertizası və toksikoloji testdən sonra bildiriləcəkdir. Uilyam son zamanlar narkotik və alkoqolla yaşandığı problem üzündən Lindstromda (Minnesota ştatı) reabilitasiya kursu keçirdi. Aktyorun şəxsi naşiri bildirmişdir ki, ölümündən qabaq Uilyams "ağır depressiya" ilə mübarizə aparırdı. Lakin o intihar barədə bildirişi təsdiq etmədi.

Aktyorun həyat yoldaşı Süzan Şnayeder onun ölümü barədə bu sözləri söyləmişdir: "Mən öz ərimi və ən yaxşı dostumu itirdim, dünya isə ən sevimli artistlərdən və ən gözəl insanlardan birini itirdi. Mənim qəlbim artıq sınıb."

ABŞ prezidenti Barak Obama bildirmişdir ki, Uilyams "insan ruhunun hər bir hissəsinə toxunmağı bacara bilən bir aktyor" olmuşdur.

Filmoqrafiya[redaktə]

Xarici keçidlər[redaktə]