Sadaklar

Sadaklar Azərbaycanda (Qafqaz Albaniyasında) yaşamış və Alban tayfa ittifaqında daxil olan türk mənşəli tayfalardan biridir.

Moisey Kalankatlı Qafqaz Albaniyasının bir tayfasının adını Savdey kimi çəkir.(Alban ölkəsinin tarixi,I kitab,IV fəsil) Müəllifin yazdığından belə çıxır ki,bu tayfa I əsrdən bu ərazidə yaşamışdır.Azərbaycan tədqiqatçılarının bəziləri bu tayfanı Qafqazmənşəli,bəziləri isə türkmənşəli sayırlar.Əslndə Kalankatlının Savdey kimi göstərdiyi (əslində Kalankatlının etnonimi necə yazması məlum deyil.Erməni kilsə xadimləri alban dilində yazılmış bütün əsərləri məhv edərkən Kalankatlının əsərinin də orijinalını məhv etmişlər və biz bu əsərin qrabarcaya tərcüməsindən istifadə edə bilirik) bu etnonim sadak türk tayfasının adının qrabarca təhrifidir.

Sadak türk tayfası qədim tarixə malikdir.Orta Asiyada bu tayfa e.ə. 519-cu ilə aid Bisutun qaya yazısında saklarla yanaşı xatırlanır.Daha sonra belə tayfa hunların arasında məlum olur.Qiyasəddin Qeybullayev qeyd edir ki,ehtimal ki,Azərbaycandakı sadaklar e.ə. VII əsrdə sakların Azərbaycana axını zamanı gəlmişlər.XIV əsr müəllifi Həmdullah Qəzvininin Şəmkir yaxınlığında göstərdiyi Yurt-Şadakban toponimi,Tovuz və Qazax rayonlarında Sadıxlı (əslində Sadaklı) kəndlərinin adları bu etnonimlə bağlıdır.

Mənbə

1. Q.Qeybullayev-Azərbaycan türklərinin təşəkkülü tarixindən,Bakı,1994
2. Moisey Kalankatlı-Alban ölkəsinin tarixi.Mxitar Qoş-Alban səlnamələri,Bakı,2006

Həmçinin bax

• Qafqaz Albaniyası
• Qafqaz albanları